Assalamualaikum warahmatullahi wabarakatuhu, Maa Rang Lapau nan Basamo, Dek hari agak dingin-dingin hujan lah tigo hari ko di Rantau Jauah Santa Kuruih Kalipornia, sabanta ko manjala-jala lo pangana ka Lereng Gunuang Marapi. Basuo postiang lamo, 10 tahun nan lalu. Isino pun marupokan sabagian kenangan lamo ka Maso Bagolak. Sakadar kenangan pulo, MakNgah postiangkan baliak di siko.
Caliak di http://www.mail-archive.com/[email protected]/msg00612.html Untuak Adidunsanak nan indak dapek maakses linkno, buliah baco copyno di bawah ko. Salam, --MakNgah Sjamsir Sjarif http://www.mail-archive.com/[email protected]/msg00612.html Re[2]: [Rantau-Net] Bukittinggi jo Gunuang Marapi Sjamsir Sjarif Mon, 15 May 2000 19:15:26 -0700 Aaa, iyo ka tacoroh bulo pangana lamo jadino. Tan Aji lah saroman kakak di ambo. Baliau sapangkek jo Uda ambo, Sjamsuddin Kari Maradjo. Ambo lah bakatahuan sajak ketek karano pamainan ambo ilia mudiak Biaro, Ikua Labuah, Koto Tuo. Ambo raso baliau di Guci dan anak rumah baliau di Batang Katiak Mudiak antaro Ampang Gadang jo Koto Tuo. Wakatu ambo pulang tahun 1985, ambo pai maojok-ojok surang babaju hitam mudiak Tangaia Gadang taruih ka Bungin naiak mancangak-cangak taruih ka Mudiak. Hampia-ampia sampai ka jambatan, urang curiga, mungkin ado Turih Japang nan sasek. Wakatu tu urang sadang gotong royong macuboan traktor nan disalang dari kabupaten. Langkok urang Koto Tuo di sinan, tamasuak Kapalo Desa jo staf kaamananno. Dek urang curiga tu mancaliak ambo maengak-engak mangana jajak lamo, mangko datanglah induak angkangno, kapalo kaamanan Desa Koto Tuo. Ari agak galok-galok satangah rina-rinai pulo. Maojok-ojoklah baliau Katua Kaamanan ko. Ambo caliak iyo indak salah doh, sudah tu ambo sonsong elok-elok. Kecek ambo saroman kode lamo: "Tan Aji go yo!" Takajuik tacirangak no, mandanga namono disabuik nan bak nantun. Disangko no ano bamimpi ado antu aru-aru nan datang babaju itam (pakai sweat shirt and sweat pants bamerek University of California Santa Cruz) indak lo pakai sandal doh, malenggang sajo indak ado baban nan dibawo doh. Sadang tacingangak tu dibaeno lo marauang: "Sjamsir Goh?" Kecek ambo, "Iyo!" mangko bapalun-palun lah kami lantuang -malantuangii. Mancaliak urang bagakno kapalo kaamanan tu ambo lantuangi jo tangan, sudah tu kami pai ka tampek nan rami, mangko tacanganglah urang banyak ka sadono, tamasuak Kapalo Desa manyalami ambo batanyo: Pabilo Uda Pulang? .... Mangko balapeh angahlah urang nan basamo salam manyalami ambo baganti-ganti .... Kakak baliau, Kakak Tan Aji, lupo ambo namono, kalau ambo indak salah Almarhum Tuan Samin, dahulu kusia bendi, adolah Bapak dari Si Djun di Piliang Pasia, Biaro. Si Djun ko sapangkek jo ambo. Kok ka mambukak tindakan-tindakan nan malangga hak azasi manusia, kasus si Djun ko lah nan padek bana di bawo ka tangah ka LBH Padang. Wakatu tu 1958, si Djun ko daiarak OPR jo tangan, jo Pangka Badia, jo sipak tarajang, dipalakkan dek OPR pulang baliak bajalan dari Biaro ka Baso. Sampai di Biaro alah indak bisa bajalan lai, Si Djun maningga ditembakinyo. Rasonyo diambuangannyo