Da TGM, Cubo tolong di kanda kini mambujuak mak ngah untuak mambuek contoh replika suaronyo waktu mak ngah siaran di maso parang dulu. Untuak bahan sejarah... Atau da TGM lai punyo file nyo... ???
Baru duo hari nan lalu, Ita lah mambana bana baliak ka Mak Ngah, supayo mak ngah namuah mareproduksi ulang suaro beliau waktu 'broadcast' dari tangah rimbo tu, tapi dek beliau kini sadang diruruik karajo pulo, kato mak ngah alun juo sempat lai. Kalau da TGM bana nan 'mambujuak' mak ngah untuak ma 'record' baliak, kok lai ka lintuah hati mak ngah tu... Dan paguno pulo di awak nantik... hehe... Tuan TGM, Akhir tahun 2009 nan lalu, sabananyo lai mak ngah sempat 'manyiarkan ulang' replika suaro beliau tu nan langsung di 'relay' kan beliau ka komputer Ita di New Delhi, sayang Ita ndak sempat marekam, dan di mak ngah juo ndak tarekam ulang pulo. Hilang habih sajo... :( Padohal wakatu tu sabana merinding awak dek syahdu dan semangat dari suaro tu. Jadi kini tolong lah bujuak dek kanda TGM lai... Salamo ko, kalau TGM nan mambujuak mak ngah, kan lai lunak hati nyo... hehe... Maklum... bak kecek ni Ben, TGM jo Mak Ngah tu kaduonyo punyo suaro 'dahsyat'... jadi wajar kalau kompak, satu mantan penyiar, satu mantan biduan... hahaha... Tanyo kan lah ka Bundo Nismah, Kan iyo baitu nak Bundo? Salam, Rita Lukman ----------------------------------------- Pada 8 Juni 2010 21:24, Masdar TGM <[email protected]> menulis: > Biasonyo makngah bapantun salincam, sudah tu duduaknyo,.....untuak bakipeh > makngah? > bapantun lo agak sagalapua ayam, sudah tu duduaklo we e baliak, > sasak angok we e mungkin, hehehe....... > tapi nan sakaliko, dipupuah e bana dek makngah bapantun, indak ado latiah e > doh, .... hebat, 74 lap. > > Koto tinggi urang namokan > rami balainyo dihari akaik > sadari tadi denai katokan > molah dicari kato sapakaik > > bukik cadas di koto tinggi > rimbun dek hutan kayu aru > apo dibahas di kito kini > sabalun dibarikan ka nan tau > > koto tinggi ka pua gadih > jalan mandaki bulakang pasa > di dalam hati ratok jo tangih > pujaan hati pulanglah baa > > tugu tinggi di bulakang pasa > tugu perjuangan urang radio > radio republik indonesia > jati diri indonesia merdeka > koto tinggi jadi saksinyo > radio RRI mengudara > > hehehe...........kalaulah bukan karano radio RRI tetap mengudara di koto > tinggi, antah ka baa lah nasib awak kini. > bisa kito mambayangkan, kutiko wakil Bulando di sidang umum PBB mangatokan > baraso Indonesia sudah habis, mako wakil India mangatokan baraso Republik > Indonesia masih ado, karano mereka masih mandanga tadi pagi siaran radio nan > dapek dimonitor di India : "inilah radio republik indonesia, sekali di udara > tetap di udara, dan tetap .... merdeka". Suaro dari RRI tu dipancarkan dari > stasiun RRI nan basuruakkan di kabun pisang di bulakang pasa Koto Tinggi, > antenenyo cuma batagakkan kutiko siaran sajo, sasudah tu dirabahkan baliak, > ditimbun baliak jo karisiak. Hebat.......Jayalah engkau Koto Tinggi. > Wassalam, > TGM, Bkl, 50 > =============+++++++++++++============== > > > -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
