Andiko dan dunsanak yth. Mamanuhi permintaan via japri, ambo cubo tanggapi pamikiran sanak satantang nan di baruah : 1. Sangaik satuju jo saran sanak untuak mambicarokan hal iko dalam kongres. Memang sarancaknyo dibicarokan sucaro ilmiah hal-hal nan kongkrit manggalau dalam masyarakat, dicari kriterianyo dan kalau dapek disusun prosedurnyo. Pendekatan sucaro legal drafting silahkan sajo, tarutamo kalau alah sampai ka kaputusan. Kalau dapek memang legal drafter dapek turun supayo rumusan manjadi bana sucaro ilmiah dan perundang-undangan, karono alah manguasai ilmu-ilmu saroman bahaso hukum, tata urutan, teknik perundangan, dst. Untuak masalah sosiologis, tantu dikaji jo ahlinyo pulo saroman Pak MN, nan alah paham jo ilmu-ilmu psikologi sosial, analisis kuantitatif, pemodelan sosial, dll. Untuak masalah kebudayaan, iyo ahli saroman Prof Nursyirwan, nan manguasai etnografi, hermeneutika, fenomenologi, dll. Untuak kaji agamo, awak sarahkan ka ahlinyo pulo, saroman Buya HMA, nan manguasai nahwu, saraf, balaghah, maani, dll. Untuak kaji adat tantu dilakukan oleh pamangku adat saroman A Dt. Bagindo dan Dt. Gampo dan juo bundo kanduang, nan manguasai hukum-hukum adat, hidup dalam praktek adat, dll. Nanti iyo sero kongres tu untuak mambicarokan masalah-masalah itu "sucaro ilmiah". 2. Masalah nasab alah banyak kito diskusikan di milis iko, dapek disilau baliak : http://groups.yahoo.com/group/RantauNet/message/66696 http://groups.yahoo.com/group/RantauNet/message/66732 http://groups.yahoo.com/group/RantauNet/message/66754 http://groups.yahoo.com/group/RantauNet/message/66783 http://groups.yahoo.com/group/RantauNet/message/66786 http://groups.yahoo.com/group/RantauNet/message/74942 Termasuk penjelasan Buya HMA yang cukup jelas di : http://groups.yahoo.com/group/RantauNet/message/67535 Kalau dapek dari bahan nan didiskusikan dapek dipertajam dalam kongres. Demikian disampaikan. Wassalam, -datuk endang
--- On Wed, 3/10/10, andi ko <[email protected]> wrote: Pak Syaf yg baik Sajuak kiro-kiro mambaco postingan bapak mengenai apo nan di tulih Buya kito sebagai berikut : " Manjalang Buya H. Mas'oed Abidin sempat menulihkan katarangan langkok tantang 'banasab ka bapak', atas izin baliau di bawah iko ambo postingkan jawaban baliau ka ambo di FB baitu baliau baliak ka Padang dari Pahang, Malaysia. Saparati dapek kito baco, dalam jawaban baliau di bawah ko, baliau manitiak-barekkan masalah nasab ka bapak ko ka masalah waris dan pusako. Kito tunggulah katarangan baliau nan labiah langkok soal nasab ka bapak ko. Paratian ambo pribadi labiah banyak kapado hubungan darah/genealogis daripado sakadar masalah waris mawaris, sasuai jo UU Perkawinan tahun 1974 dan UU Hak Asasi Manusia tahun 1999". Kalau baitu keterangan Buya, alah bajaleh-jaleh dan batarang-tarang, kok Syarak yo batalanjang-kok adat yo basisampiang. Manuruik pemahaman ambo KKMK iko ibaraik "Mam pa arek nan lungga, mangajangi nan lapuak, manyisik nan jarang, mam pataguah tonggak tuo". KKMK malewakan kumbali garis pembagian harato pusako tinggi jo pusako randah, malewakan kembali Yurisprudensi Mahkamah Aguang nan mampakuek itu. Alah di barih makannyo paek. Sungguah niek elok, pintu ka sarugo. Untuak mendukung niek nan elok nan kadibincang di KKMK itu, izinkan ambo menyampaikan usulan : 1. Melakukan studi kasus cepat dan singkat tentang sangketo pertanahan yang melibatkan anak pisang jo induak bako satantang sangketo nan berakar pado kekaburan sejarah objek pakaro sahinggo manuruik anak pisang itu pancarian, samantaro manuruik induak bako itu harato bawaan mamaknyo kutiko babini yang berasal dari tanah pusako tinggi. Dari studi singkek iko, konggureh akan menghasilkan kreteria pusako tinggi jo pusako randah nan berasal dari harato pencarian. 2. Malewakan paralunyo melakukan pencatatan harato bawaan yang berasal dari pusako tinggi yang "di bao" oleh seorang laki-laki selama perkawinannyo, kalau mungkin dicatat di kantua Wali Nagari. Sangketo timbua kutiko si bapak maningga, tapi sejarah tanah itu kabua, indak ado secarik kertas bukti yang dipegang oleh otoritas tertentu. 3. Meminta kapado pengadilan tinggi agamo dan pengadilan tinggi malewakan hal iko kapado para hakim melalui surek edarannyo, kapan paralu surek edaran Mahkamah Aguang. 4. Mambuek sebuah aturan yang menegaskan pencatatan iko kepado departemen agamo sahinggo manjadi pedoman di kantua-kantua KUA di Minangkabau. 5. Untuak silsilah, ambo konsisiten jo usul sebelumnyo. 6. Selain itu draft keputusan KKMK yang alah di share sebelumnyo berkenaan dgn pengukuhan ABS-SBK, lebih disederhanakan supaya tidak menimbulkan multi interpretasi. Sebagai sebuah produk yang bernilai keputusan yang diharapkan akan mendorong lahirnyo sebuah kebijakan, sebaiknyo indak mengandung kata-kata, kalimat-kalimat yang akan menimbulkan multi interpretasi sahinggi mengaburkan niat luhur yang dikandungnyo. Pada akhirnyo tidak akan operasional karena penafsiran-penafsiran yang beragam. Itu salah satu teknis legislatif drafting yg ambo tahu. Sakitu usulan ambo, talabiah takurang, ambo minta maaf. Salam Andiko Sutan Mancayo Cc: "Mas'oed ABIDIN" <[email protected]> Date: Wednesday, March 10, 2010, 9:21 PM -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
