Adidunsanak palanta budiman,
A namo no goh garan? Cubadak baangekkan kecek urang ndak? Iko ado carito lamo nan sampai kini ingin bana ambo ulang baliak perjalanan ka pulau di subalah suok dari jembatan 6 Barelang Batam ko. Lompong (rumpon) ikan ko dijago masyarakaik pulau tu jo swadaya sajo, tamasuak jo maagiah makan ikan jo sikua kambiang nan dilatakkan di lompong ko satiok tahunnyo. Mudah2an lai masih lamak dibaco. O iyo, ambo masih penasaran kalo namo2 ikan di Melayu pulau disiko, apo lo namonyo kalo di Ranah? Sbb: 1. Tokak basisiak kareh giginyo tasumbua kalua, sejenis ikan karang nan bawarna hijau 2. Katarab basisiak abu2 3. Sagai = maco Gadapang 4. Selar – mirip jo kembung (suaso) 5. Kembung = suaso 6. Tongkol = Ambu2 ? 7. Baronang 8. Dingkis (ikan th baru Cino) kalo pas tanggalnyo kalu di th baru cino haragonyo bisa 300rb sakilo biasonyo di steam, tapi sayang di tahun ko antah apo sababnyo musimnyo baraliah manjadi saminggu sasudah tahun baru cino sahinggo nelayan nan manyalang pitih mambuek kelong utk menjebak ikan ko ndak pulang modal doh, apo ado hubungan jo global warming barangkali. Kato mereka baru tajadi di tahun ko baruh, biasonyo salalu tapek sajo, sahari atau duo hari sabalun tahun baru cino, ikan ko barombongan di ateh aia malasau-lasau barami-rami. Tingga ditangguak sajo atau dihalau ka kelong. 9. Benggol = mirip suaso tapi labiah lansing 10. Alu-alu = babadan panjang ado sisiak ketek2 11.Kerisi = warnanyo pink 12. Lincam mode kakap putiah 13. Ikan cermin = ado sunguiknyo panjang aluih hitam nan badannyo mirip kue 14. Mata besar mirip kembung tapi matonyo mambulaliak gadang 15. Sembilang saroman limbek tapi batombak dipungguangnyo nan sabana babahayo kalo di tombaknyo jo sangeknyo ko, bisa dek kuro 24 jam. 16. Lebam mirip baronang tapi ado sisiaknyo haluih2 17. Puyut full coklat tuo mirip bana jo kerapu iduik di karang 18. Timun warnano liris kuniang basisiak iduik di karang 19. Amoi ado cilalek gadang warna hitam di badannyo nan bawarna kuniang iduik di karang juo 20. Kaci mirip kakap tapi ado bintiak2 hitam di badannyo 21. Gelam / mata kucing mirip jo siakap 22. Ikan sebelah (Idip) Ikan ini mnrt kepercayaan mereka adalah dulunya utuh, ketika Nabi Muhammah memakannya sebelah ikan ini, lalu dibuang lagi ke laut sehingga hidup lagi dilaut tapi hanya sebelah ikan saja yang utuh yang sebelahnya lagi tertanam di pasir laut dan hanya ada garis2 seperti kelapa dan perangkatnya tapi tidak berfungsi sama sekali. Ok segitu dululah yang teringat di kepala, barangkali ado nan bisa mambari tau? Dek ambo dulu hiduik di darek jadi kurang paham namo2 ikan lauik di nagari awak. Mungkin nan biaso di pasisia pantai bisa manolongan ? Ndak urgent doh hanyo sekedar ingin tahu sajo. Wassalam Rina Assalamu’alaikum warahmatullahi wabarakaatuh… MAMAPEH IKAN DI LOMPONG (Rumpon) By : Rina Permadi Walaupun bukan baminang2 ataupun bukan juo di lua tampuruang sebab nan banamo urang kan ndak barumah tampuruang doh haha.. (joke) Iko carito ado nan bakandak..satantangan kakobeh ambo di akhia pakan nan agak panjang kapatang.. Jumaaik pagi Mas ambo lah