Carito ko memenuhi permintaan kanda Zul Tan masih tentang "Honda" ciri urang minang no 1001
Maaf duo kali posting ndak bisa ambo maagiah link dari FB main di BB ko Mungkin ado juo sanak nan alun mambaco, sekedar parami lapau sajo ### "5 Kali Jatuah Dari Honda" By : Jepe (Ciloteh Ringan) Tadi siang ambo duduak sanang disubalah kusia bendi nan batanago kudo Japang ko manuju Pasir Pangairaian, kali ko ambo manumpang bendi kawan sajo ka lapangan, nan kusia ko kawan saumua jo ambo samo2 karajo di perusahaan, namo kawan ambo ko Agus Gazali, inyo urang Lipek Kain Kampar nan bahaso gaulnyo yo medok juo jo bahaso kampuangnyo, ampia samo atau buliah dikatokan logat Lipek Kain ndak babeda jauh jo kampuang urang rumah ambo Lubuak Jantan Lintau. Kami samo2 maimbau Pak, ciek Pak Aguih nan manjadi kusia bendi, nan ciek lai duduak tanang dimuko sampiang kusia bendi tantunyo ambo nan dipanggia Pak Aguih jo Pak Jepe, Bendi Pak Aguih yo full music ba tipi ketek pulo bisa mamuta VCD, DVD dan MP3, pareso ka pareso kaset VCD "kapiran" nyo nan baharago goceng kecek anak betawi basuo kaset Elly Kasim jo Tiar Ramon Ahh..lai sabendi bana mah wak Pak Aguih putalah kaset ciak uniang jo Tiar Ramon ko, kecek ambo ka Pak Aguih nan sadang kosentrasi mambaok Bendi Cocok Pak Jepe, cucuakan sajo lah kaset tu ka tape tu"jawek Pak Aguih Lah dicucuakan VCD ko, yo kami nikmati bana suaro Elly Kasim jo Tiar Ramon nan ndak ado duonyo sabana suaro ameh bana biduan baduo ko kok lah manyanyi lagu Minang populer nan pernah merajai tangga-tangga lagu Minang populer dulunyo nan diaransmen ulang. Lah ikuik lo kami badendang baduo apo nan dinyanyikan Elly Kasim jo Tiar Ramon nan sadang diputa, mulai lagu Pasan Mande, Sinar Riau, Kariang Lautan, Kelok 44, Palai Bada dan lagu2 nan hits lainnyo Elly Kasim "Ha..lai lumayan mah suaro Pak Jepe" semba Pak Aguih He he..untuak sekedar didanga Pak Aguih jadilah, kok dibawok katangah yo alun lai do..indak more..more..do kecek panonton tapi batu, tarompa. Sipatu nan malayang panonton basorak manyuruah ambo turun..turun, jawek ambo ka Pak Aguih Elly Kasim ko yo ndak ado mati e suaro do Pak Jepe, yo sabana laruik awak jo alunan suaro amehnyo kok lah banyanyi lagu Minang ndak ado duonyo" Pak Aguih kagum ka Cik Uniang si kutilang ameh ko Ndee iyo bana mah Pak Aguih, liau ko lah 5 kali jatuah dari Honda..... Pak Aguih serius nampaknyo menanggapi ota ambo, alun salasai ambo malanjuikan kecek dipotong Pak Aguih "Haaaa..bilonyo jatuah, dima sajo jatuahnyo jo Honda Pak Jepe" semba Pak Aguih Ha ha ha..mukasuik ambo Pak Aguih nan Elly Kasim ko lah 5 kali jatuah dari Honda nan suaronyo co itu juo indak barubah dari dulu sampai kini, ambo sakali sajo jatuah dari Honda tabantiang lansuang baliang suaro ambo manyanyi" ambo manjalehkan jatuah dari Honda hubungan jo suaro manyanyi "Ha ha ha..PaK Jepe ayak ayak wae, kalau co itu nan ambo Pak Jepe jaankan jatuah dari Honda, tagagau masuak lubang sajo Honda nan ambo racak tempang sakali suaro ambo manyanyi" Pak Aguih lah manyambuang maagiah garah lo ka ambo Ha ha ha..iyo..iyo lah obeh dek Pak Aguih yo Lalu kami banyanyi-nyanyi liak kini pas lo duet Tiar Ramon jo Elly Kasim nan lagunyo "Kariang Lautan" tibo-tibo Pak Aguih mamulai kecek bagarah lo liak "Pak Jepe..Pak Jepe..dikampuang ambo Lipek Kain naik sepeda Motor ko apo sajo mereknyo tatap juo disabuik naik Honda, samo jo pasta gigi apo sajo mereknyo kok balanjo ka kadai basabuik juo "ado pepsodent" walau nan diagiah beko merek lain, baa di Padang kampuang Pak Jepe..lai naik Honda juo disabuik" tanyo Pak Aguih mamanciang Ota Ahh di Padang ndak co itu do Pak Aguih kok naik Honda naik Honda disabuik, kok naik Yamaha naik Yamaha se disabuik, baitu juo kok sapeda motor ko merek Suzuki naik Suzuki lo dikecekan"jawek ambo ka Pak Aguih jo stel yakin "Ha ha ha kanai loge lo ambo mah dek Pak