Kok buliah ambo mangatangahi Angku Adyan, Kupiah Beka ko di kami di Ampek angkek samo jo Peci janyo urang kini. Nan ambo pakai sajak Saisuak Kupiah Buatan atau Merek H. Sarbaini.
Takana postiang ambo duo hari nan lalu tantangan tanyo sumber urang "manarawang". Pakaian santai (casual) sederhana setengah resmi Urang Ampek Angkek: Kupiah Beka, Baju Tarawang Ampek Angkek, Sarawa Batiak Solo, Kain Saruang Bugih dipalilik di lihia atau disandang di bahu. Takana di ambo tahun 1985 wakatu rombongan Gubernur dari TriArga ka barangkek ka Baralek Datuak di Ampang Gadang, Ampek Angkek, Pak Gubernur mancaliak ambo indak pakai Kupiah Beka. Baliau kaluaan persiapan baliau. Ambo cubo malakekan, sampik, cubo lo duo lai, sampik juo. Galak-galak baliau jo Uni Jus; oih gadang lo kapalo Sjamsir sampik dinyo kupiah Dawar kecek Uni Jus (kini alm.). Baliau suruah Ajudan baliau lari kapasa sabanta. Dapek nan paliang Gadang Nomor Sambilan. Samantaro tu kami manunggu. Sudah datang kupiah tu, cubo lakekan Sir kecek Uni Juz. Galak-galak baliau baduo, aa iyo manakah mah ka edibawo pai Barelek Datuak. Sudah tu kami masuak BA-1, ambo duduak disabalah Supir, baliau duduak baduo di bulakang. Oto Pak Bupati mairiang di bulakang kami tambah rombongan lainnyo. Oto Jib Sarine marauang-rauang di muko turun Tri Arba babelok ka Jalan Paseban, taruih ka Ampang Gadang. Dalam Panyambutan Rombongan ko baru pertamo kali ambo mancaliak Suilek Tari Galombang nan sabananyo. Gambar-gambar pajalanan dan upacara Batagak Panghulu masih ado di ambo. Salam, --MakNgah --- In [email protected], Adyan <adyan.an...@...> wrote: > > Mak Taufiq, > > Sabananyo kupiah beka ko baa banatuaknyo ko Mak? Ambo lai juo mandanga > kupiah beka disabuik-sabuik rang gaek saisuak,, tapi indak pernah > ditunjuakan nan ma nan kupiah beka. > > mokasih.. > -adyan > > 2010/2/18 taufiqras...@... > > > Mak Sati > > Sekitar maso itu ado kawan bapak ambo. Urang Galuang nan bakadai kupiah > > beka di pasa ateh. Lupo pulo ambo merek kupiahnyo > > Lai kenal mak Sarti ? -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
