Assalamualaikum w.w. Sanak Arina dan para sana sapalanta,Tarimo kasih ateh penjelasan Sanak. Ado tigo hal nan paralu kito paratikan basamo dari katarangan Sanak Arina ko, yaitu 1) pinyakik HIV/AIDS di kampuang kito tu indak timbua mendadak kini, tapi alah ado gejala-gejalanyo antaro limo sampai sapuluah tahun nan lalu, indak sajo karano hubungan seks bebas, tapi juo karano jarum suntik narkoba; 2) caro nan paliang rancak mananggulanginyo adolah manjago keluarga kito surang-surang, karano tipak di pamarintah rasonyo alah cukuik malakukan penyuluhan; .3) bukan mustahil pinyakik HIV/AIDS ko maruyak di saluruah Sumatra Barat, bukan hanyo di kota, tapi juo di nagari-nagari. Iyo sabana ngeri ambo mambayangkan baa bantuak Minangkabau maso datang -- limo-sapuluah tahun ka muko -- kalau pinyakik HIV/AIDS iko iyo bana manjadi pandemi [ = maruyak dima-dima?]. Lai bisa juo kito manyabuik ABS SBK tu jati diri urang awak ? Ditambah pulo bumi tampek bapijak dihoyak gampo tiok sabanta ?Apo alun saatnyo kito sigi bana sacaro langkok apo nan tajadi di kampuang kito nan jauah di mato tu ? Sasudah tu, kito susun kesepakatan basamo pulo apo nan paralu dilakukan basamo -- antaro masyarakat dan pamarentah -- supayo kampuang kito tu bana-bana 'baldatun tayyibatun wa rabbun gafur' ?Manuruik pangamatan ambo salamo ko, komunikasi antaro awak samo awak sabana kurang lancar. Makin lamo makin basifaik nafsi-nafsi sajo. Keadaan masyarakat awak seakan-akan basihanyuik sajo, indak ado arah, indak ado kendali, bahkan rasonyo indak ado kepemimpinan. [Kok 'pamimpin' tantu banyak.]Marilah sacaro baiyo bana kito ranuangkan apo bana nan alah tajadi di Minangkabau, dan baa mamelokinyo sacaro baiyo bana pulo ? Sabagian pamikiran tantu dapek dibahas dan ditampuang dalam Kongres Kebudayaan Minangkabau 2010 -- khususnyo nan basifat mandasar -- , namun jaleh bahaso indak sadonyo bisa ditangani dalam kongres nan duo hari tu. Banyak masalah nan bisa -- dan harus -- ditangani sajak kini, di kampuang kito surang-surang, di suku kito surang-surang, dan di keluarga kito surang-surang. Kalau indak dipasamokan sajak kini, ambo khawatir, kampuang kito tu makin lamo akan samakin taluncua. Indak ado lai nan akan kito banggakan.
Wassalam, Saafroedin Bahar(Laki-laki, masuk 73 th, Jakarta) --- On Tue, 3/16/10, Arina Widya Murni <[email protected]> wrote: From: Arina Widya Murni <[email protected]> Subject: Re: Re : [...@ntau-net] DI BUKIT TINGGI SUDAH ADA 140 ORANG PENDERITA HIV/AIDS ! To: [email protected] Date: Tuesday, March 16, 2010, 3:57 AM Assalamu'alikum w.w sanak jo mamak di RN nan ambo hormati.. masalah AIDS lah lamo ambo basobok , th 2002 an kalau ndak salah waktu ambo sadang ambiak spesialis penyakit dalam di RS M Djamil Padang, waktu itu kami merawat penderita AIDS yang berdomisili awalnyo di Batam, pasien tu urng awak,tapi bakarajo disinan, dek sakiknyo pulang, akhirnyo wafat.. setelah tu taruih ado kasus HIV/AIDS ko..sampai kini, ambo raso di rumah sakik nan gadang di Padang sendiri , swasta atau pemerintah lah ado nan dirawat beragam kasusnyo, ndak selalu dek pergaulan bebas, kebanyakan dek makai narkoba suntik kejadian