Assalamu’alaikum warahmatullahi wabarakaatuh, Manolah adidunsanak palanta nan budiman,
Mohon ambo untuak ikuik babagi ilmu sebuah masakan (kuliner) tapi sakali ko iyo bukan masakan kuliner pusako, tapi rancak untuak kesehatan awak. Makanan ko kalo dimakan rasonyo raso-raso mamakan dagiang. Awak kicuah salero kito dari mamakan dagiang manjadi mamakan jamur. Kaki jamur kariang ko bisa didapek di toko2 bahan makanan kariang atau kalo ado toko vegetarian, yakin ambo ado mereka jua. Balinyopun indak tatalu maha doh, jauah labiah murah dari jamur nan fresh. Kiro2 mode iko dendang eh kuliner ko : Namonyo lun ado lih alias lun ado judul. Bahan2 : Kaki jamur kering 1 ons Lado merah ½ ons atau saparalunyo sajo Bawang merah giliang bawang putiah cukuik2 riciah Kecap asin 2 sendok makan Mentega Garam Caro mambuek : Kaki jamur dirandam samalam Dicuci barasiah sambia dikaluakan nan itam2 tampek tumbuahnyo di kayu, kadang tabaok pulo ureknyo nan agak kareh tu. Jadi nan dimakan hanyo batangnyo sajo J Sasudah dicuci barasiah trus ditumbuak ratak2 dimano tampilan ratak2nyo ko marubah jadi bantuak suwiran dagiang jawie. Kalo lah sudah di tokok ko indak buliah dicuci lai doh, ilang wangi jo raso-raso khas dagiang nan diagiah sentuhan patai. Digoreang salincam trus ditirihan minyaknyo. Giliang lado merah jo bawang merah plus garam Tumih jo mentega sasendok makan bawang putiah masuakkan lado giliang plus bawang merah tadi Sabanta sudah tu masuakkan kaki jamur nan alah babantuak suwiran dagiang tadi Agiah sentuhan kecap asin Rasoan garamnyo HIdangkan di piriang layah. Raso nan didapek sasudah masak ko adolah raso dagiang balado baraso diagiah patai Lamak bana dimakan jo kuah bakso nan bening plus goreng taruang ungu. Nak duo kuliner bairiang, ambo tambahkan kawannyo Bakso vegetarian Bahan2nyo : Bahan Bakso Kaki jamur ½ ons Jinten salayang Terigu 3 sendok makan Kanji 2 sendok makan Garam Bahan kuah : Bawang putiah pinyak 4 buah Caronyo sabalun dikubak dilampok jo pisau, pisau ditokok jo tumuan tapak tangan sampai pinyak baru dikubak. (kan lai tabayang kan??) Sipadeh potong lidi Buah palo salayang aluih Daun salam ciek Saladari bawang perai riciah haluih Parancah wortel potong serong jo brokoli saketek sajo supayo warna kuah tetap bening Garam Caronyo : Kaki jamur nan alah dirandam jo dirasiahan di pareh aianyo trus ditumbuak agak hancua Campua seluruh bahan trus dibulek2kan trus digoreang. Agak coklat trus diangkek. Hidangkan di mangkuak. Untuak kuahnyo, aia digalagakkan sadang elok banyaknyo trus dimasuakkan sadonyo bumbu Alah manggalagak kuah masukkan wortel 5 minik matikan api baru dimasuakkan brokoli Jadi warna brokoli tetap hijau cerah fresh katiko dimakan. Kicok garamnyo. Hidangkan di mangkuak lo. Ambiak nasi angek di cipia Latakkan lauaknyo : - Sacipia dagiang vege balado - Samangkuak kuah bakso jo rancahannyo - samangkuak bakso jamur - Duo buah taruang ungu goreng balado hijau. Selamat menikmati…. Mudah2an iko adolah usaho untuak manyeimbangkan hiduik dari segi makanan. Wassalam Rina, 33, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
