Angku ZulTan nan ambo hormati. Ambo bukan sastrawan, sahinggo kurang paham mukasik *nan tasirek* ataupun *nan tasuruak* dari puisi generasi mudo awak kiniko (apo iko nan disabuik "*communication gap*" antaro generasi tua dengan generasi mudo, antahlah !)
Oleh karano itu ambo nak babagi informasi pengalaman pribadi sebagai peternak sekaligus pengembala itiak wakatu ketek di kampuang dulu. Itiak nan ambo paliharo, jenisnya iolah itiak nan panjang lihianyo; nan batino kareh suaronyo sedangkan nan jantan parau, dan warno bulu kapalo itiak jantan iko babeda jo warno bulu badannyo. Pemeliharaan itiak wakatu itu, alun intensif. Wakatu malam, itiak dikandangkan di bawah rumah gadang. Pagi hari itiak-itiak (lk. 20 - 30 ekor) di lapehkan ka sawah nan sudah panen, atau ka sawah nan padinyo nan alun babuah. Lamonyo masa sawah indak di tanami wakatu *bumi sanang padi manjadi*, memberi kesempatan untuak bataranak itiak tanpa membutuhkan modal untuak menyediakan bahan makanan. Alun ado industri "bataranak itiak" Itiak bebas mancari makanan barupo sisa sisa padi di sawah (karbo hidrat) dan binatang kecil sarupo si Pasin, Garundang dsb. dengan demikian gizi (protein) itiak iko cukup. *Sore hari, otomatis rombongan itiak pulang sendirinyo*. Sabalun masuak kandang, itiak itiak iko dibari makanan tambahan campuran barupo dadak, jaguang, padi (karbo hidrat). Wakatu anak itiak masih "piyik piyik" gizinyo dibari/dicukupi jo caciang tanah. Jadi wakatu itu *urang kampuang alah mempraktekkan ilmu gizi*, namun alun diteorikan sarupo kini. Untuak mancari caciang tanah sa sayak satiok hari membutuhkan karajo kareh pulo, tapi demi perkembangan dan pertumbuhan itiak (dicukupi protein hewaninyo) dikarajokan juo ....he, he! Kok padi sedang babuah, itiak tapaso dipindahkan ka lokasi lainnyo. Nah, dari lokasi nan baru itu biasonyo *itiak indak bisa pulang petang*, tapaso dijapuik ka sawah dan dihalau ka rumah. Adokalanyo diantara itiak itu ado sajo nan tapisah dari rombongannyo dan itiak tersebut tapaso dicari/dijapuik ka tangah sawah. Itiak jenis iko *membutuhkan aie nan cukuik, untuak berenang/mandi *dan memfungsikan selaput telapak kakinya sebagai pendayung*. Itiak iko memang bisa menyelam, tapi bukan kebiasaan rutin, *dengan kata lain itiak itiak iko tak membutuhkan air yang dalam sebagai syarat untuak mamaliharonyo. Saat nan paliang menyenangkan mamaliharo itiak, iolah kutiko maambiak talua nan batebaran dalam kandang di pagi hari. Itiak jenis iko indak amuah maarami taluanyo sendiri, babeda jo "itiak jawa" nan maarami taluanya dan pintar pulo tabang sarupo buruang lainnyo. Antah baa, kok di kampuang ambo daulu, indak ado urang nan mamaliharo "itiak jawa" itu ! Sakitu sajo curito pangalaman lamo, mudah mudah ado gunonyo. Salam Abraham Ilyas Lk. 64 th. www.nagari.org -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