dek OPR ka laman urang gaeknyo di Pliliang Pasia. Ambo indak mancalaiak kajadian tu. Tapi hal iko dapek dipareso baliak dari saksi-saksi mato dari urang-urang nan masih iduik wkatu itu. Itu alah manjadi sabagian sejarah sadiah Urang Biaro. Sabana tragis.... Sakitulah dulu, baambah pulo pangana sabingkah lai ... Kok buliah batanyo ambo saketek. Almarhum Ayahanda Angku Dave tu dimaa baliau? Di Koto Tuo atau di Biaro? Kok paralu baganjua awak ka Jalua Paribadi indak baa doh.... Salam, Mak Ngah At 2:24 AM +0200 5/16/00, Dave SAIB wrote: > Assalamu'alaikum wr.wb., > > Ambo sakampuang jo mak Nuraji. Baliau alhamdulillah lai siaik juo kini > di kampuang. Nan pak Karya ko iyo ndak tau amek ambo doh, baliau urang > Batu Taba. Cuma katiko ketek-ketek saisuak di kami jadi sabuikan bana, > kompi pak Karya. Kapanambah ota jo sijarah sajo, nan ayah ambo > tamasuak nan gugur dalam paristiwa itu nyiak, Saibi Ismail Sutan > Lembang Alam (gala baliau ko diagiahan bako kaambo), gugur di Kamang > Ilia di bulan Juni taun 1958, katiko baru kabasiarak bana, nan kecek > urang gomah, sasudah bacakak bana jo lawan katiko itu. > > Wassalam, > > > Lembang alam > > > > >______________________________ Reply Separator >_________________________________ >Subject: Re: [Rantau-Net] Bukittinggi jo Gunuang Marapi >Author: [EMAIL PROTECTED] at Internet >Date: 5/15/00 10:43 AM > > >Bana. Baa lah kaba Mak Iya jo Tan Aji tu kini? Nyiak Bonjo Alam (Pak >Sjamnir) baa lah kini. Mudah-mudahan baliau jo sagalo dunsanak kami >saparjuangan ka sadono lai sehat-sehat sajo. > >Daerah kami taserak di Lereng Marapi Saparampek nan di Ateh, sabalah Utara, >dari Bagian Ateh Lurah Jabua di Ateh Canduang sampai ka Badorai di Ateh >Sungai Pua. Di Sinanlah kami sadono kaluarga Agam Tuo ba Reuni di >saat-saat anam bulan terakhir sabalun pulang. Sabalunno kami tapanca, >baserak di seluruh daerah Sumatera Barat. Tetapi dengan Long March >macam-macam rombongan dengan pengamalam masing-masing dengan Lindungan dan >Patunjuak Ilahi diiringi doa kami sapanjang jalan, sampailah kami ka Tanah >Tapi, di Tampek nantun.... > >Alhamdulillah. Katu kami Pulang Basamo bulan Juli 1961 ramilah pasa >Bukittinggi. Kami nan sabana Karak-karakno, Pulang Basamo jo Parundiangan >Panyalasaian Terakhir Parang Sudaro. Disambuik dek sagalo Kaluarga Rang >Kampuang ka Sa Agam Tuono. > >Pusek paratian katu tu adolah di Gaduang Sikola PSM di Ateh Ngarai >Bukittinggi. Di sinan kami ditarimo bakumpua ka sadono. Ramilah Rang >Kampuang manyilau kami ka sinan basuo basamo-samo, panuah parasaan, >bacampua sadiah jo gambira, galak bapaguik barangkulan jo aia mato.... > >Baa ka indak, sasudah tigo satangah tahun di "lua nagari" Anak-anak Mudo >Kasayangan Bundo ko Pulang Basamo, abuak basega, rancak-rancak, babaju >bapintalon barasiah-barasiah, gagah-gagah, sehat-sehat. Nan padusi-padusi >sehat-sehat gumbira barasiah-barasiah babaju kuruang. Padohal alah >dipropagandakan nan bahaso mareka tu kasadono lah jadi baruak kuruih-kuruih >barambuik panjang babaju compang campiang di rimbo gadang .... > >Mudah-mudahan kawan-kawan