atau angko kejadian nan tinggi kini bukanlah dek kondisi kini, tapi alah tajadi 5 - 10 tahun nan lalu..karano AIDS muncul katiko virus tu lah basarang di badan pasien 5 - 10 thn tanpa gejala, maso itu lah inyo manularkan ka urang lain lewat hub seks ataupun jarum suntik.. kini awak lah mancaliak hasilnyo, bukan ndak mungkin suatu saat pandemi HIV/AIDS manganai nagari awak ado fenomena nan ambo caliak, umumnyo dulu nan sakik adolah urang yang tingga di kota gadang , sudah tu pulang dek sakik, ibaraiknyo tinggi angko penderita bukan murni dapeknyo di kampuang, tapi kini nan sakik ko lah ado nan dari nagari awak bana, artinyo inyo ndak pernah hiduik di kota gadang co jakarta, medan ,batam dsb.. iko tando awak lah kebobolan dari 5 - 10tahun nan lalu kok usaho pemerintah daerah, ambo raso lah cukuik banyak, acok kegiatan sosialisasi bahayo narkoba, jo HIV/AIDS ko dikarajoan.. tapi bantuaknyo ndak bisa diarok pemerintah sajo, benteng di keluarga nan paliang penting nan paralu dicurigai kini adolah penderita datang jo keadaan diare kronis jo TBC, rato2 munculannyo kini baitu, bantuak masih kuat, namun ado penyakit TBC, jamur di muluik, jo diare bakapanjangan, lah paralu di skrining jo ditest apo ado virus di badan urang tu. co itu nan dapek ambo informasikan mari kito mulai jago di keluarga kito masing-masing, sudah tu sanak kamanakan, urang sakampuang, mudah2an bisa diikuti dek warga sanagari.. --- On Mon, 15/3/10, [email protected] <[email protected]> wrote: From: [email protected] <[email protected]> Subject: Re: Re : [...@ntau-net] DI BUKIT TINGGI SUDAH ADA 140 ORANG PENDERITA HIV/AIDS ! To: [email protected] Date: Monday, 15 March, 2010, 7:04 AM Kalo memang iko nan tajadi, perlu sebuah regulasi yg bijaksana dlm pemecahan kota Bukittinggi. Carilah pemimpoin yg tidak berorentasi kepado PAD sajo tetapi pemimpin yg dapek menciptakan nuasa kota yg tata ruangnya dapek merespon kebutuhan dari masyarakat bukittinggi itu sendiri. Kalo ambo liek meninggkatnya narkoba dan kelainan oreintasi seksual bukan hanyo masalah dari bar2 yg ado dikampuang cino sajo. Tetapi banyak parameter lainnyo, tetapi yg paliang ambo sorot ketidak adaannya pemecahan tata ruang, baik utk manusia maupun utk paru2 kota, pembangunan disasakan ke tengah kota, akhirnyo kota kehilangan arah karena kerapatan dan itu membuat manusia didalamnyo manjadi sasak. Bagi pegawai negeri mungkin ndak terlalu bermasalah karano tarimo gaji bulanan sedangkan sektor lain, yo kurang jaleh. Mungkin nan paralu diijalehkan, bukittinggi ko ka dijadikan kota apo??? Kata pelajar kah, kota perdagangan kah, kota wisata kah atau apo...... Mumpuang ka pilkada, carilah pemimpin yg berorintasi mambangun kampuang dan membenahi benang kusuik ko. Jan cari pemimpin yg dimodali urang, nantinyo orientasinyo baleh budii. Nanang, jktSent from my BlackBerry® powered by Sinyal Kuat INDOSATFrom: Tanjuang Heri <[email protected]> Date: Mon, 15 Mar 2010 11:27:43 +0000 (GMT)To: <[email protected]>Subject: Re : [...