mampasiapkan bekal umpan yaitu udang iduik lansuang dimasuak an ka aia es, jadi udang ko tetap segar sudah tu disimpan di frezer..sabanyak 3 kilo… sambia mampasiapkan alaik2 panciang untuak kami bisuak.. nan ambo tantu mampasiapkan aa nan kadigatu bisuak ukatu mamapeh ko.. Kami barangkek dari rumah jam 4 pagi sampai di pulau Setokok jam satangah limo sabanta sudah tu azan urang..lah salasai beres2 lansuang barangkek..di parjalanan kami makan goreang pisang mode pisang rajo tapi ndak ado paik2nyo do.. subana manih..hm.. 2 jam mambalah lauik jo pancuang bamotor, akhirnyo sampai juo ka tujuan..Pulau Petong terdiri dari babarapo gugusan pulau Subhanallah..di lauik ko wak bisa mancalaik sunrise nan subana rancak dicaliak…sambia makan goreang pisang batambah lamak rasonyo.. hehehe.. Pas lah baranti pancuang ko..mambua ikan sajenis Alu2.. ondeh mandeh subana manggaritih hati nak lakeh2 manurunan panciang hoho.. Tapi tujuan kami kaliko nak kamamanciang ikan kembung (melayu = kembong) jo ikan selar kalo ado nak nio sagai bagai..sejenis ikan putiah nan agak mipih..tarikannya book..walau ukuran kecikpun..masih bisa dia meliuk2 kan joran kami. Dek karano tujuan nak kamanciang ikan 2 pertengahan tu, diturunkanlah panciang rawai..macam2 warna warni rumbainyo.. bakilek2 mamikek ikan aia patangahan untuak manyembanyo.... Partamo dapek dek ambo adolah ikan sagai salaweh tapak tangan.. hhmm kato Mas. Ini 40 rban sekilo sesegar ini nih, senyum dulu katonyo..hehe.. Naiak lo ikan kerisi subana sambuah.. sampai latiah tangan mangayuah mamuta panciang, nampak lo naiak ka ateh Sotong nyasar..hihi biasonyo sotong ko malam hari kaluanyo iko matoaru kanaiak kalua pulo liau ko nak ka manyantap ikan nan kanai papeh..ado duo ikua nan naiak mangaja ikan.. sikua nan dapek di panciang ambo….Kalo pendapatan ikan salamo ambo sato pai mamapeh ko..buliahlah.. iko kato tekong pancuang tu…katonyo, baru sakali saumua iduiknyo mato kaia ciek dapek ikan duo..hahaha..iko pengalaman nan ndak talupoan dek liau ko…ambo pasang mato kaia ciek nan naiak ikan katarap duo ikua ukuran satapak tangan…nan ciek lai kanai cotoknyo nan cieklaih tabalik dek senar nan manyangkuik di gigi jo siripnyo..mungkin barabuik umpan, tabaok badan kaateh.. hehe.. Baitulah kiro2 sampai di kejauahan Nampak awan lah maitam mandakek ..sambia ditarik jangkar pailah kami ka dakek pulau..nan Subhanallah.. banyaaaak bana terumbunyo.. aianyo janiah… Nampak se ikan basiliweran ikan ketek2 jo bulu babi banyak pulo, makonyo ndak barani turun ka aia do..bisa bakuhampeh manggauik gapai beko kalo kanai.. mode tu kecek tekong pancuang kami nan nelayan sejati tu…. Karano inyo bisa mambaco tando2 alam di lauik nan sati kecek pantun awak.. lauik sati rantau batuah..mode tu lagu nan ambo danga.. Di antaro duo pulau tu kami baranti sabanta, ganti baganti naiak ikan karang..ado kerapu..ado tokak, ado balang kuniang, ado ikan pasia..sadonyo rato2 dlm ukuran ½ kilo kurang labiah..wah..lumayan bana hasil mamapeh ka pulau nan jauah ko. Lah tarang lo hari di arah lauik, babaliaklah kami ka “lompong ikan” tadi, eh lupo manarangan tadi, Lompong