Angku Datuk Endang sarato Rang Lapau nan Basamo, Saketek manganai istilah "marapalam". Dalam Caro Awak, "marapalam" atau "marapolam" ko sinonim atau disingkekkan jo "palam, atau "polam" sabangso mangga nan lamak rasonyo. Di Rantau jauah ambo tiok ambo mambali "plum" takana juo "polam" nan banyak ambo dapek di Sumpur Kudus. Walaupun ado namo-namo tampek di India (misanyo di Pondicherry, Keralla, nagari Urang Malayalam nan matrilineal juo)dan di Sri Lanka, manuruik ambo indak ado hubuangan sejarah antaro tampek nan banamo Marapalam di India tu jo namo tampek "Bukik Marapalam" Awak doh. Hanyo memang "marapalam" tu Bahaso Tamil nan aratinyo samo jo arati palam, polam atau marapalam, marapaolam dalam Bahaso Awak.
Untuak mancaliak ireh-ireh variasi namo tumbuh-tumbuhan tu silakan caliak di: http://books.google.com/books?id=wahHC589vqQC&pg=PA51&lpg=PA51&dq=Marapalam+Sanskrit&source=bl&ots=dOUqSwXTA-&sig=d8Sj1cF2aTzHOD3eZJsESxjtWs4&hl=en&ei=-LqFS83eKqbKswP48r3wCA&sa=X&oi=book_result&ct=result&resnum=1&ved=0CAYQ6AEwAA#v=onepage&q=Marapalam%20Sanskrit&f=false Nah, baliak awak ka Bukik Marapalam awak nan lingkuangan sekitarnyo alah ambo tampuah-tampuah jalan kaki satangah abad nan lalu, antaro Tanjuang Sungayang malalui Puncak Pato ka Lintau, indak takana di ambo banyak marapalam di sinan doh. Mungkin karano indak musim. Tapi nan paliang takana di ambo banyak tabuang Niro dipikua urang fresh dari tamopuangannyo. Ambo dalam pajalanan nan mahahuihkan badan tu acok dipabasokan urang minum aia niro nan segar tu. Ya Allah, sajuaknyo, sungguah-sungguah barakat rasaki nan ditarimo musafir lalu ko. Tarimo kasih ambo ka urang tukang panjek niro tu nan ambo doakan kasalamatannyo. Jadi, manuruik ambo, namo "Bukik Marapalam" tu diambiak dari namo tumbuh-tumbuhan tu saroman namo tampek-tampek lain, Sungai Lansek, Sungai Limau. Atau banyak tampek-tampek lain dinamoi sarupo nan tampak untuak mancenoinyo, misanyo "Bukik Kuliriak" di Tilatang-Kamang, dan juo "Bukik Cik Baluik" di Taram na lah acok ambo caliak dari Padang Manggateh. Baitu juo "Bukik Palano", antaro Padang Gantiang jo Sulik Aia. Ambo lah lalui juo Puncak Bukik Palano ko nan memang bantuak palano kudo. Lai ambo barangah duduak di atehnyo mancaliak kaindahan alam kuliliang dalam pemngembaraan. Ambo lalu di sinan sasudah manyubarangi Batang Umbilin dari Padang Gantiang, mandaki ka Puncak Batu Palano, taruih ka Rawang taruih ka Sulik Aia and beyond. Sakitulah dulu, banyak mek lo nan takana tacoroh kalau lah tasingguang pulo per pangana ko. Salam, --MakNgah Sjmsir Sjarif Di Tapi Riak nan Badabua http://www.santacruzsentinel.com/localnews/ci_12030675 --- In [email protected], Datuk Endang <datuk_end...@...> wrote: > > MakNgah yth. > Iyo baharogo pengetahuan dan penafsiran mamak itu. Kalau nan tatulih dan alah > manjalehkan dunia Timur itu satahu ambo iyolah Ibn Batutah, pengelana dari > Maroko. Sempat singgah di Pasai di awal mulo tabantuaknyo Samudera Pasai itu, > sekitar 1293. Kalau nan labiah tuo dari itu, alun basuo sejarahnyo. > Namun Kerajaan Peureulak di Aceh sekitar 800-an disabuikkan dipimpin oleh > rajo Malikus Saleh, jadi lai ado kemungkinan dinasti Islam alah lamo ado > dalam koloni-koloni tertentu di Sumatera. > Kalau perjalanan langsuang sabalun itu dari jazirah Arab ka Sumatera, mungkin > ambo agak ragu, karono keterbatasan naval dan jarak tempuh. Jadi tampek > singgah