Dunsanak di palanta nan ambo hormati . Apo nan disangsikan samulo iyo tajadi juo, jam 05.15 kureta nan kami tumpangi baranti di tasiun ketek di Kedung Galar sabalun Madiun , loud speaker babicaro maumumkan Gajayana harus baranti 2 jam disiko karano ado rintangan jalan didaerah Madiun , kami tantu manarimo sajo dan panumpang sabagian masih lalok bakaruah di kurisi masing2. Hari lah siang , ambo cubo juo marangkak turun maikuti panumpang nan baririk kalapau ketek dibalakang tasiun . Nasi Pecel Bu Min baitu tatulih didindiang lapau, ambo sato pulo mabali dek paruik lah manggareok.
Pukuah salapan baru bajalan tapi tiok sabanta lambek2 malalui tapat kareta taguliang babarapo hari nan lapeh, gerbong kureta alah diangkek tapi ado cieklai tanki minyak gadang panjang kiro2 10 M . Manjalang masuk daerah Nanjuk kami malintehi hamparan sawah nan laweh jo padi nan lah manguniang, sbagian sadang di panen urang, sakali2 tampak parak tabu di sawah nan lah siap pulo di panen . Lapeh dari Nganjuk manjalang Kertosono sawah alah jarang nan banyak parak Batuang jo parak Tabu siap panen , batang Jati rakyat ditapi-tapi parak . Jam 10.15 kami baranti di Tasiun Kertosono Lapeh dari Kertosopno ado jambatan rusak nan sadang dipaeloki, manjalang Kediri ado juo sawah tapi banyak disalo jo patak Tabu dan parak Jaguang nan laweh2 . Kok batani rasono iyo indak taatehi dek urang awak doh , tanahno subur dan mandata . Masyarakat tani nyo iyo rajin2 turuik mampaturuikan, sabana ptuah kakato mupakat , pak Desa tingga mairingi dibalakang . Salawehtu sawah padi manguniang, indak ado gulang2 ditangah sawah do, indak ado tali babandera urang mangajuik pipik do , indak ado tampuo nan basarang randah . Kok di nagari awak lah jauah panggang dari api , urang ko cadiak sadono, didahulukan inyo manyipak , takudian inyo mananduak .parentah pak Desa indak badanga lai do . Jan disalahkan nan mudo2 kok lamak tempe dari randang dino kini . Kok kami nan Pangulu indak ABSSBK nan badalami tapi nan paralu tatulih DT dimuko namo, badarah biru kato urang lua dsb . Maaf indak sadono doh , tapi sabagian gadang nan baitu . Baralek jo orgen tungga mairingi tarian nan bak karo dipantak salimbdo, minuman kareh ateh izin nan bakuaso, Bakoa jo baampok jantan padusi, jua bali seksual pun alah ado , kato urang info nan sampai katalingo ambo . Baa tu Buya MA, Inyiak Sunguik, pak Mochtar Naim , Mak Sati, bu Nismah dan pak SB St Majolelo, Buya Prof Suheimi ? Itu mangko paralu bana diadokan Kongres Kebudayaan 2010 ko , usang2 dipabaru , lapuak2 dikajangi , jan sampai disasai no awak dianak kamanakan isuak . Dilipek lutuik nan duo, disusun jari nan sapuluah, ditakuakan kapalo nan satu , mintak ampun jo maaf ambo kapado niniak mamak sarato tuangku dan ulama, cadiak pandai, bundo kanduang, sesepuh urang Minangkabau , kok salah ambo bakato, indak talatak ditampatnyo . Itulah renungan dalam perjalanan antaro Jakartya - Malang . Wassalam Inyiak Lako L - 74 , Tulung Agung 2/7/2010. Jam. 11.15 WIB . Sent from my BlackBerry® powered by Sinyal Kuat INDOSAT -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
