Da Jepe jo Rina Jo Roni
Kalau barasian makan-makan ko kato urang gaek dakek jo sakik ko.
Tabayang dek ambo da Jepe mancapak-capak sambia lalok, eh ndak tahunyo
si dirih nan bakarajo. Nyo kabek garam jo banang, taruih nyo uluakan ka
muncuang da Jepe, katiko asinnyo agak taraso, di ganjuonyo banang ko dek
si dirih, capak da Jepe se nan tasiso. Dulu ukatu ketek-ketek dan remaja
tangguang dan lalok rami-rami, acok kami lakukan nan mode itu.
Baliak ka ayam lado patah ko, rasonyo yo lamak bana mungkin, sampai
tamimpi-mimpi bagai da Jepe deknyo. Kok lai ka buliah, bialah Rina masak
di Batam, baduo jo urang rumah ambo, kito buek acara masak memasak.
Kalaulah di Batam tantu buliah ambo mamakannyo, yurisdiksi hukum adat
manujuah bulannyo alah talampau, karena alah manyubarang pulau. Kito
undang pulo si Roni tukang insinyur nan di Panasonik tu. Raso ka lamak
pulo capak tu. Bulan kini ambo lai agak lamo di Batam, bisa pulo kito
bao ka Pulau Putri ayam tu. Bialah da Jepe tamimpi-mimpi se.
Salam
Andiko
Jupardi wrote:
* “Jepe ..Barasian lo waang liak mah” *
* (Humor Ringan Kuliner) *
* *
* By : Jepe *
Yo angek ati ambo, ibu mudo baranak duo nan basuami urang jawo nan
marantau di Batam tan sia lai kok ndak si Rina Permadi, kanai hawo
bana ambo jo kuliner pusako kampuangnyo Tilatang Kamang nan banamo
“Ayam Patah Lado Mudo” biasonyo hidangan ko dikatangahkan acara
induak-induak manganduang tujuah bulan di kampuangnyo. Yo sabana
dihawo bana ambo co carito dan kodak masakan ko di efbe ambo, ampun
..!!! mangaranyam lansuang “los lambuang” ambo deknyo
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