Jepe, ambo lamo di Padang, naik Honda juo mah disabuik maracak sepeda motor ko apopun mereknyo" Pak Aguih taraso dek e ambo maloge "He he he iyo Pak Aguih samo juonyo jo di lipek kain jo di Padang untuak "naik Honda" ko Danga ka danga lagu Elly Kasim jo Tiar Ramon samantaro Pak Aguih konsen mambaok oto ndak ado ota lai, yo talayang-talayang tangguang mangantuak ambo Tibo-tibo diculik e paho ambo dek Pak Aguih "Pak jepe ..Pak Jepe, jadi Elly Kasim ko lah 5 kali jatuah dari Honda" Ha ha ha taraso. Kudian lo liak dek Pak Aguih ko" Bendi ko malaju..kito danga lah lagu Pasan Mande ko ciek lu Pak Aguih "Bak bapasan mande usah takuik Nak jo Ombak Gadang Riak nan tanang oi nak kanduang mambaok karam Luko dek sambilu,cegak diubek Nak nan jo piladang Kato malereang oi nak kanduang bisonyo tajam Mantappp Pasir Pengairaian, 25 Januari 2010 Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: [email protected] Date: Wed, 24 Mar 2010 12:03:01 To: <[email protected]> Subject: OOT-Ciri2 Orang Minang #1001 Pak Datuak Mulyadi nan di tapian Musi ten manulih : "Memang honda nan dimuko taraso mangganggu pandangan awak." Setelah saya menyigi-nyigi lagi foto kopi darat Da Ririi dan sanak Havid di Solo yang BG RM Padang, nah foto dua sepeda motor yang di depannya cukup sedikit menghalangi pengambilan gambar (bakodak) Beberapa orang sanak di palanta RN ini telah menambahkan ciri2 orang minang menyambung 30 ciri orang minang postingan Da ZulTan Maka ciri2 orang minang yang ke 1001 (ya gitu deh nomornya..biar enakan aja dan cantik kelihatan angka tersebut angka satu muka belakang ditengahnya ada duo nol bulat) 1001. Orang minang selalu menyebut sepeda motor dengan honda walau sepeda motor ini bisa jadi mereknya kompetitor dari Honda yang cukup "keras" yaitu Yamaha dan Suzuki Saya agak yakin dua sepeda motor yang mejeng di foto tersebut salah satunya pasti bermerek kalau nggak Yamaha tentunya Suzuki Tapi bagi Pak Datuak sebagai orang minang sesuai dengan ciri-ciri #1001 maka tetap saja di bilang Honda ha ha ha pisss Pak Datuk Ini juga bisa dibuktikan ketika saya atau bahasa pergaulan di padang jaman saya SMA "Salang santa honda angku lah" Ahaaa padahal nan disalang dan diracak kawan ambo ko sepeda motor nan bamerek Yamaha "Baa kok luko2 kaki waang ko dirih..liek lah banyak nan lecet2" tanyo si Edi Colak "Waden jatuah dari honda ko mah Edi Col" jawek si Dirih ha ha ha Padohal si Dirih ko jatuah dari "honda" nan bamerek Suzuki :-) Itulah tambahan ciri2 urang minang # 1001 silahkan lanjuik jo # 2002 sanak :-) Wass-Jepe Bonus Ado teka teki teko nan lah lamo jadul ..lah basi juo nampaknyo, bia diulang liak, ibaraik lagu lamo diputa sakali-sakali lamak juo di danga ikonyo "Edi Col..cubo waang sabuikan sapeda motor nan mereknyo huruf Y" tanyo si Dirih bateka teki teko ka si Edi Colak Si Edik Colak galak sengeang sajo sambia manjawek "Basi...basi..lah masuak angin teka teki teko waang mah dirih, tapi bialah den jawek juo Yamaha., Ya Honda, Ya Suzuki, Ya Kawasaki" "He..he iyo.iyo..iyo..lai ndak ongok raya bana utak waang doh edi, den sangko samanjak kapalo waang colak baliang pulo utak waang..sip..sip tapek bana jawek waang tapi ado nan kurang ciek lai " kecek si Dirih "Aaa tu Dirih" tanyo si Edi Col penasaran Ya Ducati dong ..tunggangan pembalap fovorit waden Casey Stoner (Oppp yo..ndak sabaran ambo manunggu seri 1 balap Moto GP musim 2010...baa lah gaya, lagak dan ragam rider fovorit ambo yo si Valentino "the doctor Rossi" jo tunggangannyo honda nan bamerek Yamaha he he he ambokan tamasuak ciri2 urang minang # 1001 JP Sent from my BlackBerry® smartphone from Sinyal Bagus XL, Nyambung Teruuusss...! -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe from this group, send email to rantaunet+unsubscribegooglegroups.com or reply to this email with the words "REMOVE ME" as the subject.
