carito soal mamak dari pak Jepe ko, takana lo ambo jo surang mamak nan banamo mak Usman, co iko caritonyo........
mamak Usman ko , dulu bakorojo manjadi supir camaik di Payokumbuah, lah lamanyo bakorojo taragak lo pai merantau ka Jakarta untuak maubah nasib. Mulo-mulo mak Usman ko manjadi tukang kantau di Tanah Abang, lah dapek mangumpuaan seketek - ketek pitih, dicubo lo manggaleh di kaki limo Tanah Abang. Kironyo nasib lai bapihak, lah sampai 5 tahun kudian mak Usman ko iyo bisa mambali kios di dalam pasa. Alhamdulillah lah kini bakaluarga, lah baduo lo anaknyo. Bahkan tahun kini inyo lah mulai mambangun rumah di Depok, di lingkungan perumahan dosen UI. Karano tetangga souk kida muko balakang urang akademisi kasadonyo, bamacam-macam lo galanyo, ado nan Prof., ado nan Phd. dll. Mak Usman ko maraso malu kalau papan namonyo indak tercantum titel nan bantuak tetangga sakuliliang. Dek karano lai indak ilang aka, dibueklah papan namo dari perak, bapasan lansuang dari Koto Gadang, dengan tulisan "DR. Usman Chaniago MSc." Katiko rang gaek mamak Usman ko tibo dari kampuang ka Depok manjanguak cucu jo minantu, iyo indak tangguang gadang hati nan urang gaek, bangga bana mancaliak papan namo nan tabuek dari perak tu, karano dulu di kampuang mak Usman ko sikolah hanyo sampai SLTA sajo nyo. Bantayolah nan ayah ka mak Usman ko, dima inyo kuliah lah sampai dapek lo titel DR jo MSc ko. Dek karano urang gaek nan mananyoan tantu harus lo diagiah tau nan sabananyo, dengan malu-malu mak Usman ko manjolehan tulisan nan di papan namo itu kepanjangannya adalah "Disiko Rumah Usman Caniago Mantan Supir Camaik" -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
