Indak tahu apo masalah "Jawi Sirah" ko manjadi subject dikamukokan. Namun sakadar selingan takana pulo di ambo pantun kami pulang dari surau pagi-pagi katu ketek-ketek zaman jolong mardeka tahun 1945.
Baitu mantapnyo pantun ko masih takana, sampai kini. Satu kali kiro-kiro 15 tahun nan lalu, ambo jo anak ambo Samudera umua 5 tahun sadang di Oakland, California. Kami sadang manikmati pamandangan daerah Bay Area dari di pakarangan museum di ateh bukik di bulakang Kampus University of California Berkeley. Dek anak ambo sadang asyik mangecek Bahaso Mianang dan Indonesia, tibo-tibo ado urang padusi mudo babaju kuruang mandakeki kami. "Apak Urang Awak, Pak?" tanyo urang padusi tu panasaran. "Iyo" kecek ambo spontan. "Dima tahu? kecek ambo. "Anak Pak pandai Caro Awak" keceknyo. Inyo perkenalkan dirinyo daperkenalkan suaminyo. "Dimaa Kampuang?" tanhyo ambo. "Di Pitalah" keceknyo. "Oh, Pitalah?" kecek ambo sambia tabasuik galak. Tagalak pulo inyo sambia batanyo. "Tahu Pak dima Pitalah tu?" "Tahu," kecek ambo sambia galak. "Iko Urang Pitalah nan partamu kali ambo basuo" kecek ambo. Lantas dengan spontan ambo lafazkan pantun itu. Tacongang-congang inyo mandanga. Mintak diulangnyo dan diapa-apanyo pulo. Sudah tu inyo mintak diajaan dan dicatat ditulihnyo. Ambo tunjuakkan lafaznyo elok-elok. Perkenalan kami tu indak talupo. Sampai kini tiok kami basuo kalau ado partamuan di Konsulat RI San Francisco, kami acok manyabuik pantun tu baduo dengan lafaz nan indak salah-salah: Den pai ka Pitalah Den bali Jawi Sirah Den dabiah tabik darah Den gulai tabik kuwah Den imbau Aji Dulah Mandoa maningadah Lailahhaillallah Muhammadarrasulullah ... Salam, --MakNgah Sjamsir Sjarif Sadang tasintak Parak Siang Di Tapi Riak nan Badabua --- In [email protected], andi ko <andi.ko...@...> wrote: > > Batua mak > > Kito sabananyo indak mambao doh, tapi posisinyo dimasyarakaik mengharuskan > Jawi ko harus diajak sato. Itu nan parahnyo. > > Salam > > andiko > > Pada 28 Maret 2010 16:13, Hilman Mahyuddin <hilman.mahyud...@...>menulis: > > > Sanak Andiko yang baik.Umumnyo urang manyasa (menyesal) kudian(sasudah > > kajadian) tapi urang mambawo sapi sirahko nan malah satu2 nyo manyasa > > duluan.Baa agak ati doh. > > > > Wassalam; -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe from this group, send email to rantaunet+unsubscribegooglegroups.com or reply to this email with the words "REMOVE ME" as the subject.
