----- Forwarded Message ----
From: edward arbain <[email protected]>
To: [email protected]
Sent: Sat, June 12, 2010 1:42:10 AM
Subject: alhamdulilah.
assalamualaikum wr wb
inyiak lako,
ambo maucapkan alhamdulillah nyiak, inyiak lah selamat kumbali ka tanah aia.
semoga inyiak baumua panjang, badan sehat, rasaki murah dan tak kurang suatu
apo sakumbali dari tanah suci ko.
perkenalkan nyiak, ambo urang baru di palantako. namo ambo : Edward.
anak itiak anak angso, anak kambiang agiah bakala.
ketek diagiah ayah namo, gadang di agiah mamak gala.
ambo bagala : Dt. Sati.-
di taun 1981 tapeknyo bulan juni ambo baumua 29 tahun, di jorong ujuang
guguak, kanagarian padang tarok, kecamatan baso - agam. parik tasiampa - marawa
tatagak - barabahkan kabau sikua - darah bakacau - dagiang balapah -
tanduak batanam anak nagari mandirikan basa jo andiko. kilang kiniak kilang
kanak - anak kuau mudiak kuantan - ilang niniak baganti mamak - ilang mamak
baganti jo kamanakan.
pulai bapangkaik naiak - manusia bapangkaik turun - pulai bapangkaik naiak
mambao rueh jo buku - manusia bapangkaik turun maninggakan warih jo pusako.
pado ukatu nantun ambo diangkek jadi pangulu nyiak dengan gala
Dt. Sati dari pasukuan sikumbang.
inyiak lako nan ambo hormati demikian perkenalan dari ambo, semoga saja
komunikasi kito bisa lancar melalui palanta rantau net ko. dan mudah2 an kito
bisa jumpa darat.
ambo manatap di pakanbaru nyiak semenjak tahun 1984 dan sabalunnyo ambo
manatap di samarinda kaltim.
ambo samo sikola dulu di kiktinggi taun 69 jo azwardi karani anak tek mariana
sungai sariak, samo jo zakirman dt damuanso ujuang guguak nan kini baliau juo
manatap di pakanbaru. beliau nan manggantikan nazar
dt damuanso ( alm ) nan domisili jakarta.
sewaktu mak h syamsumir dt putiah diangkek jadi pangulu ( 1991 ) ambo lah
bagala datuak juo, lah sato ambo malilik an deta baliau.
rang padang maanyik banang - di anyik2 dilipek - dilipek lalu di patigo -
indak talok marantang panjang - rancak dikumpa nak nyo singkek - diambiak sado
nan paguno.
kok indak taracak di kudonyo - kok indak tasanda di tabiangnyo - indak
talukih tatarawang - ambo nan mintak di maafkan.
rahmat suko salamonyo - salam ta'zim panyudahi. billahit taufiq wal hidayah.
wassalamualaikum wr wb.
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
