KONFLIK INTERNAL HUKUM ADAT SUKU MINANGKABAU Oleh : Dr.H.K.Suheimi
Topik yang tak biasa saya geluti setiap hari, tapi saya disuruh juga oleh komnasham pusat pak saaf, entah kenapa pak saaf ini menunjuk saya sayapun tak tahu, kami belum pernah bertemu Ada krisis adat yang menimbulkan konflik interna konflik dalam diri masing-masing. Ada ketidak sesuaian yang didengar dan yang dilihat/ Tak Ada ketidak sesuaian antara ajaran agama dan adat yang dianut Satu hal yang semua orang minang tahu ialah kaluak paku asam balimbiang, timpuruang lenggang-lenggangkan dibawok nak urang saruaso, anak dipangku kamanakan dibimbiang urang kampuang di patenggangkan, ditenggang nagari jan binaso. Anak dipangku dalam arti harfiahnyo sianak manyatu jo diri ayahnyo sacaro tunggal ko lari tabawo lari kok jatuah samo taraok patah sayok batungkek paruah nan anak digungguang juo, antah kok tanah lah tasirah itu bakato urang nan tingga. Ma’nanyo tangguang jawab mutlak jo Tuhan batumpua tagak, kemudian disampiang mamangku anak kamanakan dibimbiang pulo mambimbiang adolah manuntun tangan urang sambia bajalan makasuiknyo mangarahkan kan nan baiak mambawo kan nan bana manunjuakkan dima lauik nan sati rantau nan batuah. Nanti kalaulah tibo di jalan data kabuik tarang hujan lah taduah mako kamanakan dilapeh-lapehkan. Disuruah malangkah surang diiriangkan dari balakang dibari pituah dari jauah barangkali sistem iko ada parsamaannyo dengan semboyan pendidikan nasional kito yaitu tutwuri handayani. Kini anaklah dipangku kamanakan lah dibimbiang mako urang kampuangpun dipatenggangkan tenggang adolah kato-kato minang yang alah di Indonesiakan manuruik arti aslinyo iyolah kiro-kiro samo jo usaho perbuatan atau karajo macam itu indak dapek batenggang arahnyo buntu sagalo usaho mampatenggangkan mambantu mananggulangi, tenggang raso pengertiannyo toleransi urang kampuang dipatenggangkan yaitu usah nak iduik surang, ciptakan pemerataan sosial hilangkan gap antaro sikayo jo si miskin supayo jan timbua keresahan, keresahan nan manjadi pangka bala gangguan kamtibmas. Kok tumbuah hak di lereang agak i tabiang jannyo runtuah bukik jan sampai kapanehan agiah lalu air nan tajun usah bak sudu-sudu di tapi jalan, dijambo kanai miangnyo dijuluak kanai gatahnyo, dipangek kanai durinyo, kasudahannyo diparuang dek urang lalu. Nah baa pulo caronyo manenggang nagari jan binaso, tanah sabingkahlah bapunyo, rumpuik sahalai lah bamiliak tapi malu nan alun babagi, rimbo dipancang untuak parah, rawang dipetak untuak sawah tapi alah bauntuak pandam lah batantu, tapi raso kepentingan basamo punyo urang sanagari, caro basuku tagak disuku caro banagari tahak di nagari kok malu diateh inyo dibaruah, takajuik dimudiak ditagamang dihilia mamak dipintu utang, kamanakan dipintu bayia. Oleh sebab itu indaklah mudah jadi urang minangko, sulik tangguang jawabnyo luas dan rumik. Baban yo barek gayuik bagayuik kapalo sarik bajujuangan bahu barisi kaduonyo suwok kida manjunjuang pulo. Tapi itulah resiko sebagai pemimpin. Pemimpin nan hatinyo tantang kapamimpinannyo ditanyo dek manusia nan dipimpin, ditanyo dek Allah nan mambari pimpinan sadonyo musti dipitangguangjawabkan kini ataupun isuak. Powered by Telkomsel BlackBerry® -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
