Assalamualaikum ww Dunsanak sapalanta nan ambo hormati, maaf ambo manyalang istilah bundo Nismah PRRI is a blessing in disguise , karano ado saketek basinggungan jo parjalanan hidup ambo .
Dalam rangko memperi ngati 15 Februari 1958, mari kito lupokan kesedihan masa lalu, kita hadapi masa depan yg penuh harapan dan tantangan yg mungkin lebih barek dari maso lalu . Pergolakan PRRI adolah sabagian dari rentetan panjang dari perjuangan bangso kito mendapekkan kemerdekaan menuju kehidupan rakyat Indonesia nan adil, makmur dan sejahtera, tamasuak didalamnyo urang Minang. Pergolakan ini dilakukan oleh para mantan perintis dan pejuang kemerdekaan dengan niat, tujuan sarato sasaran nan jelas sakalipun tidak saluruhnyo tacapai . Oleh sabab itu wajar kito bangga dan menghormati, apapun hasilnya . Pengorbanan nan bagitu gadang sarato sagalo dampak negatif nan ditinggakannyo biarkanlah begitu, karano itu adolah risiko nan harus kito tarimo sebagai generasi pewaris. Kami masyarakat Kecamatan Baso jauah katinggalan dari Kecamatan sakuliliang, tahun 1950 an baru ado 2 orang nan mancapai sarjana yaitu Prof Dr Ahmad Sofian nan jadi Rektor USU 1957 dan Dr Nasrun di Jakartan baru ado 3 org tamat SMA dan STM, sasudah PRRI urang Baso mamusatkan upayo utk masikolakan anak2 diranah dan kalua daerah sasuai kamampuan. Alhamdulillah, kiniko sudah labiah dari 1000 urg mancapai S1,2,3, baitu pulo dibidang Militer sasudah ambo banyak nan manyusul masuak ABRI kiniko ado nan mancapai Brigjen AD, Laksma AL dan banyak pulo nan sampai Kolonel. Kamanakan ambo anak uda Mawardi , 3 org Perwira AD, 4 org sarjana, dan 2 org ibu rt. Alhamdulillah sesudah PRRI kehidupan urang Baso jadi berubah lebih baik. Medio tahun 1957 ambo luluih testing masuak AAL dan sasudah manjalani parpaloncoan nan lua biaso kejamno tu ( awak urang Padang ), ambo pulang ka Baso bln Okt 57 dek man dapek telegram urang gaek maningga dunia . Tanyato nan maningga tu etek ambo ambo dibohongi supayo pulang dek urang gaek indak maiizInkan masuak tantara . Kawan2 lamo para mahasiswa datang karumah manamui dan, maajak ambo ikuik gabung, tanpa bapikie panjang ambo satujui demi ranah Minang dan urang gaek nan lah uzur pulo . Mandanga ambo indak kababaliak tu, kakak ipa ambo Pelda Mawardi anggota Batalyon 141 Bktggi berang2, baliau mamaso ambo baliak ka Surabaya . Baliau manga tokan parangko kalamo waang harus jadi Perwira dulu, kami butuh Angkatan Laut . Mamak2 ambo samo pulo jo uda Mawardi ko, manyuruah baliak , bisuak nyo ambo diantakan ka Padang olh uda Mawardi sampai kateh kapa Tasman, indak buliah manamui kawan2 lai doh . Baitulah sataruihnyo, sampai ambo dilantik sabagai perwira KKO thn 1960 . Tugas partamu di Yonif 1 KKO , bln Mart 60 s/d Jan 61 dikirim ka Jawa Barat untuak operasi DI/TII kalua hutan masuak hutan mangaja Kartosoerwiryo . Bulan Mart 1961 ambo tarimo surek dari kampuang supayo capek pulang, uda Mawardi ditahan tantara pusat di Payokumbuah dan uni ambo Kartini satiok hari dihukum jamua dipasa Baso karano suaminyo PRRI . Ambo indak dapek izin karano dalam parsiapan utk operasi ka Aceh Timur . Dengan batuan May KKO Boy Abidin ( urg awak Koto Gadang ), akienyo ambo dapek pulang . Sampai di Baso ado OPR mambari tahu supayo ambo malapor ka Komd Kompi, waktu itu Baso diduduki oleh Pasukan Siliwangi dpp