dunsanak kami nan lah dahulu dari kami ditarimo >Ilahi sabagai para Syuhada Managakkan Nan Bana. Mudah-mudahan Arwah Tuan >Dalan aman jo damai di sisi Ilahi Rabbi. Amiin Yaa Rabbil Alamiiin... > >Sakitulah dahulu. Sakadar Sabingkah Kisah Kanangan Lamo. > >Salam, >Mak Ngah > >At 8:02 AM +0200 5/15/00, Dave SAIB wrote: >> Assalamu'alaikum wr.wb., >> >> Jadi kalau mantun inyiak sadangau jo kapten Karia, Nurhaji bagai tahun >> 60/61 tun? >> >> Wassalam, >> >> >> Lembang Alam >> >> >>______________________________ Reply Separator >>_________________________________ >>Subject: [Rantau-Net] Bukittinggi jo Gunuang Marapi >>Author: [EMAIL PROTECTED] at Internet >>Date: 5/13/00 6:02 PM >> >> >>Oiy yaiyai, dek tarlena-lena mencalit lereng Gunung Marapi tu, maka >>terlupalah Nyit melampirkan gabarnya. Bayangkan sin lah pondok Nyit Sungut >>dahulu (1960-61) jauah di ateh saparampek ka puncak di lereng Marapi tu. >>Dalam gambarko alah tasawok, disalimuiki Awan Putih, Salimuik Angek Nyik >>Sunguik wakatu itu.... >> >>Dari pondok tu Inyiak dapek mancaliak alam takambang dataran Agam Tuo, >>Ranah Ampek Angkek jo Canduang, Baso, Tilatang Kamang, Ampek Koto. Jauah >>ka sabalah kasuok Inyiak (timur) tampak sayuik-sayuik Ranah Rang Limo >>Puluah. Jauah di adokan (Utara) dibulakan lereng bukik-bukik di Kamang >>tampak daerah Koto Tinggi jo Gunuang Ameh latar bulakangno. Jauah ka >>sabalah suok (barat) tabayang jauah Daerah Palembayan, baputa-puta ka suok >>saketek tampak daerah Masang, Pasaman jo latar bulakang gunuang Pasaman >>sayuik-sayuik sampai lapeh ka Riak nan Badabua.... >> >>Takana lagu saluang pareman kurak kariak Inyiak: >>Talalai Bujuang talalai.... >>nan talalai di Rantau Urang .... >> >>Mooh sin lah Nyit karano lupo mamencek Attachmentno sabanta ko. Fileno >>dalam bantauk jpeg indak banyak doh, 32K no. >> >>Salam, >>Nyit Sungut >> >> >>>Date: Sat, 13 May 2000 08:10:13 -0700 (PDT) >>>Message-Id: <l03102801b542bb024...@[128.114.228.109]> >>>In-Reply-To: <001901bfbd00$b81692c0$[EMAIL PROTECTED]> >>>References: <l03102800b541d8e2d...@[128.114.228.121]> >>>Mime-Version: 1.0 >>>Content-Type: text/plain; charset="us-ascii" >>>To: [EMAIL PROTECTED] >>>From: Sjamsir Sjarif <[EMAIL PROTECTED]> >>>Subject: Re: [Rantau-Net] Gambar Pamandangan dari Bukittinggi di "Kompas" >>>Cc: "Agus Adjam" <[EMAIL PROTECTED]> >>> >>>Maa Angku Bandaro jo Rang Lapau nan Basamo, >>> >>>Bukik tinggi buliah rang daki, >>>lurah dalam bakalo-kalo. >>>Urang ulik buliah dinanti >>>urang anggan apo ka dayo .... >>> >>>Dek bunyi lah samo kadangaran rupo lah samo kalihatan, sugiro malah ambo >>>tantang itu. Sugiro ambo sekan, simpan, iyo lai baragi pulo. Dari teksno >>>lai pulo ambo salintempe (istilah Nyiak Sunguik lo go untuak copy and >>>paste) pulo teks di bawah gambar tu: >>> >>>"Kompas/yurnaldi >>> >>>KOTA BUKITTINGGI - Bukittinggi merupakan salah satu kota tujuan wisata di >>>Sumatera Barat. Selain hiasan Jam Gadang, kota sejuk yang terletak di >>>dataran tinggi ini berlatar indah, Gunung Merapi." >>> >>>Kok soal ragi baragi ko takana pulo Nyiak Sunguik jo Masin Cetak