Inyiak ambo inyiak lako,
mungkin sambalado cangkuak hanyo pemicu sajo, tapi nan mambuek aia mato
balinang, mungkin kasiah urang nan mambuek, kasiah kakak ka adiak nan
indak tagantikan.
Taibo pulo hati ambo, dek inyiak manulih kato "kasian ombak", raso ka
tibo di tipak badan ambo. Ko inyiak kasihatan jo umua nan ma ambek,
tipak dek ambo parau bana nan sadang di tangah, iduik nan sadang maso
kudo baban, bak cando kabau mairik padati, antahlah dima parantian,
malaleh kuduak dek pasangan. Namun padati HARUS bairik juo. Kok untuang
lai mujua nyiak, salamaik pincalang maniti riak, kok untuang nan jauah,
manjadi parau baracuang badan nangko. Dek kini ombak lai kasian,
tatampuah juo ranah tapi, tapi bukan disinan akhia tujuan, masih jauah
taluak palabuhan.
Sungguahpun sabak dimato inyiak, bak cando hujan aia mato jatuah di dado
ambo, isak babanam, tangih bagumam, dek awak tonggak tuo, ba kao juo
badan bajalan. Di lahia inyiak layangkan, di batin ambo jauah tatikam.
Bialah jo sumbayang Subuah sabak di apuih, bakirim do'a ka nan satu.
Salam Takzim Cucu Inyiak
Andiko Sutan Mancayo
[email protected] wrote:
Assalamualaikum ww
Carito manjalang azan Subuah dari sanak Andiko St Mancayo, balinang aie mato
ambo .
Kok daulu waktu kakak ambo lai iduik juo, samba lado pado nan satiok ambo
pulang pasti dibuekkannyo , karano itu nan lamak bana diambo sajak ketek .
Baa kolah kini lai ado juo urang manjua maco Pado tu ?
Diambo cuma tingga kenangan sajo lai, kok lai kasihan ombak lai katajalang juo
ranah minang, iduik lah sagalo suntue , kadipangagan lai . Muda2an Allah swt
mamanjangkan umua ambo .. Amin .
Sent from my BlackBerryŽ
powered by Sinyal Kuat INDOSAT
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
