Sanak, bak kato di pagurauan, bialah saluang nan manyampaikan. Tadi ambo
bali beberapa VCD saluang, ciek lirik lagu nan mambuek lintuah adolah
nan di bawah.
Salam
Andiko Sutan Mancayo
_____________________________
Nasip Padi Salibu
Si E Jo Sawir
Manggabak hujan di hulu
Baransua hilang cahayo paneh
Mungkin katurun hutan
Nan maratok padi salibu
Tumbuah sarumpun jo nan boneh
Tibo manyabik rang sisiahkan
Kok nyampang lamo hari paneh
Marasai bumi kakaringan
Kalayua tanaman mudo
Oi itu salahnyo buah boneh
Jo tangih batang baanjuangkan
Jo jaso bumi lupo pulo
Bialah nak hujan hari
Nak barayia sumua jo banda
Nak anyuik sarok dalam kampuang
Oh sato manangih rumpun padi
Maliek salibu tingga
Nan boneh masuak lumbuang
Nyampang rang indang tampi careh
Sado nan lah ampo abih tabang
Salibu lapuak di tangkainyo
Sungguahlah rintang jo nan boneh
Salibu tolong baok pulang
Ka galu-galu dapek juo
Badabuak hujan dalam paneh
Kamalah badan ka balinduang
Payuang ciek lah cabiak pulo
Oh pasan salibu ka nan boneh
Pasangan tolong masuak lumbuang
Kami di sawah kana juo
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