Baragi. >>>Kok ado Adidunsanak nan lah mambali atau mancaliak-caliak Masin Cetak >>>Baragi dari Hewlett-Packard, caliak-caliak bungkuih karateh tabano. >>>Tarjumahan Bahasa Indonesia no tu iyolah ulah Nyik Sunguik du..... >>> >>>Salam, >>>Nyiak Sunguik >>> >>>Golosari: (- Glossary): >>>sekan - scan >>>simpan - save >>>ragi - color >>>salintempe - copy and paste >>> >>> >>>At 8:10 AM +0000 5/13/00, Bandaro wrote: >>>>He....he.... urang bogor alun sempat mancaliak koran ........... >>>>urang amerika lah malaporkan dari Kalipornia. >>>>'mokasi Nyiak. >>>>Sayang indak baragi, di HP kompas mungkin baragi. >>>>Kok bisa tolong diambiak ( save as..... jpeg) dikirim ka >>>>japri sia nan namuah. Untuak ambo ciek nyiak. >>>>Kodak to maadok bana kakampuang mbo Kubang Putiah : >>>>Dikajauhan Marapi nan puncakno barawan - ditangah >>>>Sungai Pua / Kubang Putih / Bukik ( ??? nagari sabalah kida >>>>Kb Putiah) - fore ground Tangah Sawah sampai ka Kantin. >>>> >>>> >>>>'Ndaro >>>>[EMAIL PROTECTED] >>>>> >>>>> Tampak pulo sakileh gambar pamandangan dari Bukittinggi di Kompas hari >>>>> Sabtu 14 Maret 2000. >>>>> -- Mak Ngah >>> >>> >>>**************************************************************************** >>>"The real contest now is not so much airplanes, trucks, roadways or ships, >>>but who has the best information and who knows how to use it" IBM >>>***************************************************************************** LAPAU RantauNet di http://lapau.rantaunet.web.id Isi Database ke anggotaan RantauNet: http://www.egroups.com/database/rantaunet?method=addRecord&tbl=1 ================================================= WEB-EMAIL GRATIS ... @rantaunet.web.id ---> http://mail.rantaunet.web.id ================================================= Subscribe - Mendaftar RantauNet Mailing List, kirimkan email Ke / To: [EMAIL PROTECTED] Isi email / Messages: subscribe rantau-net email_anda Unsubscribe - Berhenti menerima RantauNet Mailing List, kirimkan email Ke / To: [EMAIL PROTECTED] Isi emai / Messages: unsubscribe rantau-net email_anda ================================================= WebPage RantauNet http://www.rantaunet.web.id dan Mailing List RantauNet adalah servis dari EEBNET http://eebnet.com, Airland Groups, USA ================================================= * [Rantau-Net] Bukittinggi jo Gunuang Marapi Sjamsir Sjarif o Re: [Rantau-Net] Bukittinggi jo Gunuang Marapi Sjamsir Alam + Re: [Rantau-Net] Bukittinggi jo Gunuang Marapi Sjamsir Sjarif o Re: [Rantau-Net] Bukittinggi jo Gunuang Marapi Dave SAIB + [Rantau-Net] Berburu jangan ke padang datar (1). Khairi Yusuf # [Rantau-Net] Berburu jangan ke padang datar (3). Khairi Yusuf o Re: [Rantau-Net] Bukittinggi jo Gunuang Marapi Sjamsir Sjarif o Re[2]: [Rantau-Net] Bukittinggi jo Gunuang Marapi Dave SAIB o Re[2]: [Rantau-Net] Bukittinggi jo Gunuang Marapi Sjamsir Sjarif o Re: Re[2]: [Rantau-Net] Bukittinggi jo Gunuang Marapi Dedi Nofersi o RE: Re[2]: [Rantau-Net] Bukittinggi jo Gunuang Marapi Sjamsir Sjarif * Reply via email to -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
