Pak Ryan Jo Sanak Palanta
Ambo salah satu pecinta Tomyam, dek rasaki, lai ambo jajal Tomyam ko
mulai dari Indonesia sampai ka kampuangnyo di Bangkok jo kawasan
disinan. Tiok tampek baik di cafe, hotel atau kota babedo rasonyo.
Nampaknyo disasuaikan jo salero setempat. Dari sado pengalaman mancubo
Tomyam di banyak tampek iko, garis pembedanyo adolah tingkek ke asaman
jo kepedasan. Sakali-sakali di kuahnyo baranang pulo lado kutu disinan.
Kalau di Indonesia ko, Tomyam nan sasui jo lidah ambo (Asam jo Padeh) di
Hotel Peony Pontianak, dilantai 5 ado restoran terbuka, menu nan selalu
ambo mintak disinan Tomyam Soup atau Tomyam Noodle, es teh jo Peony
Salad. Kalau alah mamakan iko, takapa dek kakanyangan sambia mandanga
life music jo diambuih angin sanjo Pontianak. Warung kaduo nan ambo suko
adolah di mungko lapangan Sempur Bogor. Nan punyo warung ko bekas tukang
masak di Hotel Indonesia Bundaran HI. Ukatu pemecatan besar-besaran,
baliau ko buka kadai disinan. Setelah ambo promosikan di milis Jalan
Sutra, keceknyo banyak urang nan ganjia-ganjia datang kasinan. Kini inyo
alah dapek kadai representatif di Bogor tapi alun panah ambo berkunjung
kasinan. Kalau di Batam ado di Mega Mall lantai duo yang warung
Palembang. lai agak mandakek jo lidah ambo.
Samantaro itu di kampuangnyo sendiri, yo ndak sasuai jo lidah ambo, agak
aneh baunnyo, urang disinan suko bawang putiah, apopun nyo agiah bawang
putiah. Kalau di Phnompenh-Kamboja, pengusaha restorannyo banyak dari
Tayland. Ambo panah ampek hari singgah taruih di Cafe Khmer Surin dakek
ustano rajo Kamboja. Banyak masakan olahan alami disinan nan
santiang-santiang, tapi tetap juo Tomyamnyo indak sasui jo ambo. Efek
manihnyo agak balabiah dek lidah ambo, mungkin karena kawasan itu
kawasan turis, mako disasuikan rasonyo jo lidah kebanyakan internasional.
Kok Asam Padeh ko yo kawannyo asam kandih. Ambo dek katuju bana jo Asam
Padeh ko, yo jadi makan wajib dek ambo. Dulu ukatu kuliah di UNAND Parak
Karambia, ado disinan urang asli manjua asam padeh nan santiang bana.
Tapi kini ambo indak tahu apokah masih manggaleh. Kalau sampai taconcong
ka rumah makan sekelas Restoran Sederhana, yo bana lari rasonyo dari
lidah ambo.
Salam
Andiko Sutan Mancayo
Ryan Firdaus wrote:
Tom Yam Vs Asam Padeh...
kalau ndak salah..asam padeh ko lamak nyo jo asam kapiang<asam
kandis>, bukan asam jawa doh pak Taufiq...kalau Tom Yam pulo raso asam
nyo dari limau nipis...kaduo2nyo dominan sarai, tapi tom yam ndak
pakai kunyik, di bandiangkan asam padeh...Tom Yam labiah ka sea
food...kalau asam padeh labiah ka ikan sungai, tapi ikan lauik pun
bisa masuak...
sataruihnyo Da Jepe jo sanak Andiko juo nan labiah arif
mandendangkannyo...sambia ti tingkah dek sanak Rina batam jo Reny
ancol....
wassalam, kaki Tom Yam...ryan ipoh..
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
