Dunsanak di Lapau,
Manuruik ambo sabana rancak pemimpin ko dakek jo rakyatnyo sahinggo rakyat indak banyak nan baburuak sangko. Kalo informasi-informasi detail saroman nan dikecekkan Pak Dahlan tu, lampu mati alah 4 jam baru ado nan maagiah tau PLN baru PLN tau kalo ado mati lampu. Jadi kini kito langsuang maagiah tau PLN kalo di tampek kito baru mati lampu. Jadi lakeh mereka mananganinyo. Kito ambiak se hikmahnyo. Ciek li contoh tentang kebijakan beban minimum nan dihapuihkan, sangaik banyak manolong perusahaan nan sadang dilando krisis global ko. Dek banyaknyo keluhan sahinggo keluhan ko dipelajari dan diputuihkan untuak indak dilaksanakan. Sangaik babeda jo beberapa waktu nan lapeh, indak hinggo2 sakahandak hati sajo mambuek kebijakan apo itu manaikkan tariff tanpa ado perbaikan layanan. Sahinggo muncul kasus2 baru dipengadilan dimano2 di nagari ko. BUkan mampabaiki efeisiensi ka dalam tubuh PLN tapi tambah manunja tariff baban untuak rakyat. Sabana memprihatinkan memang.. Sampai ambo dapek kaba Pak Dahlan jadi Dirut PLN baru..ambo sebagai salah satu rakyat di Negara ko jadi baharok banyak kalo kito akan menikmati listrik indak cando nan taralah lai, mungkin sajo liau paralu wakatu, kan indak bisa marubah sado alahe jo sim salabim do kan? Ambo caliak antaro Pak Dahlan jo Pak Prof DR H. K Suheimi di lapau kito ko banyak kesamoannyo. Suko manulihkan pangalaman nan baru dilalui. Sahinggo banyak bana manfaatnyo bagi urang lain. Makonyo ambo yakin Pak Dahlan Iskan ko bisa mangatasi masalah nan alah barurat barakarnyo sarang tikuih di PLN ko. Bukankah itu adolah persoalan nan sangaik sulik diatasi di Negara awak ko sebab nan mode2 itu kadang alah dilakukan sacaro bajamaah dari ujuang hinggo pangka. Dimuloi di sipangkonyo mudah2an dalam ukatu nan ndak talalu lamo, Sipangka ko bisa maagiah luruih sampai ka ujuang2nyo. SEMOGA.. Wassalam Rina, 33, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
