hambu-i sajo tobek koriang ndak tu minta surek hanyuik ka wali nagari
ha ha, nice pren, bato pren . riri bekasi, l, 47 -----Original Message----- From: [email protected] [mailto:[email protected]] On Behalf Of [email protected] Sent: Thursday, February 25, 2010 9:34 PM To: [email protected] Subject: [...@ntau-net] MINYAK TANAK MINYAK TANAK Tadi pagi datang etek ambo nan samo marantau ka Pakanbaru ka Rumah ambo, sambia manenteng boto kemasan aia mineral ukuran manangah Etek ambo ko manamui ambo di nan sadang sarapan samantaro induak bareh ambo pai manuka ka kadai mambali bahan nan ka disamba untuak makan hari ko "Nanda ko ado pakiriman minyak tanak dari kampuang" kecek etek ambo sambia maunjuakan boto plastik aia mineral tadi Didalam boto ko indak panuah isinyo do, satangah boto labiah saketek jo minyak tanak nan bawarna kuniang pirang. Minyak Tanak ko adolah minyak karambia nan dibuek sacaro tradisional dikampuang2 di ranah minang, minyak tanak ko ndak asiang lai di kampuang kami nan barado di kanagarian tanah data, lah umum dipajua balikan di balai2 nan sakali saminggu di kanagarian ranah minang. Nan paliang utamo gunonyo yo untuak mambuek aneka samba lado kalau diagiah sasendok duo sendok minyak tanak ko mambuek raso samba ladoko batambah lamak, harum nan khas sarato bisa mambangkikan salero nan sadang patah, kok putuih cinto yo ndak talok dek samba lado baminyak tanak ko do bisa bangkik liak cinto nan alah pudur tu, ubeknnyo kalau ndak kuek imam yo hambu-i sajo tobek koriang ndak tu minta surek hanyuik ka wali nagari (he he he) Etek ambo dek tagageh ado urusan lo, sato ditarimo minyak tanak ko dibuka tutuik boto dihidu aromanya yo harum, khas harum minyak karambia nan diolah secaro tradisional (santan karambia tuo nan dimasak dikuali jo bahan baka kayu api, sampai tabik minyak jo cirik karambia nan harum pulo, lah kalua minyak nan aia lah mauok dek dimasak didinginkan lalu disariang untuak dipisahkan minyak tanak nan bawarna kuniang pirang tu jo cirik minyaknyo nan mengendap didasar kuali) Ndak babarapo lamo datang "condelezza rice" ambo manenteng balanjoannyo dari kadai, sato inyo latakan di meja makan ambo usai apo nan dibalinyo..ahammpas bana mah tau bana inyo jo salero uda e nan sadang day off salamo saminggu labiah "pisah ranjang"..ado patai nan dibali e duo papan sarato bumbu dan bahan nan ka disamba "Masak apo kito Brur..oppss kok brur sih..tantu masak samba apo kito Ma, hari ko, ado pakiriman minyak tanak ko dari kampuang tadi dibaokan etek ka siko, lah timbang tarimo Abang jo etek tadi" ambo mambuka kecek jo "condelezza rice" ambo "Oohhh kok ado Minyak tanak yo agak barubah jadinyo rencana samba awak" jawek induak bareh "Apo tu..ka disamba jadinyo" Ahh pai se lah dulu ka kantua kok ado urusan, nan samba yo untuak makan malam dibueknyo Bang, siang makan dikantua sajolah Sore ambo pulang kantua, manjalang magrib dibuka tuduang samba ko, onde mande ado nan dibuek induak bareh ko samba lado patai baminyak tanak, jo menu utama gulai korma tapi dagiangnyo bacincang lalu dibulekean jo bola sagadang bola pingpong labiah saketek ado juo nan lah balah badarai bola dagiang cincang ko bakuah korma tu dirancah jo kantang nan dipotong agak taba senek Ndak do lai lapeh shalat magrib yo batambuah makan dekno dek ulah samba lado patai baminyak tanak ko, sabana pas pulo lah raso , kecek artis ditipi ndak mecing lai do tapi Klik gulai korma bola dagiang ko jo samba lado patai baminyak tanak nan harum nan padehnyo yto dispaknyo ubun2, ka kuduak bana mamakuak rasonyo Itulah saketek tantang Minyak Tanak nan indak asiang lai di ranah minang, kok Andiko lah mendata samba-samba buruak, ambo cubolah mandata samba lado nan umumnyo diagiah minyak tanak ko mambuek rasoinyo khas dan mambangkikan salero antaro lain Samba lado dompak, samba lado baluik, samba lado lauk tukai/bada, samba lado jariang/patai, samba lado rimbang, samba lado taruang, samba lado kincuang, samba lado tomat,samba lado asam sundai,samba lado lauk busuak, ... Silahkan kok ado sanak nan tahu samba lado apolai nan mamakai minyak tanak ko, kalau bisa dikatangah juo baa bahan , bumbu dan caro mambuek samba lado nan baminyak tanak ko Onde mande kanduang jadi ingek ambo makan ditangah sawah di dangau jo samba lado baluik kariang baka baasam sundai diagiah minyak tanak dilatakan dalam sayak..ndak do lai "indak panyakik nan kamambunuah, tapi yo mati ditikam raso ambo dibueknyo jo samba-samba buruak pusako bundo nan alami, segar dan dibuek serba manual jo bahan2 nan dapek di alam kampuang nan tanahnyo subur kayo zat mineral Salam kuliner Pku, 25 Peb 2009 Masih setia dan ndak lupo jo samba buruak pusako bundo walau iduik di jaman saiber yang bergerak serba cepat dan instan Sent from my BlackBerryR smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
