Assalaamu'alaikum wa rahmatullaahi wa barakaatuhu Samba lado tulang..... Ka panjawab tanyo nyiak Sunguik, tulang nan maa, satau ambo adolah tulang rawan / tulang lunak kaki jawi nan dicancang, dibungkuih urang jo kurisiak, nan manjuano amai-amai maadok-i katidiang di janjang di muko pasa bantai lamo di Kiktinggi.
Tulang cancang ko salain dibuek samba lado tulang biaso lo dibuek urang samba bareh. Baiak untuak samba lado tulang atau ka untuak samba bareh, tulang cancang tu di'randang' (digonseang awak kecek-an kapatang) sambia dikacau-kacau dalam kuali supayo jan no anguih. Baun tulang basangai ko sin alah sabana mamakak, baasok-asok sarato 'harum' baunno. Katiko tulang alah agak kariang tabik minyak, indak anguih, diangkek sudah tu di giliang di batu lado. Samba lado tulang (bisa diuoak, bisa juo di goreng) Lado giliang agak duo sendok makan Tulang cancang nan alah digiliang sasendok makan Bawang merah ampek incek diirih aluaih-aluih Garam saparaluno Bacampuaan kasadoanno tu sampai rato.... Kok ka diuok sarupo nan dikecek-an inyiak Lako tambahan joa ayia didiah (alah agak sarik mancari ayia didiah ko kini dek urang batanak jo Magic-jar). Sudah itu di kukuih sabab ka malatak-an di nasi nan sudah bakadang pun alah sarik bana kini. Kalau ka digoreng (ditumih), samo juo, tingga digoreng jo minyak angek agak sajamang. Nan samba bareh, Tulang cancang duo sendok (nan alah digiliang) Bawang 10 incek diirih haluih (banyakan bawang no saketek) Lado giliang satangah sendok makan Daun kunyik sahalai diirih lo tipih-tipih Tapuang bareh sagaleh Garam saparaluno Ayia Dipacampuaan tulang cancang, tapuang bareh, lado jo bawang jo garam sarato daun kunyik nan alah diirih tu ditambahan ayia saketek-saketek sampai rato. Adonan (tambahan ayia) indak manjadian no lambiak bana tapi indak lo talampau kareh. Sudah itu di bungkuih jo daun pisang sarupo urang mambuek lapek. Dikukuih...... Itu nan samba bareh namo no di kami di kampuang.... Wassalamu'alaikum Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ From: sjamsir_sjarif <[email protected]> To: [email protected] Sent: Fri, July 2, 2010 1:47:26 PM Subject: Re: [...@ntau-net] Sambalado kuah Aa Nyiak Lako, io turun naiak lo jakun Nyiak Sunguik maagaki. Kalau ndak salah di awak di Ampekangkek Uwok Lado Tulang namono du kioh... Tapi tulang aa, aratino bagian tulang nan maa nan dicancang-cangcang untuak buek samba lado tu? Biasono tulang bacanang tu dijua urang di Pasa Baso. Salam, -- Nyiak Sunguik -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
