Mamak Abraham, Kalau kami ketek-ketek di Maninjau dulu, nan sakawan jo rinuak ko bukan bada, tapi 'IDEH-IDEH'. Dimano ado sakumpulan rinuak, biasonyo di situ ado beberapo ikua ideh-ideh. Di bawah batang jawi-jawi, kalau kami manangguak rinuak jo kain panjang, acok tabaok pulo ideh-ideh tu. Kalau di tangah danau dilatakkan daun pisang agak ciek atau duo palapah, supayo rinuak barado/manyuruak dari paneh dibawahnyo, ideh-ideh satu pulo banaung di sinan.
Sahinggo satiok manangguak rinuak, ideh-ideh ko acok tabao. Ideh-ideh ko cuma sagadang sedotan pipa minuman, panjangnyo sakitar 3 cm, jadi sagadang anak bada, tapi bantuaknyo rancak dek sisiaknyo baragi balang-balang putiah hitam atau putiah coklat. Di kami, wakatu ketek-ketek dulu tu, satiok ka mamasak rinuak, tarutamo mambuek paragede rinuak, acok bapiliah dulu ideh-ideh nan ado dalam tumpukan rinuak tu, sabab ideh-ideh gadang, ndak samo masaknyo jo rinuak. Lagipulo rasonyo juo indak basaratoan. Jadi kalau ka mamasak ideh-ideh, tersendiri pulo. Tapi lah sekitar 10 tahun terakhir ko, ambo ndak pernah manampak ideh-ideh ko doh lai di danau Maninjau. Masyarakat juo manyabuik barangkali lah punah pulo ..... :( Salam, Rita Lukman --------------------------------------- Pada 30 April 2010 22:32, Abraham Ilyas <[email protected]> menulis: > Sanak Syafrinal Syarien yth. > > Ambo kini sedang mangumpuakan ungkapan ungkapan *Minang Kabau* nan > manuruik ambo memiliki pola pikir khas (*cupak nan Duo*, yang memiliki duo > nilai gabungan, untuk menggambarkan nilai *kualitatif* dan *nilai > kuantitatif*). > > Karano di nagari ambo indak ado sebutan "rinuak" dan "bada", nan ado cuma > sebutan "ikan" baik besar maupun kecil. > > Pemahaman ambo, "rinuak" untuak menamokan ikan yang tak perlu dihitung > jumlahnya, nan paralu *kualitas*nya. > "bada" adaloh ikan yang perlu dihitung jumlahnyo (*kuantitas*). > > Pertanyaannya, apokoh untuak penyebutan "bada" dan "rinuak" dipakai pulo > untuak ikan laut? > > Nikah dan kawin > Ranji dan silsilah > pusako dan waris --->warih nan ka manjawek, pusako nan ka batolong > pandam dan pakuburan > Kampung dan halaman > Nagari dan Kota > tanah dan air > Takdir dan nasib > Cerdik dan pandai > Alim dan ulama > dunia dan akhirat > Fahsya' (merusak diri dan munkar (merusak lingkungan) > Nikah (walimah) dan Kawin (pesta) > Rejeki dan penghasilan > Cerdik dan pandai > niniak dan mamak > Bencana dan musibah > Wafat dan mati > garak jo kutiko. > menggurui dan menasehati > *rinuak jo bada* > cinta kasih > kasih sayang > adaik ba isi limbago ba tuang > > Salam > > AI > > > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
