Manolah Datuk Panduko sarato Buya HMA yang mulia. Kapado angku datuak dan buya ditibokan sambah. Satantang panyampaian buya, alah ambo impikkan di bawah, supayo nak samo kito baco. Nan intinyo, alah batarang matoari bagalanggang mato urang banyak, cukup jaleh wujud masalah dalam masyarakat kito kini. Nan itu alah dipakuek pulo oleh parasaian dari angku datuak, kalau nangkodo alah lupo nan pidoman alah kabua. Salah satu nan paralu manjadi fokus adolah membenahi baliak UU20 sarato tatanan masyarakat kito. Kok itu dibao baiyo batido, tantulah kato mufakat nan dinantikan. Satantang nan pernah kami rumuskan di KANSA, baru draft awal, dan tantu paralu disandiangkan dengan apo nan alah ado, tamasuak nan alah buya sarikan. Sahinggo rundiang paralu basilambek, supayo samporono hasilnyo. Karono alah ado media internet, dapek kito manfaatkan pado tahap awal. Kalau buliah ado pandangan lain tantunyo kito tunggu. Ambo cubo cari bahan nan pernah kami rumuskan, karono komputer nan lamo rusak. Sumantaro itu daulu angku datuak dan buya penyampaian dari ambo. Maaf dan rila dari sado hadirin. Wassalam, -datuk endang --- On Sat, 4/10/10, Masoed Abidin ZA Jabbar <[email protected]> wrote:
Assalamu'alaikum Wr.Wb. Manolah e Datuak Endang ... Itu bana nan dimukasuik ... Menyusunkan baliek nilai nilai utama nan alah kito punyo ... kemudian merumuskannya sesuai jo kehendak zaman jo maso ... sahinggo "adaik bapakai baru, baju bapakai usang" .... iko nan labieh paralu daripado awak basitegang manantukan limbago no ... Alah Buya sampaikan juo tantangan peran Tungku Tigo Sajarangan ... supayo langkok kekuatan awak nan di nagari ... Buya indak ka mamuji nan batarang-tarang doh Pak datuak, karano takuik dek pitua rang tuo tuo awak juo ... "puji kok ka mambunuah, upek kok lai ka ma iduik i ..." Tapi nan jaleh KAN SA salamo ko alah berhasil mengundangkan baliek UU nan 20 tu ... ka dea no kito maniru kan nan alah bahasil ...??? Iko nan tabayang dek Buya ... Maaf jo rila nan Buya pinto ... Wassalam Buya HMA --- On Sun, 4/11/10, KASMAN PANDUKO <[email protected]> wrote: Assalamualaikum Wr.Wb. Buya HMA sarato Dt Endang. Sambah tajelo di nan rapek, maaf tasimpuah dinan banyak, ujuiknyo kapado niniak jo mamak, pangulu nan gadang basa batuah, nan tinggi patuik dianjuang, nan gadang karano diambah, bila maulana dan tuangku, jo manti hubungan kato, saratu dubalang pagawai adat, maliputi ibu jo bapo, nan ketek jo mudo matah, sarato nan tuo di dalam kampuang. Maa Angku Dt. Endang; Buya HMA, Sungguahpun Angku jo Buya nan di imbau, batin dek adat kasadonyo. Ambo sangek satuju jo pandapek angku Dt. Endang, ujuangyo sajo ambo sembah tuak : "kok dapek memang bahan iko(UU nan 20) dirumuskan baliak supayo manjadi standar dalam hukum adat kito kini. Kok dapek memang paralu musyawarah khusus mambicarokan hal itu," kan baitu bana tuak. Kalau hukum badan seperti pinjaro atau hukum rajam dan lain-lain, tanto indak bisa awak berlakukan, karano untuak urusan itu alah ado UU Negara awak ko nan maaturnyo. Tapi samantangpun baitu, hukum adat untuk kemasylahatan anak kamanakan kito untuak kini dan maso nan ka tibo tantu paralu dirumuskan baliak. Ambo maliek kini dikampuang awak peran niniak mamak lah sangek bakurang (bantuak harimau nan lah dikarek saingnyo kini mo tuak), tantunyo jo hukum adat yang memang harus dijalankan dengan ketat mako salamaiklah awak dunia akhiraik. Lain daripado itu, tantang Pilkada dikampuang awak, iyo batolong di angku datuak jo buya manjalehan ka anak kamanakan, piliahlah pimpinan yang sasuai jo ciri-ciri pimpinan Taqwa yang sasuai jo tuntunan agamo awak nan disampaikan dek Rasulullah SAW. Pimpinan nan Taqwa itu tantu indak ka maajang pitih untuak kamanangannyo( menghalalkan sagalo caro). Ambo lah dapek maliek kecendrungan masyarakat awak nan lah mulai pulo bak cando didaerah lain. yaitu mamiliah pimpinan nan mambagi-bagi karate baragi ka nan mamilih inyo. Jamo-jamo angku , dunia jo akhirat ka tanggungannyo. Sakian Sambah pado Datuak sarato Buya, kato nan andak dikambalikan. Wassalamualaikum Wr.Wb. From: Datuk Endang <datuk_endang@ yahoo.com> To: rantau...@googlegro ups.com Cc: sulita...@yahoogrou ps.com; minangkabau@ yahoogroups. com Sent: Sat, April 10, 2010 12:43:19 AM Subject: [minangkabau] Re: Bls: Undang Undang Minangkabau di dalam Tambo Dt. Bagindo dan Buya HMA yth. Iyo alah banyak curaian adat nan disampaikan, malah tibo dari buya sendiri. Untuak undang-undang 20 alah banyak versi, tagantuang langgam masiang-masiang daerah, nan bararti peraturan itu hidup dan berkembang dalam masyarakat. Babarapo tahun nan lalu kami dari KAN-SA alah pernah mancubo mamodifikasi UU20 sasuai jo katantuan syarak dan sistem hukum nasional, dan tantu mamparatikan HAM. Kok dapek memang bahan-bahan iko dapek dirumuskan baliak supayo manjadi 'standar' dalam hukum adat kito kini. Kok dapek memang paralu musyawarah khusus mambicarokan hal itu. Baitu disampaikan. Wassalam, -datuk endang __._,_.___ -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe To unsubscribe, reply using "remove me" as the subject.
