Alhamdulillahi Rabbil'aalamiin, Sanang ambo mambaco barito Inyiak Lako lah sampai baliak pulang ka rumah, ka pangkalan, baduo jo Induak Bareh. Dari Jauah di Subarang Lauik ambo basyukur kapado Allah Subhanahuata'ala ateh kasalamatan Inyiak Baduo lai salamat pulang baliak dalam manunaikan Ibadah Suci Jarak Jauah ko.
Walaupun tampakno ado gangguan kesehatan [nan mungkin lah ado gejala-gejala sabalunno juo] namun sanang hati ambo Inyiak Baduo lai talok lari-lari diantaro Lampu Hijau. Tabayang di ambo pangalaman lamo tahun 2000 sisuak, rupono lah 10 tahun lo samoai kini. Walaupun pambangunan di lua Masjidil Haram banyak batambah, namunsuasana Umrah joHaji tantu malalui rutin nan samo nan kito lalui. Indak doh lai Nyiak Lako, nan paralu kini Inyiak Baduo jo Induak Bareh istirahat lah dahulu, banyak minum jus dan makanan segar dan tidua jan dikurangi. Sudah tu mudah-mudahan indak ado pulo gangguan salemo jo batuak-batuak. Kok taraso batuak-batuak jo salemo tu, jan khawatir bana, itulah lumrah (kecek Rang Kini) untuak urang nan baliak pulang manunaikan Ibadah sajauah tu dan sabanyak tu urang nan bapartisipasi. Salam, -- Sjamsir Sjarif Di Tapi Riak nan Badabua Santa Cruz, California Sadang tajago lalok Parak Siang, Hari Jumaat --- On Fri, 6/11/10, [email protected] <[email protected]> wrote: From: [email protected] <[email protected]> Subject: Kumbali dari Umrah To: "Rantau Net Groups" <[email protected]> Cc: "Ksuheimi Prof. Dr" <[email protected]>, "Saafruddin Bahar DR" <[email protected]>, "Sjamsir Sjarif (74)" <[email protected]>, "Abraham Ilyas ( 64 )" <[email protected]> Date: Friday, June 11, 2010, 9:22 AM Assalamualaikum ww Dunsanak di palanta Rantau Net nan dimuliakan Allah . Berkat doa basamo ambo jo urang rumah , lai salamat sampai kumbali di rumah, hari Sinayan patang hari . Salamo 11 hari pp, di Madinah 2 hari, baibadah di musajik Nabawi dan baziarah , lai samparono rasono . Di Makkah 5 hari, lai samparono pulo ibadah, mulai umrah , ditambah jo tawaf sunat dan sumabayang taubat dimuko kakbah satiok hari . Nan cobaan lai samparono pulo, yaitu rematik/asam urek iyo bana sakik bak sakik garaman rasono, kaki dibawah lutuik suok-kida, bajalan batungkek bainsuik-insuik , tapi kumatno kalau lah kalua dari musajik , baitu pulo urang rumah . Didalam masjidil haram, tawaf lancar, sa'i antaro Safa-Marawa ambo bisa lari2 ketek antaro lampu hijau . Satiok badoa, lai ambo mohonkan agar dunsanak di RN nan alun sempat manunaikan rukun -Islam kalimo ko, dipanggie oleh Allah swt sacapekno . Amin. Kini kami alah dirumah, rasono badan lai sehat, uraian lengkap dari hari kahari, alun sempat ambo paparkan . Kasimpulan niat alah sampai mudah2an sadonyo doa dikabuakan Tuhan .. Amin . Wassalam dan maaf dari : Inyiak Lako , L-74, Depok . Sent from my BlackBerry® powered by Sinyal Kuat INDOSAT -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