Kapt Aris , baasrama di Rumah Sikola Simpang Canduang kini SMP . Bisuakno ambo malapor ka Markas Kompi tantang mukasuik ambo pulangtu, dan manyarahkan Surek jalan , alhamdulillah ditarimo dgn baiak sakali dan dibantu utk pambeba san uda Mawardi, baitu pulo hukuman jamua uni Tini sajak itu dihentikan, tapi ambo indak buliah batamu jo uda Mawardi . Dirumah urang gaek ambo ditugas kan 3 org tantara siang malam, mungkin inyo curiga ambo kalari kalua . Ambo ingin manamui mamak2 dan baziarah kamakam kelurga di Bukikpanjang/Sei Sariak, Kapt Aris indak maizinkan, karano talalu jauah dan malalui medan2 babahayo. Kabatulan ado urang kampuang ambo nan basadio untuak panunjuak jalan , akienyo Kapt Aris maizinkan dgn pangawal 5 urang Tamtama basanjato, tampaknyo Kapt Aris ado maagiah tugas khusus kaanak buahnyo . Kami bajalan kaki dari Baso jam 09.00 malalui Aie Tabik, Kototinggi, Subarang, Tampuniak , mandaki ka Kurai, baranti sabanta di kandang Nyiak Pak Burin tampat ambo baguru Silek sabalun ka Jawa dulu, ambo lai mambokan kain saruang jo salimuik utk baliau . Tantara nan mangawal ambo tanpaknyo tau bana kakuatan PRRI masih ado satiok maliek urang dari jauah, badienyo dikokang nyo ( diisi ) kalau ado nan mangganggu keceknyo ambo kaditembak nyo daulu . Ambo bausao mananangkan parajuriktu, tapi mareka tatap katakutan, sampai diagiah makan di Bukikpanjang dek etek ambo inyo ragu2 kamakan . Jam 17.00 kami sampai di Baso dengan salamat, para Prajurik tu kumbali kaasrama jo raso gumbira tampaknyo . Manjalang magrib ambo dijapuik sopir kakak untuak nginap di Bukiktinggi, dirumah uda Djusan Kapalo PU Agam karano uni dan anak2nyo taragak lah lamo indak basuo . Malamko Baso dimasuki tentara PRRI dengan jumlah besar mandatangi rumah urang gaek, karano ambo indak ado lalu mereka mambaka 2 rumah salah satu Rumah Gadang urang Caniago dakek musajik Baso . Pagi hari ambo pulang ka Baso, dirumah lah banyak urang dan Tantara jo kendaraan Jip Kapt Aris nan kamaantakan ambo ka Padang . Seorang Sersan manamui ambo manyarah kan Surek Jalan dan mabari tahu ambo harus segera kembali ke Padang. Dengan rasa sedih dan haru saya tinggalkan ibu , kakak dan famili lainnya kembali kerantau menjalani tugas negara yg sudah menunggu Apa yg saya dengar, lihat , dan rasakan selama 5 hari dikampung kerugian dan kehancuran yg amat besar, cocok sakali dengan carito dunsanak tadahulu. Sekarang 50 thn berlalu kita dapat menilai untung rugi perjuangan bpk/kakak/dunsanak kito tu, namun ambo mengharapkan jan sampai menyebabkan kita generasi penerus terpecah belah . Rasa sedih dan duka, rasa dendam yang pernah ada diantara kita, mari kito hanyutkan diaie ilie, kito luluihkan ditanah lakang , kito bangun masyarakat Minangkabau moderen yang adil , makmur, sejahtera , saciok bak ayam , sadan ciang nan basi , berlandaskan falsafah ABS - SBK. Bangkitlah wahai dunsanak adik2ku para Profesor, Doktor, Sarjana, para Pangulu, Ulama, Kiyai, para Jendrtal TNI/Polri, Bundo-kanduang, rang mudo, baik buruknya Minangkabau masa depan berada ditangan anda sekalian . Allah swt akan melindungi niat baik anda .... Amin . Sekian wassalam dan maaf: Inyiak Lako, L-74. Asa dari Baso, suku Malayu DEPOK , 20/2/2010. Sent from my BlackBerry® powered by Sinyal Kuat INDOSAT -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
