Yo sabana segeh dan langkok laporan Sanak jepe ko, janiah, langkok, ndak ado nan kurang, Maaf, data lah ambo kuasai sambia manguasoi dunia, he..he.., ambo pakai istilah sanak jepe. Nan hadir dari patang sampai pukua 10:00 malam tu adolah: Pak Etek K. Suheimi, Ibu dr. Cu Suheimi, Ajo Duta jo Uni dari Washington DC, pak Efhandi Nukman, Uda Idaman jo Uni, Donasion dari Liberia, sanak Andi Jepe, Elthaf, waktu shalat magrib baguang lo sanak Nofel nan ikuik di acara silaturrahim sampai shalat Isya di Masjid AlFath PMC. Wakatu di kantin datang bagabung Uda Munadir jo Uda Muharnes. Acara yo sabana sero dan heboh dek masing-masing punyo joke nan segar. apo lai kalau lah jepe nan mangocok ndak tatahan galak awak lai dek nyo. Tantu sadonyo ko ateh usaho dan fasilitas dan arahan dari senior kito pak Etek Suheimi jo Ibu nan barusaho marngkul kito di rantau, khusus untuak manyambuik ajo Duta ko baliau rela dari jam 5 sore sampai tangah malam tu bagabuang, sampai makan malam jo jus bagai baliau sadiokan di kantin baliau di komplek RS PMC Pak Efhandi sasudah mugarib tapaso minta izin dek lah banyak pasien liau nan sakik mato antri di RS A. Yani jl. A. Yani pekanbaru. Sanak Jepe ko yo aset gadang awak, jauah-jauah dari Kota Pinang (perbatasan Riau jo Sumut) baliau datang, itu jalan darat habis wakatu 10 jam hanyo untuak manyambuik ajo Duta. Ajo Duta yo sabana banyak pengalaman baliau nan dibagikan ka kito, ado rahasio ajo duta nan dapek di ambo malam tu, ternyato Ajo Duta pandai babahaso Minang ko sajak di rantau net, bayangkan baliau lahia dan gadang di Sumut, kuliah di Jakarta, sudah tu lah tabang ambua lo ka Amerika, tapi dek acok di rantau net sahinggonyo bahaso Minang baliau sabana pasiah. Sanak Efhandi, Pak Zainul Akhir, Uda Idaman, sanak Nofel dan ambo marasokan bana hikmahnyo silaturrahim malam tu, karano kito mandanga langsuang pengalaman Pak Suheimi, Ajo Duta dan baitu pulo pengalaman Sanak Donasion di nagari nan minoritas islam di Afrika sono, baliau mancaritokan baa sejarahnyo baliau sampai marantau dan menjadi Peace keeper United Nation di Africa. kalau sanak basuo jo sanak Donasion di Bandara akan langsuang sajo sanak angkek tangan hormat, dek panampilan baliau bantuak kolonel, tagok, gagah dan rambuik cepak, mangecek tegas pulo, he..he, ambo lah lamo kenal jo baliau sajak baliau bagabuang di CPI balasan tahun silam. Rasonyo ndak ado lai nan ka ambo caritoan, sadonyo lah langkok dek sanak Jepe Mokasih banyak dan wassalam, Elthaf
2010/2/25 [email protected] > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