ikan ko samo jo rumah ikan barangkali samo jo rumpon mungkin, tampek Pak Harto Alm, saisuak mamanciang di kep. Seribu…Tapi ambo ndak tau apo nan dimasuak an urang ka lauik do, antah bangkai kappa, bangkai oto atau memang dibangun bana rumah di bawah lauik tun..nan nelayan nan samo kami tu pun kurang tau..kalo nan dakek kampuangnyo, kapa penyelundup nan singajo dibanaman…. Sampai lamo2 ditumbuahi koral tapek mahligai iduik ikan2 di lauik. Disikolah taraso padiahnyo disemba ikan kembung jo selar..ukurannyo 5-6 ikua sakilo..tapi sambarannya boo’ sakali laih..Cuma urang nan pernah mamapeh sen nan tau…ampiang samo jo sambaran baronang..mode tulah kiro2..apolai panciang rawai kami isinyo minimal 6 mato…lah taragu rasonyo nak ka maangkek kalo lah disemba taraso labiah dari duo ikua..raso2 kaputuih senar rawai nan lauih tu… Dan bara lamo bakuhampeh jo kembung dan selar ko, pas naiak ka ateh..lah taputuih2 badan ikan naiak..nan ikan nan taputuih ko masih manggalepa2..mah badane putuih mah.. Cepat kak pasang pancing besar, pakek seling kecek si tekong pancuang kami ko, kalo gak alu2 pasti Tenggiri katonyo..alah sibuk lo kami mancari seling..hehehe seling nan dicari ndak basuo..hua..hua..hua..seksi perlengkapan lupo malatak an dima, tanyato lah ka pulang baru basobok..uawaaaiiooiikk…. Salain ikan kembung, selar, sagai jo ikan2 karang..nan paliang mandominasi adolah ikan kerisi..ikan ko badannyo pink siripnyo ado kilauan biru kaijau2an, cantik ikan ko trus sisiak jo duri pungguangnyo aluih se mode hiasan se di badannyo, ndak ado tajam2 cando ikan nan lain..subana malimpah ruah..setelah dikilo di rumah kami dapek kerisi ko ado 10 kilo..dapek jo panciang rawai tadi..ikan nan lainnyo ado 15an kilo..jam 4 sore lah panuah box ikan nan kami bao..dicaliak ado awan agak hitam dari jauah..mako dipaculah pancuang tu pulanglaih… Sambia jalan pulang tu…dicaliak ka arah matohari tabanam..Subhanallah..Maha Besar Allah dengan sagalo langkok langikNyo..merah sabana solid merahnyo…mulai manyambua dari baliak awan taba…sampai Nampak bulatan matohari panuah..subana solid merah no….timbua saketek dr ateh lauik nan tabantang…ambo caliak taruih sampai turun2 saketek2 trus ilang lo baliak di baliak awan nan galok….Buiah aia nan ditinggakan Pancuang nan sadang kancang tu barubah rononyo jadi kasirah2an…cando diagiah gincu…sanang2 garik kami mancaliak an..dek awan samakin itam cando mangaja kami..Baruntuang syukur Alhamdulillah.. pass sampai di pelantar di Pulau Setokok tampek start kami tadi sampai sudah…sairiang lo batutuahan hujan labek turun cando dicurahan dari langik..Alhamdulillah.. Salamaik sampai pulang…lansuang ikan kembung nan masih tadi digoreang jo garam saketek..makan jo lado kutu, trus ambo buek mie kuah…lasuah..tandeh subana nikmat makan kami malam tu..Alhamdulillah.. Nan ayam goreang ndak disapo2 do.. hehe… Hari minggu sore patang.. balanjuik jo baka2 ikan …..sambia kumpua2 jo tetangga…nan mambaunan bakaran ikan ambo hehehe…lai ndak sampai 2 kilo jarak rumah no doh…hehehe… Alhamdulillah…. Batam, 13 April 2009 -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
