Mamak TR Kalau jo Garudo mamak malayok, tantu alah Platinum karatu mamak, panjang bana pajalanan, apo lai laloknyo di Bintang 5. Lapeh pulo ka Manado. Ambo lai panah ka Manado, ukatu Maluku Utara baru di bukak jadi propinsi. Saharian tabang jo Lion Air ka Manado, dari sinan naiak pesawat baliang-baliang ka Ternate. Bandara baru bandara kampuang, sampai angkot manjapuik panumpang ka tapi landasan. Batamu ambo jo pasa, urang Kubang Putiah Bukiktinggi nan banyak disinan. Ado sorang bapak manggaleh VCD, keceknyo inyo urang Kubang Putiah, tapi alah lahia sampai gaek disinan, baru 2 kali pai ka Bukiktinggi. Nan tabayang dek ambo, baa pulo caronyo urang gaeknyo dulu marantau sampai ka Ternate, pasti naiak kapa kayu nan lamo bana.
Sore-sore bajalan-jalan di Swering Balajawa, tampek urang ternate malapeh sanjo. Singgahlah ambo di warung tenda, eh ruponyo urang Limau Lunggo Solok manggaleh nasi. Yo Mintak ampun ambo dek pajalanan urang Minang ko. Padahal ukatu itu, Maluku Utara baru salasai karusuhan, untuanglah warung padang lai salamaik, indak digisia dek kaduo balah pihak. Baitu juo ukatu malala ka Pulau Bacan, batamu pulo ambo jo urang awak, antah baa pulo baliau sampai kasinan. Mamak, kok ditulih jo gaya pantun, iyo panek mancaritokan pajalanan urang minang ko. Salam Andiko Sutan mancayo Pada 10 April 2010 08:44, <[email protected]> menulis: > Sajak minyak ditamukan Ulando > Babagai banso lah sato pulo > Amerika jo Parancih ado disiko > Kok di Muaro Badak ado Vico > Di Handil dan Senipah Total nan bakarajo > Unocal- Amerika di Attaka jo West-Seno > > Kemudian Unocal, Chevron nan maelo > > Tipak dibadan diri ambo > Lah tapasah pulo ka nagari iko > Sakali duo minggu malayok diudaro > Antaro Sumatra jo Borneo > Singgah dulu di Tanah Jao > > Sabagai Bujang Salamat ba halo2 > Terutamo malala kuliliang Borneo > Ka Makasar jo Manado ditampuah juo > > Kian ma-ota disitu bacarito > Field Visit namonyo ado sarato > Salamo indak mamakai pitih dipuro > Lai tasadio banta di Bintang Limo > > Nan bisa mambuek urang rumah tarabo > Karano cameh uang balanjo bisa tabedo > Dek awak asyik marlao-lao > > He...he...latiah juo manuruikkan caro Andiko > > Wass > TR > > (Sadang mairuik kupi di Lembu Swana-Samarinda) > > Sent from my BlackBerry® > powered by Sinyal Kuat INDOSAT > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
