Oiiyyyayyai, oiyyyaiyyai ... Turun naiak jakun MakNgah mancaliak gambar panambah salero nan angku Boes katangahkan di Lapau ko. Sabana kalua panaruahan Lapau, sabana pandai Angku Boes maimbau Makngah mancogok ka Lapau...
Tarimo kasih. Lah ambo simpan website tu, untuak dicaliak-caliak bilo patah salero...:) Salamo indak ka Lapau lah babuek Kalio Jariang lah habih lo kini. Sudah tu dibuek pulo Paragede menuruik resep Renny, Rina, Angku Taufiq dan Angku Ryan Firdaus. Lah abih lo kini. Mangareok lo paruik mancaliak gambar-gambar nan dikatangahkan angku Boes tu... :) Saleroo... Salero. Tarimo kasih Angku Syafroni nan lah maimbau MakNgah, disambuik Rita sarato ditukeh Angku Boes. Sabanta ko angku Nofend maimbau pulo di YM. Ambo kecekkan MakNgah jo istilah sadang "hibernating". Sudah tu sadang manulih ko tampak pulo Rina maimbau di YM. Tarimo kasih Rina, Alun takamehi lai. Iyo sabana lakeh wakatu baputa, lah sabulan pulo sajak MakNgah mancaritokan Blue Moon, Bulan Muharram 14, hari lahia di Bulan Arab, jo tahun Tahun Baru. Banyak adidunsanak nan mangucapkan salamat hari lahia wakatu itu, alun tabalehi ciek-ciek.. Sabana jo maoh ambo pintak, tarimo kasih sakali banyak. Mudahana tabaiya utang jo maoh ko. Kini lah sabulan pulo jo Bulan Panuah Muharram, lah bulan panuah Safar lo kini. Sakali-sakali lai mancigok ka Lapau, tapi sabana takajuik Makngah banyak bana topik, indak takamehi nan ma ka disatoi, di maa ka dimuloi. Tapi, sabagai pangatahuan kito basamo indak sadono dapek takamehi doh. Jadi kok MakNgah indak sato maota lah sabulan ko iyo jo Maoh sajo dipabanyak. Jadi kok MakNgah mancumbok ka Lapau nanti, kok sato ditangah-tangah jan takajuik kalau hilang urutannyo. Tapi untuak saqmantaro bialah mancigok-cigo sajo dulu. Bak kecek pantun Rang Lapau di Saruaso sari, Saruaso Tanjuang Barulak, katigo jo Saruaso. Bakato aia dalam luak Kok ndak ka mandi mambasuah muko. Sabanta ko nan takajuik bana MakNgah, posting Angku Zaimir nan mangecekkan "Salamat Jalan Bundo Nismah" ambo sangko baliau lah maambaukan nan indak-indak kito sangko pulo... Mangko baitu tasirok darah janyo ambo, wakatu MakNgah sms Bundo Nismah, indak ado dapek balasannyo. Dalam kakhawatiran tu, Angku Zaimir manyampaikan salamat jalan... Insya Allah, MakNgah lai sehat-sehat, lai aktif ka Gym, baranang, kickboxing, boothcamp, yoga, Zumba fitness dance. Main tali (jump rope) lai rato-rato 200 kali etongan satiok hari. Sakali-sakali, saromana dibayangkan Rita nan lai acok maimbau MakNgah, iyo barek jago pagi. Tapi dengan biaso Yoga, baparektekkan yoga tu untuak jago lalok. Muloi dari mambukak mato, manggarik maereng, duduk, baransua-ansuak tagak, malangkah jo bismillah, taruih basuci jo sumbayang. Sudah tu buek kopi, dst. Sakitulah dahulu, biko panjang-panjang lo kaji Makngah.Samantaro tu, kok indak sugiro MakNgah ka Lapau, iyo anggap sajo lah masih "hibernating" kini tu. Salam, --MakNgah Sjamsir Sjarif --- In [email protected], boes <b...@...> wrote: > > Mak Ngah, > > iko ado macam2 resep pambuka salero. > bisa dicuboi kok sadang patah, tingga mamiliah sajonyo. > > http://www.pbase.com/archiaston/my_wife_kitchen_gallery&page=all > > > wassalam > boes > > > Rita Desfitri Lukman wrote: > > Sanak Roni, > > > > Kebetulan 2 hari nan lalu ambo sempat 'mengetuk' rumah di Gault tu. > > Satahu ambo, Mak Ngah iyo agak talampok sepai sepoi angin musim > > dingin saketek :( > > Insya Allah semoga sabanta lai beliau sabana coga baliak. > > (Lah jadi mak ngah pai ka toko ubek herbal cino tu, mak ngah?) > > > > Wassalam, > > > > Rita Lukman > > /// -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
