Da, bialah jo saluang Gayuang Basambuik, tolonglah inokkan bana, dek
coiko mangkonyo bajalan, nan awak yo mantimun bungkuak, pamadek karuang
baru gunonyo. kok lai kasiah ombak, batamu juo jo tanah tapi, kok riak
nan mambao jauah, marantau cino malah jadinyo.
Yo la…yo…lai , Nan silampuang jo pariaman, Ko da…oi….
Parak pandan Jo kampuang pauh, Rasau diambiak golong-golong
Disinan talang tak karatak, Indak sampan tabaliak lai, Nan barabah dalam
parau…
Tingga…kampuang , Tingga halaman…. , Tinggalah kawan samo gadang ,
Tingga tapian tampek mandi
Rilakan kato nan tadorong, pai lun tantu ka babaliak, Kok mati di rantau
urang, Tuan…aiii….. Hokum Allah sia nan ka tau
Onde..mak…malang…ai…..
Oi karatau madang diulu.. Ba buah babungo balun
Lah masak jatuah sabalah , Ndak mungkin ka elok lai
Mungkin kabusuak salamonyo mak…
Oi karantau bujang dahulu, Di rumah paguno balun
Nan samo gadang basikola , Awak bansaik ba ibo hati
Bia nak sansai salamonyo
Onde mak….oi..oiiii, Salamonyo….. Bia nak sansai salamonyo, Onde
mak….oi..oiiii
Salamonyo….. Yo la…oi……
Ramilah pasa lubuak aluang ,
Urang manggaleh barang mudo
Bao ka pakan limau puruik,
Tarantang kawek ka paseban
Tarantang sampai ka Batawi,
Sinan nan kanduang urang imbaukan
Lai kok sanang mandanganyo
Malang badan nan punyo untuang
Kasiah hanyolah ambiak muko
Elok diganjua baliak suruik
Untuang denai sajak daulu
Gadang dek bareh rang ba anduak
Rancak dek baju palasoran
Bia denai bajalan jauh
Tuan oi…oi….. Pado manyeso kanduang sajo, Nde mak…ak….ak….oi,
Onde..mak…malang…ai…..
Daun jirak daun jalatang
Oi katigo daun cubadak
Sadundun jo daun lado
Rang tanam di sanjo rayo mak
Basabab anak turun janjang
Oi dikampuang sagalo tidak
Mande bansaik ayah lah tuo
Sabana sarik salang tingga
Bia nak sansai mak badan ambo Nde mak…, Bia nak sansai badan ambo
(Pariaman, Vocal : Eti Chania)
[email protected] wrote:
Ndee yo ibo ati ambo deknyo, kok badan diri hanyuik la co kain buruak, iyo ndak
ado nan kapaduli do..dima tibo sajo untuang jo parasaian..jaan lah co itu bana
ndaknyo sutan
Kok jampang alun juo cakak babaleh di rantau, ambo pikia hanyo masalah wakatu
sajo, ado maso e cakak ko babaleh mambaok untuang, kok itu nan balaku bisuak
iyo jaan dilupokan Uda, lai kajadi manyorong2 kopor andiko ka bandara bisuak
e..ndak baa juo do, bia lah tanduak bakubang namun salero lapeh juo :)
Iyo agak prihatin juo ambo mancaliak sutan manyanda di ujuang palanta mandaguak
kopi paik sakarek jo paisok nipah nan bapulunkan timbakau nomor 9 raso jauh
pandangan jo pandangaran maituang untuang jo parasaian iduik, nan tabedo takana
kasiah nan indak sampai tu, cinto ditulak dek mamak nan basingkalan taba tu,
apo dayo sutan hanyo kain buruak nan hanyuik di sungai, bialah ambo nan
maintehnyo kok jampang tasakek di rantiang jaan sampai ka muaro tibo dilauik
dihampeh ombak pulo, matoari tagak tali nan batatantang tajamua jo lauk maco di
pasia yo ibo ati ambo,
Kok yo lah paik bana paisok nipah tu taraso dek sutan, mandakek lah ka kami,
jadilah ambo pasankan susu soda nan kamek, elolah agak sabungkuih untuak sutan
jisamsu nan lamak tu..ndak lo ka ambo balikan panama, kaiser jo rokok soor
tu..maratuang pirang pulo bulu hiduang sutan dek asoknyo ha ha ha
Batigo kito samo iruik susu soda di hari minggu ko, bapulun-pulun tabang
kaudaro asok jisamsu nan awak ambuihkan
Yo lah malang bana kini si Rokok Nipah Amsterdam
Kok ndak diisok api padam
Jampang diisok pipi nan cukam
Tapi baa ka baa dek paik si daun nipah, disikolo mako kaba rabab mambuek hati
jo jantuang ramuak
Oiiiiii sutannnnnn, agiahlah liak dendang raun sabalik ko
Wass-Jepe
Sent from my BlackBerry® smartphone from Sinyal Bagus XL, Nyambung Teruuusss...!
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
