Assalamu 'alaikum warahmatullahi wabarakatuh
Dunsanak nan taserak di seluruh dunia
7 syaraek jadi pangulu
(Di ambiak dari buku Tampo Minangkabau nan bajua di lapau sajak kapatang,
terjemahan bebas ka baso Minang)
Baraka. Bisa mambedakan buruak-elok, halal-haram, salah-bana
Babudi bahaso. Mambuhua indak mambuku, mauleh indak mangasan
Ba ilimu. Tarutamo adaek jo syarak karano ABSSBK ditambah pangatahuan umum
lainnyo. Tanpa itu adalah alam kabodohan. Ilimu ko haruslah:
ilmu nan dipahamkan,
ilmu nan diparangaikan
Adia dan pamurah. Kalau maukua samo panjang, manimbang samo barek, mambalah
samo laweh. Tibo di mato bapiciangkan, tibo di paruik bakampihkan, tibo di
dado babusuangkan. Pamurah bararti suko mambantu jo manolong, sanggup bakorban
harato maupun nyao demi keadilan dan kebenaran. Walaupun sapancuang lihia
putuih, walaupun lidah ka tagantiang, asalkan masih nyao-nyao ikan, asal masih
jiwa-jiwa patuang, patah kapak batungkek paruah, namun nan hak jo bana harus
ditagakkan. Baa nyo lai ka lanteh angan, sanak!
Ingek ka jago. Sadio payuang sabalun hujan, jan sampai jalan dianjak urang
lalu, cupak jan sampai dituka urang panggaleh, alamaek kalah limau dek banalu.
Tau di ereng jo gendeang, pandai mangaji baso-basi, tau dirantiang nan ka
mancucuak, tau di dahan nan ka ma impok, tau di angin nan ka ma ambuih, tau di
ombak nan basabuang, alun ta kilek lah ta kalam, ta kilek ikan di lauiek dalam,
lah jaleh jantan jo batinonyo.
Saba jo bijaksana. Ba alam leba ba pandang lapang, pandai bagaua dalam
masyarakaek: jan capek naiak darah. Indaklah basutan di hati, janlah barajo
di mato, indak babanak ka ampu kaki, indak babana ka pangka langan, ja bateras
ka ujuang dahan, kandua badantiang-dantiang, tagang bajelo-jelo, cadiak indak
mambuang kawan, gapuak indak mambuang lamak, tukang indak mambuang kayu.
Pusek jalo himpunan ikan, tampek rakyaek mangadu, kalau kusuik manyalasaikan,
kalau karuah manjaniahkan. Adaek taluak timbunan kapa, adaek gunuang timbunan
kabuik, adaek lurah timbunan aia, adaek pangulu timbunan upek.
Nan cadiak candokio
Nan arif bijaksano
Nan tau duri ka manyangkuik
Nan tau rantiang ka mancucuak
Tau di angin nan basiru
Tau di ombak nan badabua
Tau di karang nan talungguak
Tau di pasang turun naiak
Tau ereng jo gendeang
Tau dibayang ujuik kato
Tau diundang nan duo puluah
Tau di limbago hukum nan sapuluah
Mungkin ado nan ganjia nan tabaco, co kecek di ateh cako ikolah terjemahan
bebas dari buku Tambo Minangkabau nan sayangnyo ditulih jo baso Indonesia.
Wassalam,
ZulTan,
L, 49+, Bogor
Bersenang-senang di Yahoo! Messenger dengan semua teman. Tambahkan mereka
dari email atau jaringan sosial Anda sekarang!
http://id.messenger.yahoo.com/invite/
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
