Waalaikumsalam ww Dinda Ajoduta dan para sanak sapalanta, Memang ado bamacam alternatif acara nan bisa dipiliah untuak KKM 2010 iko. Salah satunyo nan Dinda ajukan, yaitu lai koh ka tamakan dek para sanak kito nan dari nagari untuak mandangakan paparan dari para pakar. Jan-jan bisa kosong kurisi, dan urang bi pai ka Pasa Ateh babalanjo. Itu batua juo, apolagi materinyo alah disosialisasikan anam bulan sabalun Kongres.
Namun maajak urang dari nagari itu rasonyo paralu, untuak mandapekkan legitimasi dari rencana maso datang Minangkabau, berdasar ABS SBK, nan salamo ko alah jadi buah bibia, tapi indak jaleh baa duduaknyo dan baa pulo melaksanakannyo. Kini, dalam Draft 16, alah dicubo untuak marinci aspek ajaran, limbago, akhlak, dan hal-hal nan paralu dikaji labiah lanjuik. Juo akan dibantuak sabuah limbago nan akan manindaklanjuti kesepakatan bersama itu, yaitu Majelis/Dewan/Forum/Sekretariat Bersama Adat dan Syarak/Tungku nan Tigo Sajarangan. Jo lain kato, fungsi KKM 2010 adolah untuak mambuek kaputusan -- atau kesepakatan -- basamo, dan untuak malaksanakannyo sacaro basamo-samo pulo. Dima dilatakkan aspek nan labiah basifat konseptual ? Alah dicubo manangani dalam rangkaian FGD sabalun Kongres, ado 13 kali, di Ranah dan di Rantau. Untuak tingkek universitas diadokan duo kali di Unand dan sakali di IAIN Imam Bonjol. Memang ado urgensinyo untuak maadokan seminar/simposium/lokakarya nan labiah mandalam, dan dihadiri dek para pakar. Alah lamo indak tadanga hal iko dilakukan, baiak di Ranah maupun di Rantau, padohal 'social change' nan alah, sadang, dan akan taruih dialami Minangkabau sabana dahsyat. Syukurnyo, dari Purek I Unand tim Gebu Minang mandapek penjelasan bahaso Unand akan mambuek Pusat Studi Minangkabau dalam tahun iko juo. Mungkin limbago studi baru iko dapek malanjuikkan, mampadalam, atau mangambangkan pokok-pokok nan akan disapakati dalam Kongres Kebudayaan Minangkabau 2010. Lagi pulo, indak sagalo aspek kebudayaan Minangkabau dapek ditangani dalam kongres kali iko. Hanyo ampek aspek sajo nan bisa disiapkan, yaitu ajaran ABS SBK sebagai jati diri Minangkabau [ajaran, limbago, akhlak, dan hal-hal nan masih paralu dikaji]; pembangunan nagari dan kesejahteraan petani; pemberdayaan potensi maritim; dan masalah kebencanaan. Masalah-masalah lain -- nan pasti labiah banyak -- dapek diacarakan dalam kongres-kongres nan akan datang, nan sabaiaknyo diprakarsai dek para sanak kito dari Ranah, inda lai dek Gebu Minang dari Rantau. Wassalam, Saafroedin Bahar(Laki-laki, Tanjung, masuk 73 th, Jakarta) --- On Fri, 6/18/10, ajo duta <[email protected]> wrote: From: ajo duta <[email protected]> Subject: [...@ntau-net] Wanti-wanti KKM 2010 To: [email protected] Date: Friday, June 18, 2010, 8:03 AM Assalaamu'alaikum sanak sapalanta wabilkhusus SC KKM 2010. Insya Allah awak bakalan selamo 2 hari di Kiktinggi untuk berkongres. Tabayang diambo nan namonyo kongres adolah mandanga pemaparan berbagai konsep dari para cendekiawan kito. Nan manjadi konsen ambo dek nan hadir kelihatannya juga banyak rakyaik badarai, termasuk walinagari seluruh Sumbar. Apokah mereka betah berjam berhari mendengar konsep ilmiah yang akan disampaikan. Kuatir ambo beko akan banyak szjo kursi kosong nan ikuik mandanga. Apokah ado metode nan bisa membuek para hadirin bisa betah untuk ikuik taruih, seperti audio visual, game nad play dan metode presentasi menarik lainnyo. Baa tu Uda Saaf? Iko sekedar wanti wanti sajo. -- Wassalaamu'alaikum Dutamardin Umar (aka. Ajo Duta), gelar Bagindo, suku Mandahiliang, lahir 17 Agustus 1947. Nagari Gasan Gadang, Kab. Pariaman. rantau: Deli, Jakarta, sekarang Sterling, Virginia-USA ------------------------------------------------------------ "menjadi bagian dari sapu lidi, akan lebih bermanfaat dari pada menjadi sebatang lidi" -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
