Ko ciek lai..
Adolo carito Abak katiko ka mudiak abih bagolak. Nagari lah aman. Pulanglah
liau ka kampuang, kiro2 taun 63.
Naiak Gagak Hitam, badan badagok, tenggi 168. Kaki ko panjang, yo sabana pas
lutuik tasakang jo sandaran bangku di muko.
Lah lamo oto bajalan uranglah abih lalok. Nan sabalah suok abak wak ko
apak-apak sapangkek Tan Ameh kinilah, sakiro 50 taun.
Necis urangnyo, abuak rapi dek pakai Lavender. Tapi karuahnyo gadang.
Abak ambo agak tanggangu ndak bisa lalok karano rarau karuahnyo tu ha.
Ndak itu sajo malakok lonyo ka bahu abak wak dek lamaknyo lalok.
Lah ditulak bahu gaek necis ko tapi baliak juo malakok. Lamo-lamo mangka hati
abak wak.
Disikunyo pinggang gaek tu saketek. Lansuangnyo ta sintak sambia maelo aia
liuanyo pas bantuak urang gigi balubang abih makan.
"Apak lah lalok ka bahu ambo, ambo baludahi pulo," kecek abak mbo.
"Ndeh maaf nak mudo, ambo yo latiah bana. Bia lah ambo lap jo sapu tangan ko
ha."
"Jan lain, bialah," kecek abak wakko, nan sabananyo ndak kanai liua gae doh.
Akhir-akhirnyo maota-maota, ruponyo gaek ko tukang ubek di pasa pusat
Pakanbaru. Patuiklah ado tas echolac nan dikapik-kapiknyo.
"Patuiklah raso-raso panah basuo," kecek abakko dalam hati.
Jadilah bacaritonyo tantang macam-macam urang nan lah cegak diubeki nyo. Ado
nan dek kurok manaun, dek kuhua, dek biriang, si jundai, pendeknyo sagalo macam
panyakik. Pokoknyo otanyo ndak putuih-putuih tentang kahebatan baliau.
Mato abak lah mangantuak, gaek ko taruih se maota. "Baalah caro maantikannyo,"
abak yo bapikia kareh. Inyo paling maleh kalau urang lah "ma nden".
"Anak mudo ka kama koo?" keceknyo.
"Ambo ka kampuang Mak, sajak parang alun tacaliak lai"
"Aa dima tu?" Suasanalah mulai caia.
"Di mudiak, Koto Tinggi, ado nan sakik lo Mak"
"Aa sakiknyo," keceknyo basumangaik sambia mamuta pingguanyo ka arah abak wak.
Deknyo jago lalok, yo haonyo agak taraso saketek kecek abak.
"Agiah tau lah ambo, ndak ado sakik nan dak bisa diubeki"
"Sakik lah bataun Mak"
"Iyo ndak baa doh, aa tu?"
"Langiah dari ketek Mak"
"Oii rang mudo bagarah mah, tu ndak sakik namonyo tu doh"
Oto baranti, "makan..makan.. Nan ka sumbayang sumbayang..," pakiak stokar.
Lah di Lubuak Bangku ruponyo kecek abak maninggaan gaek tu.
Banyak maaf...
Wassalam,
ZulTan,
L, 49+, Bogor
Akses email lebih cepat. Yahoo! menyarankan Anda meng-upgrade browser ke
Internet Explorer 8 baru yang dioptimalkan untuk Yahoo! Dapatkan di sini!
http://downloads.yahoo.com/id/internetexplorer
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
