Sanak Palanta Urang Inggirih jo Kandang Singo maimbauan baliau jo Sir, panggilan kebangsawanan Inggirih. Tapi darah baliau bukanlah biru sebagaimano biaso darah bangsawan. Baliau ko lahia diateh kapa nan banamo Ann, di lapeh Pantai Jamaika, dakek Port Morant, tanggal 6 Juli 1781. Baliaulah nan banamo Raffles anak dari tukang masak kapa nan banamo Benjamin Rafles, nan mandehnyo banamo Anne Lyde Lindermann. Rafles junior nan lahia diateh geladak kapa karena krisis ekonomi nan ma hampeh Inggirih ko kemudian menjadi perwakilan Inggirih untuak menguasoi Jawa. Beda dengan penguasaan VOC, salah satu nan di kaja Rafles adolah mengenal budaya jo alam yang nyo duduki, sahinggo menghasilkan satu buku monumental nan bajudul "The History of Java".
16 Juli 1818, Rafles jo rombongannyo maminteh lalu ka Salayo solok, taruih ka Saniang Baka, ba parahu di Singkarak manuju Simawang, taruih manambuih ka Saruaso jo Pagaruyuang. Disinan baliau batamu jo Tuan Gadih. Apo pandangan Rafles tentang Minangkabau " Di sini kita menemukan bekas-bekas sebuah kerajaan besar yang namanya hampir-hampir tidak dikenal sama sekali, tapi nyata merupakan tempat asal dari begitu banyak perkampungan Melayu yang bertebaran di sepanjang pantai kepulauan Nusantara, berpenduduk satu dan dua juta, dengan cara-cara bercocok tanam yang telah maju sekali....saya rasa-rasanya tidak sanggup menggambarkan kepada anda, bagaimana gembiranya saya memasuki Minangkabau yang kaya dan makmur itu". Kutiko Inggirih harus mengembalikan Hindia Belanda ka Ulando, Rafles pai jo hati padiah, baliau telah kehilangan surga laboratorium antropologis, botanis jo sosiologisnyo. Karena itulah dengan saketek menekan atasan di Kalkuta, baliau mintak Kandang Singo ka Sultan Johor, ukatu itu Rafles bersumpah bahwa pulau ketek nan mangapuang di selata Malaka ko, akan inyo buek labiah hebat dari Java atau Sumatera, dan disatu sisi, sumbah sati Rafles ko balaku. Sakian dulu sanak Salam Andiko Sutan Mancayo Bahan Bacaan : 1. The History of Java-Rafles 2. Sumatera Barat Hingga Palakat Panjang-Rusli Amran -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
