Mamak Jepe, Roni jo adidunsanak palanta yth, Mungkin dek Rina sanang dilahiakan di tangah keluarga Minang makonyo sanang sajo hati manulih jo bahaso Bundo ko. Walaupun di nagari Rantau rina ko paliangan rina mangecek sahari-hari jo bahaso yang lain, tapi nan di dalam hati tetap tatanam bahaso bundo ko. Rina jadi agak takuik jiko suatu saat apolai alah bakaturunan, bahaso bundo ko indak dipakai lai, saroman bahaso nenek rina saisuak nan acok dikaluakan Mak Ngah di lapau ko, alah indak dipakai bana walaupun itu di kampuang di jaman rina sakolah sisuak. Jadi minimal dari diri sandiri mancubo ikuik malestarikan bahaso Bundo ko. Rina agak takajuik katiko baru marantau ka nagari Rantau kini ko. Urang suku lain mancap suku kito ko babahasonyo jo bahaso nan kasa. Tapi lamo-lamo rina maklumi sajo hal itu, yoo ituang-ituang mereka kan alun kenal bana sia awak laih. Hal ikopun rina hadapi kutiko beradapan jo keluarga Mas nan dari Magelang, Jogja jo Gunung Kidul. Alhamdulillah..katiko sang calon mintuo mancubo bainteraksi jo calon minantu yang diperkirakan mereka "kasa" tu, indak tabukti samo sakali, sahinggo lahialah kamanakan-kamanakan Mamak hehe..
Terinspirasi? Lah Mamak katahui juo, jiko di Lapau ko sajak saisuak, rina kan suko jo nan humanis tu. Kurang jo nan babaun politik walaupun lai taruih maikuti juo kadang. Jadi carito saroman ko bana nan lah jadi baju di diri rina. Kok dicaliak acara Kick Andy tu, iyo alun bisa masuak lai doh. Dek rina bukan siapo-siapo, dari keluarga bukan apo-apo tapi rina sangaik hormat ka Inyiak-Inyiak, Mamak, Mak Tuo, Uni, Abang, Kaduo Rang Gaek, walaupun bukan pejabat atau lain yang setara. Hanyo sekedar berbagi sajo, mudah-mudahan ado manfaatnyo, itu sajo. Ingatan maso ketek ado rina buek tulisan bukan sakali ko sajo, misalkan Masuak Rimbo 1 jo 2. Adolah pengalaman kutiko baumua 6,5 tahun. Rasonyo amat sayang bilo ingatan nan masih jaleh tu indak di dokumentasikan, walaupun usaho rina baru sabateh di FB jo Lapau ko. Iyo alun takayai untuak Blog atau Buku misalkan. Banyak yang mangecek jo rina untuak taruih maasah kemampuan manulih ko. Alhamdulillah itu sangaik bana mambari sumangaik. Buliah ditanyo ka nan rajin manulih di Lapau ko, Pak Dotor, Amak Evy Nizhamul, Mak Jepe, Uni Hanifah, Da Andiko, dan banyak nan lainnyo nan indak bisa rina sabuikkan ciek-ciek. Yakin rina mereka akan maiyokan bilo tulisan mereka dibaco dan diagiah pencerahan atau apopun itu, akan manambah kobar sumangaik dalam manulih lik, manulih lo lik hehe.. Terakhir mokasih banyak ateh saran Mamak Jepe, katibo akan rina paratian supayo labiah pas. Banyak maaf jiko tulisan rina manggaduah waktu adidunsanak sadonyo, sebab ado nan sadiah, haru bahkan manangih dek tulisan kapatang tu...sakali lai banyak maaf. Wassalam Rina, 33, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe from this group, send email to rantaunet+unsubscribegooglegroups.com or reply to this email with the words "REMOVE ME" as the subject.