atau transitnyo iyolah di India Selatan / Gujarat. Mungkin juo > pedagang dari Hadramaut kudian menetap di Gujarat, dan satalah babarapo > generasi kudian bajalan ka Sumatera. > Nan menarik adolah pabilo dari koloni ketek itu kudian memiliki bargaining > position, dan sucaro politik mandapekkan posisi dalam politik (budaya) lokal. > Di dalam tambo indak disabuikkan bilo peralihan/transisi itu balangsuang. > Karono prinsip dalam tambo adolah vernakularisme, atau manunjuakkan nan > usali-usali sajo dari sistem budaya masyarakat. Kok ado pituah ABSSBK, > sabananyo pado maso itulah adonyo resepsi ajaran Islam masuak ka dalam sistem > masyarakat, nan kasudahannyo disabuik sebagai adat. Nan peristiwa itu > dikatokan balangsuang di Bukik Marapalam. Satantang namo Marapalam iko, ado > juo satu tampek di India nan dinamokan Marapalam, jadi indak dari Marapek > Alam. > Nan menarik barikuiknyo adolah penggunaan pituah ABSSBK adolah manunjuakkan > vernakularisme bahaso nan digunokan. Sebagai catatan, era Adityawarman > manggunokan bahaso Sansekerta atau apolah itu nan ditulih-tulih dalam > prasasti. Indak pulo mamakai bahaso Arab. Tapi iyo mamakai bahaso awak, nan > aratinyo bana bahwa ABSSBK ditampekkan oleh urang dahulu sebagai jatidiri > atau baliak ka istilah nan populer kini: bahaso vernakular. Jadi itulah adat > nan indak lakang dek paneh, indak lapuak dek hujan. Alah sato bantuak sarato > isi di dalam itu. > Baitu kiro-kiro Mak, tukuak-tambah dari ambo. > > Wassalam, > -datuk endang > > > --- On Wed, 2/24/10, sjamsir_sjarif <hamboc...@...> wrote: > > > Maa Angku Datuk Endang sarato Rang Lapau nan Basamo, > > Tarimo kasih. Masuaknyo Islam ka Daerah Minangkabau lah manjadi topik > nan menarik perhatian ahli sejarah dan agamo kito. Rasonyo pertengahan > 1950 atau 60an diadokan babarapo seminar menganai itu dihadiri antaro > lain ahli-ahli saromam Buya Hamka, Dahlan Mansur dll. Mereka > mempersoalkan bilo dan dari maa masuaknyo Islam tu. Panjang caritonyo > kaik bakaik jo masuaknyo Islam ka Indonesia. > > Bagi ambo, nan tacongang-congang maagakinyo, agak balian jo urang nan > banyak tu, ambo maraso, imbas [imbeh?] Islam ka Minangkabau lah taraso > di maso-maso nan jauah sabalun nan mareka agak-agakkan itu. Pandangan > ambo badasarkan latak geografi Kampuang Halaman Awak dan Indonesia pado > umumnyo sangat memungkinkan nan bahaso imbas Agamo Islam lah taraso di > dekade pertama dan kedua Hijrah. Jadi, Islam lah tadanga di Uang Awak > mungkin wakatu Nabi Muhammad s.a.w.masih hiduik. > > Paratikanlah peta, turun naiaklah di Google Earth. Kanalah angin musim > (moonsoon) nan bolak baliak Timur-Barat sajak dunia takambang, jauah > sqabalun Adam dan Hawa. Dalam manjalajah perairan (lauik Indonesia, > baputa-puta dari Bangkok Singapore, Phuket, Nias, Padang, Jakarta, > Semarang, Bali dan baliak ka Singapore duo kali tahun 1989 dan 1989, > taraso bana di ambo nan bahaso Lauik ko iyo bana lah jadi jalan raya > internasional nan lasuah. Baitu juo wakatu bakapatabang Singapore > Airlines dari Yangoon (Myanmar) 2004, Chitagong (Bangladesh) dan > Singapore nan ambo tumpangi tabang randah sepanjang pantai Timur > Sumatera, samantaro matohari sadang ka tabanam di sebelah barat, > tasaso bana di ambo rasonyo ambo sadang mambaco peta di bawah tu, bahkan > maranuangkan sejarah jauah ka maso lamo nan lah tasilam jauah sabalun > matoari