Angku Jepe, Tabasuik lo galak MakNgah mambaco JONGKOK ko. Takana parasian tahun 1985 katiko partamu kali pulang sasudah 20 tahun maninggakan Kampuang Halaman. Suatu hari MakNgah pai ka Padang naik bus dari Bukittinggi. Tibo di parantian bus di Padang, bajalan ka arah Pondok ka pai manukakan pitih ka BNI. Karano maurus panukaran pitih tu agak lamo manunggu, MakNgah tasasak, maklumlah sajak di Bukittinggi indak ado baranti-baranti doh. Ditunjuakkan dek kasir tu WC ado di bawah di lantai satu.
Di tahan-tahan turun janjang, tibo lah awak di WC tu. Pintuno lai tagarendeng, tando indak baurang di jamban. Ado toilet moderen nan awak dapek duduak saroman nan biaso di Rantau MakNgah. Tapi aa aka? lantainyo basah-basah taganang aia. Tampek duduk toilet tu bukan sajo basah tapi kumuah baluluak bagai. Mungkin bakeh sipatu urang mancangkuang sinan. Ka dibukak sipatu, kok ka kanai lanyah kaki. Ka duduak awak, kumuah bana, malu ikua awak... Jadi, takana lah parangai lamo. Diporohan sarawa. Naiak jo sipatu ka tampek duduak tu, dibae mancangkuang, jongkok tu. Sabana susah mancangkuang, karano guluangan kaki sarawa takalompok sakitar lutuik. Tas lai juo basandang. Jadi bagayuik saketek ka didiang supayo jan jatuah. Agak malu kalua barang tu, tapi akhirno lah lapeh. Lapeh angah. Kini tibo pasoalan baru. Baa ka mambarasiahkan? Indak ado toilet paper. Tapi ado embe ketek tampek manampaung aia di lantai. Dicubo-cubo manjambo sarik pulo. Takuik lo ka jatuah. Akhiano dengan sagalo manouver akrobatik digunokan lah aia tu. Tapi baa, kaki sarawa lah tandeh basah, karano awak tagega-gega mambarasiahkan tu. Ka mangucap manyabuik namo Allah takuik ka badoso lo awak dalam kakuih. Bialah sudah dibasuah tangan, mainjek-injek jo ujuang sipatu kalualah badan dari WC tu. Tapi baa aka? Kaki sarawa lah basah-basah. Di uruik-uruik sabanta untuak maratokan basahno tu supayo lakeh kariang. Baju kameja putiah, sarawa itam. Tas slai indka tangga di bahu doh. Bajalanlah kateh baliak ka loket. Adiak mangunggu di ateh dan urang loket batanyo, baa lamo bana pak? "Den 'ndak pandai Cebok!" kecek MakNgah. "Koh haa, pisak jo kaki sarawa lah basah-basah", sambia galak sengeng tabasuik. Adiak MakNgah nan lah tahu galagat caro mangecek MakNgah tabasuik galakno, ditutuikno muluikno supayo jan taporoh bana galak sambia manggeleng-geleng. "Mungkin bikoh masuak surek kaba koh" kecek MakNgah. "Jangan Pak, jangan Pak" kecek teller tu "malu kami nanti..." Itulah sekelumit kisah pangalaman MakNgah antaro JONGKOK jo INDAK PANDAI CEBOK ... Salam, --MakNgah Sjamsir Sjarif --- In [email protected], jupardi...@... wrote: > > Kanda Zultan dan sanak palanta RN > > Dari pado mancacek baa kito puta dulu episode Yuang Sa'u jalan2 di Bukik > Tinggi, yo masalah WC umum tu juo > > Yuang Sa'u jo bini e si Ijuih dari Piaman ka Bukik pai jalan-jalan, nampak e > Yuang Sa'u yo pai malapeh salero mulai sarapan pical sikai, the talua jo sup > kadai randah di simpang lua, lah ka makan siang nasi kapau pulo, yo sabana > sangkiah los lambuangnyo, mungkin dek sagalo masuk ka paruik ndak tangguang > lo banyak makan lado > > Sakik paruik Yuang Sa'u ko, mamilin, bocor, sampai karingek dingin, mual2 jo > pusiang > > Belok ka belok dakek pasa jam gadang tu yo payah bananyo cari WC umum, kok > lai ado jaan ditanyo mulai nan indak ado aia, embe, gayuang, baunnyo sabana > "pakak" sarupo nan di cacek dan dikeluhkan sanak2 di palanta ko lah kondisi > WC umum di kota wisata ko > > Tapaso Yuang Sa'u mambana ka hotel melati seputar itu dek ndak tahan lai, > untuang urang nan punyo hotel ko elok hati, lah dilapehkannyo hajat dek Yuang > Sa'u di hotel melati tu > > Yo ndak sadang sakali duo do masuak kalua WC tu do, nampaknyo Yuang Sa'u > diare, kapalo pusiang tu mual2 pulo, lah cameh si Juih bininyo > > "Ndak co itu do Juih baok lah uda ka dokter umum dakek siko, lah lamah bana > badan uda rasonyo" > > ""Yo Da, Ijuih caliak udah lah pucek bakaringek dingin, uda sado bahampai > makan bantuak iko lah jadinyo, haa tu ado dokter umum praktek di muko hotel > ko da, kasinan sajo lah Ijuih baok uda yo" > > Lah dipapah jalan si Yuang Sa'u dek Ijuih ka dokter, sampai didalam ruang > praktek, dokter mamareso si Yuang Sa'u > > "Apo sakik jo keluhan Apak" tanyo dokter > > "Pusiang,muntah..muntah, sakik paruik ambo Pak Doto" jawek Yuang Sa'u agak > lamah suaronyo > > "Baa buang aia gadang Apak" tanyo doto labiah lanjut > > Yuang Sa'u ko yo la oyong badannyo, bakunang2 kapalo e. > > "Baa buang aia gadang Apak.."Pak doto maulang tanyo agak kareh > > "Biaso Pak Doto JONGKOK ..!!! > > Opss pam pam..tabasuik galak Ijuih jo pak doto mandanga jawek Yuang Sa'u > > Wass-Jepe -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