@ntau-net] DI BUKIT TINGGI SUDAH ADA 140 ORANG PENDERITA HIV/AIDS ! Pak Saaf jo Buya nan ambo hormati, Sabananyo, panyakik ko indak bisa dikatokan samo jo kanker ato apolah kadinamoan. Sampai kini ubek nan utk itu alun juo ado, kecuali untuk mampalambek "mati" nan dijangkik i nyo. Walaupun umua indak awak nan manantukan. Panyakik ko menular melalui : * Hubungan seks tanpa perlindungan , atao tanpa kondom , baik antara laki perempuan atau sesama jenis. Bukan berarti kondom ko menghalangi 100%, tp mengurangi resiko.* transfusi darah ( darah dari donor tercemar virus)* Alat suntik narkoba nan dipakai secaro bagantian dan indak barasih.* Dan masih banyak caro penularan panyakik ko, pak dotor bisa manambahan. Dari ratok an Buya, ambo beranggapan: * Kontrol anak kamanakan kurang ato ndak ado samo sakali dari urang tuo , ninik mamak jo alim ulama( maaf Buya, bukan ka Buya ambo mukasuik an)* Penerangan ato bimbingan dari depkes/ diknas tentang bahaya penyakit AIDS tidak ada atau sangat kurang di kalangan reemaja/ sekolah. Bukan berarti kita menyarankan para remaja utk bergaul bebas tanpa aturan. Sabananyo angko nan diunjuak dek Buya, mungkin angko nan alah disunat alias dipaketek.Sebagian kecil dari angko sabananyo barangkali. Langkah nan bisa ambo sampaikan, dicaliek dari langkah nan alah diambiek dek asosiasi penanggulangan Aids jo pemerintah perancis adolah : * Penerangan / bimbingan ke sekolah, selembaran, di majalah, di koran dsb.* Penggalakan penggunaan kondom ( harap tidak disalah artikan).* Penyebaran informasi bahaya penggunaan jarum suntik narkoba* Pemberian bantuan berupa dana, informasi dsb pada asosiasi penanggulangan aids Kalau di ranah, langkah² tu bisa diadaptasikan sesuai jo kebiasaan dan adat di awak, tapi nan ambo paliang satuju adolah turun tangannyo tungku tigo sajarangan ka kampuang kampuang, ka musajik, ka sakolah, ka lapangan manyampaikan apo itu aids jo bahayonyo jo baa caro mahindarinyo. Langkah td bisa digabuang jo adaik awak dalam manyampaikannyo. Indak pulo bulih ditinggaan, pengawasan dr orangtua pada anak. Ciek lai , AIDS ko indak ado hubungannyo jo penggalakan ato pengembangan pariwisata nan getol dicuap cuapkan dek sanak kito dr MAPPAS. Jaan sampai lo Mappas dicap sebagai pintu terbukanyo sagalo maksiat. Jadi manuruik ambo, maratok pun ndak ado gunonyo Buya, klao dr awak indak ado usaho untuk mandidik anak kamanakan. Klo urang tuo balapeh tangan, mamak indak tau jo kamanakan, urang kampuang indak ado raso jo pareso. Indak hanyo anak remaja, tp laki² hidung belangpun yg suka "jajan" harus diingetin. Ciek lai, kok di awak banyak warung kelambu? Kok warnet banyak disekat? sehinggo banyak pelanggan nan alun pantas mancaliek website porno bisa bebas mancaliaknyo. Cubo warnet tadi dibuka di tarok dimeja sajo komputernyo, sia nan kabarani buka website porno? Iko alah ambo sampaikan bakali kali di rn ko. Sakitu se dulu pak Saaf jo Buya, talabiah takurang mohon dimaafkan, ambo baru baumua sataun jaguang, pasti ado nan indak katuju dalam panyampaian ide ambo tadi. Indak mukasuik manggurui, tp hanyo kainginan ambo supayo panyakik ko indak menyebar ka kama² Wasalam, Heri Tanjuang (46) Paris HP : +33614397758 HP Indo : 0811885627 (hanyo utk SMS) -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