manyilam di sanjo tabang tu. Foto perjalanan tabang tu masih > ambo simpan dan caliak-caliak bilo rindu. > > Nah, baliak ka pangana ambo, imbas Islam lah sampai ka Kampuang Halaman > sajak dekade pertama dan kaduo, tagarik dari bacoan ambo waktu > mampalajari sejarah tahun 1956-58 dan 1961-63 di B-I Sejarah Bukittinggi > [nan kemudian menjadi jurusan Sejarah FKIP Unand Cabang Bukittinggi]. > Perpustakaan kami "Perpustakaan Bung Hatta" di gedung "Pramabodhimarga" > di Jalan Kayu Ramang tu sangat elok panuah dengan sumbangan buku-buku > Sejarah dari Ford Foundation. Tabaco di ambo wakatu itu, Yamin dalam > "600 tahun Merah Putih" manyabuikkan bahaso ado saurang Indonesia lah > ikuit sato baparang dalam tahun 17 Hijrah managakkan Islam di daerah > Iraq kini ko. Parang apo tu namonyo tahun 17 Hijrah tu mungkin tapek > ditalusua dalam Sejarah Islam. Ambo tacongang-congan dan bakhayal, dan > manafsirkan jan-jan iko Urang Awak pulo. Jadi Islam ko mungkin lah > misti tadanga di "Urang Awak" tu sabalun tahun 17 H wakatu inyo ka sato > parang sukarela pai ka Iraq tu, atau inyo lah kabatulan ado di sinan > sabalun itu. Baitu juo dalam bacaan lamo tu, takana di ambo buku > Hourani "the Arab Seafaring" mancaritokan nan bahaso tahun 800 M lah ado > Muslim Community di Hongkong. Sadangkan kudian di Rantau Jauahko ambo > pun mandanga carito namo Kota Manila di Filipina dahulu adolah Amanallah > dan urang Amanallah tu lah baagamo Islam sabalun masuaknyo Sipanyol. > > Nah mamparatikan gesitnya Moonsoon dan Perdangan Lauik antaro Lauik Arab > jo Lauik Cino, sadangkan Nagari Awak talatak di tangah-tangah mangko > dalam maso do abad pertama Islam tu (sampai adonyo Muslim Community di > Hongkong tahun 800M tu) indak kan mungkin imbas Islam ko ka tanang sajo. > Ambo raso Islam lah maimbas, marasok sampai ka Kampuang Halaman Awak > jauah di bawah tahun 1000an M dan sajak itu, baransua-ansua marasuak > sahinggo indak taimbehan lai ... > > Satantangan konsep Trio Rajo Alam, Rajo Adat dan Rajo Ibadat mungkin > pulo lah jauah labiah tuo dari Sejarah "Pagaruyung Baru" [Pagaruyuang > nan kito kenal kini ko], lah bamulo di "Pagaruyung Lamo" [Kumanis]. > Silakan caliak postiang ambo tantangan Radjo Tigo Selo dalam konteks > "Triangle Kumanis -Buo Sumpur Kudus" dalam babarapo postiang nan panah > kalua di Lapau ko. > > Salam, > --MakNgah > Sjamsir Sjarif > > > --- In [email protected], Datuk Endang <datuk_endang@> wrote: > > > > MakNgah, ambo pun sasuai jo perhitungan itu. Sabananyo kalau basuo jo > piagam itu, nan dapek kito lakukan kini adolah hermeneutika, yaitu > penafsiran terhadap teks. Tapi kalau rujukan dari rujukan, jadinyo > penafsiran atas penafsiran. > > Dari pituah 'adat basandi syarak, syarak basandi kitabullah' sabananyo > dapek ditelusuri jejak ruang-waktu manggunokan chronotope, tapi ahli > saroman Suryadi paralu ukatu untuak menellitinyo. Dek hati ambo, kalau > menelusuri sejarah, nampakno memang ado peristiwa di maso lalu nan > cukuik hebat sahinggo hal itu babuah pituah. Peristiwa nan kamungkin > adolah kutiko 'pengaruh agamo' alah manguek sahinggo 'aturan adat' > bakarilaan manarimo dan manampekkannyo ka dalam barih-balabeh adat. > Salah satu kalau manggunokan catatan sejarah (biasonyo dahulu catatan > sejarah itu dibuek untuak kerajaan) adolah sasuai nan ditarangkan > MakNgah nantun. > > Namun tabaco diambo satu literatur