Da Andiko jo sanak lapau Yth, Robai ko rasonyo mirip stroberi di tingkat keasamannyo tapi indak babaun wangi stroberi. Batangnyo baduri, bantuak daunnyo bantuak daun rimbang tapi labiah pucek dari warna daun rimbang. Buahnyo pakai tampuak mode stroberi tapi buahnyo nan merah nyalo tu mambulek nan terdiri dari susunan dagiang buah jo biji nan haluih-haluih tasusun rato mambulek. Ditangah susunan buahtu ado mode gabus putiah. Sabana segar rasonyo manih-manih asam.
Ado ciek li saroman iko tapi batangnyo labiah mirip batang rimbang baduri cuman buahnyo tu babulu-bulu ditiok biji haluihnyo tu. Kurang lamak, masih lamak robai. Manggubaloan kambiang bagi ambo nan paliang ketek diantaro abang-abang, ambo nikmati sebagai piknik naiak bukik. Sadono nan ganjia kami ambiak baok pulang. Tau Da Andiko jo kalimuntiang? Iko lamak bana kalo pas dapek nan alah masak. Batangnyo mode tanaman paga jo daun-daun seragam nan agak manyirah ka arah pucuak, buahnyo warna coklat ketek-ketek. Kalo di Batam ambo pernah makan kalimuntiang di pantai Seranggon jembatan empat barelang. Rancak ditanam di taman ambo raso. Buahnyopun lamak dikulek-kulek. Basaiang jo buruang dan tupai kalo lah ka bukik kami tu hehehe... Pas puncak bukik tampek kantua walikota tagak kini tu, adolah tampek paliang lamak main layang-layang jo main bola atau sekedar bagaluik baguliang-guliang. Rumpuiknyo barasiah paliang ado cirik musang nan bulek-bulek tu. Cirik musang itupun partamonyo kami baok pulang dek bulek mangkilek kareh barasiah. Bapacaliakkan ka Papa kironyo cirik musang hehe... Wassalam Rina -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
