Mak Tan Ameh jo adidunsanak palanta,
Di tampek ambo karajo ko ado lo surang Manager nan di tipu lo, tapi modusnyo mode ko (mungkin lah banyak nan tau) Manalepon urang nan mangaku polisi nan mangabakan ka istrinyo baso Suami liau dapek kecelakaan dan paralu di tolong capek, untuak manolongan capek, disuruah mantransfer pitih lewat ATM salakehnyo untuak mambali alat rumah sakik nan indak dijua di rumah sakik tu, adonyo di apotik lain. Istri liau ko dek kacamehan lansuang manalepon si Pak Manager ko. Pas pulo indak bisa masuak-masuak doh. Antah baa lah caro no tu. Sahinggo ampia yakin si Ibuk ko nak ka lansuang mangirim pitih ko. Alhamdulillah tolong Allah SWT tagarik lo hati si Apak ko manalepon ka rumah dek nak ka mananyoan sesuatu. Lansuang basyukur ibuk ko dek lai indak baa-baa suami liau doh. Nan sadiahnyo, ibuk beliau nan sadang sakik nan alah baumua 70an, sabana latiah, jariah liau lah manangih sajo sarumahannyo. Raso katabang angok rasonyo kecek mereka. Masih untuang jantuang liau masih kuek. Baa ka indak nan tulang pungguang keluarga nan dikabakan urang mode tu. Ndak lamo sasudah tu, manalepon urang panipu tu baliak ka ibuk ko, iyolah Mak Tan Ameh, nan namonyo induak-induak nan sadang sakik hati, sambuahlah nan kalua ka urang ko tanpa koma jo titiak. Kiro-kiro Mamak apo nan ka Mamak sabuikkan? Manuruik nakan Mak, rancak do'akan sen urang tun jadi next Anton Medan, baa kiro-kiro Mak?. J Antah banyak nan maaminan dan didanga Allah SWT sahinggo batambah urang elok di nagari awak ko. Ambo pernah mambaco Pak Emi juo pernah mangalami ko dan si penipupun hampir berhasil kok indak tolong Allah juo, baitu kan Pak Emi? Nah dari modus mode ko, kami-kami di Perusahaan barusaho baa caronyo supayo indak tajadi baliak urang manipu mode ko dan keluarga di rumahpun bisa tanang. Sahinggonyo kami mupakaik mancataik nomor-nomor talepon beberapo urang dari kalangan management supayo keluarga inti bisa manalepon ka nomor-nomor iko jiko sesuatu emergency tajadi. Sekedar untuak memastikan situasi. Wassalam Rina, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