nan lah lupo, sekitar tahun 1285 > ado rombongan muslim dari Jambi nan bakunjuang ka Cino. Jadi sabananyo > sajak abad 13 pengaruh Islam alah ado di Sumatera. Kutiko Adityawarman > balinduang ka Minangkabau sekitar 1347, sabananyo masyarakat kutiko itu > sebagian alah beragamo Islam. Sahinggo dalam konsep Rajo Tigo Selo maso > itu dibedakan Rajo Adat dan Rajo Ibadat. Kemudian dalam konsep Basa > Ampek Balai dikenalkan istilah Tuan Kadi di Padang Gantiang, nan > manunjuakkan alah ado upayo kompromi politik di dalam protektoriat > Pagaruyuang. Nan di lua itu, di Tigo Luhak, tantu baitu juo, sahinggo > tatuang dalam konsep Urang Ampek Jinih sebagai Jurai, Malin, dsb. Jadi > manuruik pandangan ambo, pituah ABSSBK itu memang alah dirumuskan di > Bukik Marapalam di lua kekuasaan Pagaruyuang sekitar abad 14, atau, > mungkin labiah tuo dari maso itu. > > Kalau kaji maso Paderi, hal iko diungkapkan baliak jo Tuanku Imam > Bonjol sekitar tahun 1832. Adopun Residen Francis mempopulerkan baliak > sekitar tahun 1840. > > Baitu kurang-labiah manambahkan. Wallahu 'alam. > > > > Wassalam, > > -datuk endang > > > > > > --- On Tue, 2/23/10, sjamsir_sjarif hambociek@ wrote: > > > > > > Sabalun malangkah, jo maaf ambo ambo pintakan, kurang manyimak, apo > kapanjangan KKMP. Panah pouylo tacalaiak di postiang lain, SC apo pulo > kapanjangannyo? > > > > Sampai hari ko, kito danga angko 207 tahun tu, diambiak dari angko > 1837 "[Btw sampai kini rasonyo alun panah basuo dokumen ABS SBK nan > manuruik panjalasan diadokan/dibuek di Buki Marapalam tu, tahun 1837]". > Manuruik ambo mungkin dokumen tu indak ka basuo doh, karano mungkin > indak ado atau tadanga di ambo istilah ko mulo-mulo dikutip dikutip > dari Tulisan Inyiak Canduang nan indak mambarikan dokumentasinyo. > > > > Sumber baru nan dapek di ambo, istilah "Adat basandi kepada Syarak. > Dan Syarak akan basandi kepada akan basandi kepada kitabullah" ko lah > tabasuik hampia ANAM RATUIH TAHUN. Hampia tigo kali 207. Tapeknyo > sampaikini 590 tahun. > > > > Danga lah sumber bari ambo baco: > > "Yang Dipertuan Raja Berkilap Alam [huruf taba-taba] bergelar Raja > Bergewang I ['tando tambah kurang' 1420M. [huruf taba-taba] > > > > Di bawah Pemerintahan Raja [huruf miring] dan dibantu oleh anak > kemenakannya maka krisis [huruf miring] dapat dicegah walaupun sudah > banyak korban selama puluhan tahun [huruf miring]. Semua kukuatan telah > dapat dipersatukan kembali dengqan satu metoda. Aturan-aturan yang telah > ada akan tetap berlaku selama tidak bertentangan dengan aturuan-aturan > baru dalam Kitab Suci yang dibawa oleh para pedagang Islam. [kalimat ini > seluruhnya garis miring]. Demikian juga dengan adat [garis miring]. > Jika tidak dapat dipersesuaikan deengan ajaran Islam [garis miring], > maka akan dipertimbangan oleh Basa Ampek Balai [huruf miring] dan Raja > Adat [huruf miring]. Adat akan basandi kepada syarak huruf miring]. Dan > Syarak akan [huruf miring] basandi kepada Kitabullah [huruf tebal]." > > > > Sumber: Mengenal Sejarah Perkembangan Ketatanegaraan Kerajaan > Pagaruyung di Minangkabau. Ditinjau dari Segi Arceologi & Sisiologi. > Oleh Soedarso Salih. Alumni UNAND - Purn ABRI. dilengkapi dengan Ilmu > Pengetahuan dan Hukum Adat. Cetakan Pertama 1985. Pribumi Offset > Purwokerto. > > > > Salam, > > -- Sjamsir Sjarif -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
