Sanak Palanta
Pulang kapatang, talakik juo malayok sabanta ka tapi pasie, yo ka Piaman
urang imbauan. Niek nak batamu jo kawan lamo nan bagala Sidi. Kok Sidi
ko yo babedo jo Sutan, baik di kampuang, apo lai dirumah mintuo, baa
caronyo mangecek ka Sidi ko, yo babeda ka nan bagala Sutan. Ukatu, paneh
tangguang di Piaman, dibukaklah curito dek kawan ambo Sidi ko.
Batanyolah inyo ka ambo,
"Oi Sutan, apo beda antaro perlakuan ka Sidi dek mintuo jo perlakukan ka
minantu nan galanyo cuma Sutan"
Sakutiko ambo tagulenjek,
"ado pulo yo bedonyo yo, apo tu sidi ?, tingkah ambo.
"Oh tantulah sutan, masa sutan indak tahu ?" timpo sidi
" Kalau mode itu bacaritolah sidi ka ambo" pinto ambo
Mode iko mah
Suatu kali pulang karajo tangah hari, abih sumbayang luhua, makan
batambuah pulo, paluah alah mancucua, basandalah di barando sambia
mairuik pesok daun anau ko. Dek lamak ma esok, jo diambuih angin, ka
badan nan cuma basinggilek se, ba angkeklah kaki ka ateh kurisi,
satangah mancangkuang. Sakatiko kutiko badan ka talayang, lelap-lelap
ayam kato urang, mintuo tibo di janjang, nak ka naiak ka ateh rumah.
Disinan beda caro mangecek mintua ka minantu yang bagala Sidi jo nan
bagala Sutan.
Kalau minantu bagala sutan
Mintuo akan tapakiak, mahariak tangguang; "Oi sutan, elok-elok duduak,
tasimbah kain tu mah, malu awak dek urang !"
Sutan : tagulenjek, langsuang tagak dan masuak kamar.
Kalau minantu bagala Sidi
Mintuo akan mandehem, batuak-batuak tangguang dan terjadilah dialog
Mintuo : Sidi, yo rancak bana kain saruang Sidi, apo cap Gajah Duduak
mereknyo yo ?
Sidi : Oh batua mintuo, bana mereknyo Gajah Duduak, yo subana tajam mato
mintuo, tahu sakali merek kain saruang rancak, baa mangko mintuo tahu,
apo tandonyo ?
Mintuo : Oh tantulah sidi, sabab ambo nampak manjulua bilalai gajahnyo !
Basigageh Sidi mambereskan duduaknyo, itu bana mukasuik mintuo,
mangatokan kain alah tasimbah diambuih angin.
Yo raso mati takakah-kakah ambo dek galak, malepeh siang di pantai
Gondoriah ko.....ha...ha.....
(Cerita ini diceritakan oleh seorang teman di Padang, tidak bermaksud
melecehkan)
Andiko Sutan Mancayo
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
