Bana Buya, Buya pun mangalami hal nan saroman iko. Memang dukungan Msyarakat lah nan mambuek manjadi kunci wakatu itu.
Dalam pajalanan MakNgah, bajalan kuliliang Solok waktu itu (awal Sept 1958) kami bukan rombongan gadang, baduonyo, Ridwan Asky (alm.) dan MakNgah. Kama pai Makngah dianta dan dijapuik Urang Rundo, sareoman estafet lah namonyo. Sarah tarimo langsuang dipitaruahi dek Pak Wali dima kami tamui. Mereka tahu jalan-jalan maminteh, jalan-jalan nan mungkin jarang dilalui urang umum. Itulah MakNgah indak lupo-lupo keramahan, prsahabatan, dan tanggung jawab nan mareka pacaliakkan ka kami sehinggo pajalanan kamai dapek selamat. Banyak pangalaman budaya lokal nan kami dapek dapam maota dan bajalan jo urang rundo ko. Satantangan malianteh jalan di Sungai Lasi, memang kami malinteh di tangah pasawangan, lah dipatuih dari ateh, dan waktumalintehlah jaleh dicaliak aman suok kida. Kami bajalan elok-elok. Kami sampaisalamat ka subarang dan ditarimo pulo dek urang rundo sarah tarimo jo nan maanta. Pajalanan dilakukan siang hari. Jadi relatif aman. Awal Juli sabalun itu Makngah lah lalu di jalan tu degan bis dari Palembang, masuak Solok, nan lah diduduki, taruih ka Bukittinggi, pun lah diduduki. Anggotq kami (Dewan Penerangan Mahasiswa Sumatera Tengah) waktu di Bukittinggi 10 April 1958) ado 9 orang. Rasonyo Suwardi Idris tadaftar di antaro kami dalam rapat pembentukannyo. Pai ka Palembang 6 orang, baliak ka Bukittinggi 4 orang. tugeh ka Pasaman 3 urang (Sjofjan Asnawi, Ridwan Asky, Sjsmsir Sjarif). Tugas ke Mandahiling Natal tingga 2 urang lai (Ridwan dan Sjamsir), tugas ke Selatan tatap baduo kirai-kiraian dari nan sambilan ko. Dibandiangkan dengan panyubarangan jalan selanjunyo pajalanan nan bareh iyolah dari Siurukam ka Aia Angek nan dingin di lereng Gunuang Talang. Sudah tu pajalanan dilarikan urang rundo sadang mambari pananrangan malam-malam di Musajik Cupak, disembunuyikan di Dangau Santo di Batu Kuali di lereng Talang. Bisuaknyo manyaksikan parang penghadangan dan pembakaran kampuang oleh tenteta pusek, mayaksikan api manggajolak dan mancaliak pasukan awak mambawo korbannyo ka tampek nan aman. Sudah salasai bisuaknyo malinteh jalan Solok-Padang di Cupak manuju Gantuang Ciri. Pangalaman nan barek lai katu malam-malam mambarikan panarangan di Musajik Saning Baka, dilarikan uang rundo pulo dalam kalam manyubarang Sungai jo parahu manuju Singkarak sampai parak siang di Paninjuauan. Alah tu dulu tgasingguang pulo per pangana, panjang pulo caritonyo. Salam, --MakNgah --- In [email protected], Masoed Abidin ZA Jabbar <buyamasoedabi...@...> wrote: > > Pak Abraham .. > manyubarang tu ado kiek no .. > ado pengawal ujuang pangka .. > panunjuak jalan tu alah apa banai tu sado no .. > Baitu sen Mak Angah aman manyubarang dek ee... > Wassalam > Buya HMA sadang di jalan juo baru ... > > > Pada 24 Maret 2010 13:57, Abraham Ilyas <abrahamil...@...> menulis: > > > Mak Ngah yth. > > > > Mancaliak rute perjalanan Mak Ngah dari Pianggu ---> Sungai Lasi > > --->*menyeberangi > > jalan besar dan jalan KA *---->Sawah Liek -> Sigumantan, maka tabayang dek > > ambo baa kalau tibo tibo datang konvoi APRI (antah dari arah Solok atau dari > > arah Sawahlunto) > > > > Apo kiro kiro tindakan Mak Ngah kutiko itu, bilo batue tajadi, kalau balari > > tantu akan jadi sasaran peluru. Manyubarangnyo malam atau siang hari? > > > > Salam > > > > A.I -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe from this group, send email to rantaunet+unsubscribegooglegroups.com or reply to this email with the words "REMOVE ME" as the subject.
