Pak Ramadhanil yth. Iyo ambo agak panasaran jo curito itu. Kasus pengusiran/pelarian ninik mamak nan ado tatulih dalam tambo dan kitab sejarah adolah satalah kajadian di Koto Tangah, nan tahun kejadian alun ado kesepakatan, sekitar 1808, 1812, atau 1814. Dari peristiwa itu, Rajo Pagaruyuang lari ka Lubuak Jambi basamo cucunyo; dan baitu pulo banyak penghulu adat di Tanah Datar karono takuik jo kekejaman Paderi. Pado tahun 1819 satalah Balando mulai bakuaso di Padang, kaum pelarian iko dipimpin Tuanku Suruaso menghubungi Residen du Puy untuak manyarahkan Minangkabau dan manuntuik baleh. Disabuikkan Tuanku Suruaso sarato 20 penghulu adat (M. Radjab) atau 15 kelompok penghulu (R. Amran), kalau diparatian bana adolah perwakilan 13 nagari salingkuang Pagaruyuang (Tanah Datar). Disabuikkan nan lain oleh R. Amran, kalau maso partamo Balando manduduki baliak kota Padang, maso itu dikuasai oleh seorang Panglima dan 12 penghulu, jadi 13 juo. Baitu tukuak tambah. Wassalam, -datuk endang
--- On Wed, 3/10/10, Ramadhanil pitopang <[email protected]> wrote: Ass.ww. Antah iyo antah tido, ado pulo urang manyampaikan bahwa namo "Luhak Kubuang Tigo Baleh" iko berasal dari titah radjo Pagaruyuang yang membuang 13 Ninik Mamak dari wilayah tersebut karano karakter dunsanak awak dari wilayah iko nan kareh-kareh, kadang-kadang indak mengikuti adaik nan balaku di Pagaruyuang. sehingga jadilah wilayah tersebut dengan 'Luhak Ku Buang Tigo Baleh". .........Tapi antahlah..... Nan jaleh.........Urang Kota Padang nan Salapan Suku terutama di Lubuak Bagaluang, Kurandji, Andaleh, Kampuang Kulawaiiii, kampuang Jua, Indarung, Ampang dll umumnya nenek moyang meraka berasal dari wilayah Solok, tamasuak Bapak ambo nan bakampuang di Andaleh dakek Simpang Haru Padang dan basuku Guci,,.. nenek dan datuak mereka berasal dari Silayo daolunyo......... wassalam, Ramadanil Pitopang Palu 45 thn --- Pada Rab, 10/3/10, Datuk Endang <[email protected]> menulis: Dari: Datuk Endang <[email protected]> Judul: RE: [...@ntau-net] Luhak Kubuang Tigo Baleh (Solok) ??? Kepada: [email protected] Cc: [email protected], [email protected] Tanggal: Rabu, 10 Maret, 2010, 5:43 PM Sanak yth. Dalam tambo Hadji Datoek Toeah disabuikkan penamaan Kubung 13 diberikan satalah Balando masuak ka Minangkabau, untuak inisiasi 13 koto: Solok Salayo, Cupak Gantung Ciri, Kinari, Muaro Paneh, Guguak, Koto Anau, Tarung-tarung, Koto Gadang, Duo Koto Diateh, Paninjauan, Tanjung Balit, dan Sulit Air. Negeri Sulit Air sendiri sabananyo dalam perhitungan adat masuak ka Luhak nan Tuo. Namun konstelasi politik salamo maso Perang Paderi nampaknyo manampekkan Sulit Air di perbatasan Luhak Tuo jo Kubung 13. Nan Kubung 13 itu pun dulu masuak Luhak nan Tuo. Kalau dibaco buku M. Radjab, nampak memang wilayah pra-Kubung 13 adolah wilayah nan indak tasantuah jo penyerbuan Balando (kecuali Sulit Air pado awal Paderi) dan pasukan Dt. Pamuncak Batipuh. Baitu juo kutiko Dt. Pamuncak manjadi Regen Tanah Datar menggantikan Rajo Pagaruyuang, indak namuah maasak sampai ka Kubung 13. Iko kironyo nan mambagi kasudahannyo wilayah Tanah Datar dan Solok sampai kini. Dalam referensi lain disabuikkan negeri Solok terbangun kutiko Balando mulai mambuko areal perkebunan (kopi), dan manampekkan Solok sabagai pusat perdagangan dan permukiman. Baitu disampaikan. Wassalam, -datuk endang -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
