Pak Taufik, Andiko dan Sanak nan manyanda di lapau
Lapeh Jum'atan tadi ambo makan di lapau nasi "En Lintau" nan lah pindah disampiang mesjid Namirah dakek Mol SKA Pku, dek pas lapeh shalat Jum'at ndak tangguang rami urang makan di siko tamasuak ambo, sato tibo dimuko etalase tu cigok kacigok babagai rupo samba dan "samba-samba buruak" lapau ko yo sabana mangundang salero, raso-rasonyo ka dicubo kasado samba, pandangan ambo tatumbuak ka gulai tunjang..opss ado tunjang nan warnanyo coklat ka hitam-hitaman, lansuang sakali ambo ingek Pak Emi, beliaulah nan memperkenalkan ambo jo istilah "tunjang nan tatapak" katiko kami jalan-jalan di ranah singgah makan di nagari kapau, katiko tu kami makan siang pas minta samba gulai tunjang, Pak Emi lansuang maagiah saran ka ambo "jepe kok sambanyo gulai tunjang piliah tunjang nan tatapak" Nah di rumah makan "En Lintau" ko, dek mambayang tunjang nan tatapak ko, lansuang ambo blokir sakali ka urang lapau ko, urang rami nan tunjang tatapak ko ambo caliak dalam tampek samba tingga ciek pulo.."En..En..tunjang nan iko..buek uda yo..lah, jaan diagiahkan ka urang" kecek ambo ka si En nan punyo lapau ko nan ambo yo lah kenal jo inyo Lah duduak ambo ka meja makan, ndak lamo kamudian dihidangkan dek si En dalam piriang ketek (cipia istilah andiko) sapotong tunjang nan tatapak ko, ndak ado lai paruik sadang lapa pulo, samba nan dikandak pulo, ditambah lo jo samba-samba buruak goreang ubi diirih dirancah jo kacang panjang bajariang mudo balado minyak tangguang2, masuak lo saketek gulai pucuak ubi ikan salai. Yo istimewa kalau tunjang nan tatapak ko rasonyo, lunak kenyal-kenyal badaruih tangguang..krenyes-krenyes kulik jawi bagian ka kaki ko, ndak sarupo tunjang lain nan kadang2 kok dapek nan liek amuah tangga gai garaman manjujuik tunjang bantuak iko he he he Jadi tunjang nan tatapak ko yo lain dari pado nan lain dari tunjang atau kulik jawi di bagian kakinyo, sabana agak liek tapi lambuik dan rasonyo khas bana, sigi ka sigi..opss kok kareh, ruponyo lah salasai ambo jujuik tunjang nan tatapak ko, tingga tulang kaki nan kareh taputiah sajo lai, rasonyo sapotong kurang, ditanyo ka urang lapau ado ndak sapotong lai tunjang nan tatapak tu di etalase, dijawek dek si En urang lapau " yo ndak ado lai Da" Tapi lumayan lah lai barasaki makan tunjang nan tatapak, talambek salangkah tunjang nan tatapak tingga sapotong tu mungkin lah salasai dek urang dibalakang ambo tagak di etalase samba, soalnyo urang ko lah maintai gulai tunjang tu juo, mako nyo ambo agak kareh stek mangecek ka Si En sabalun duduak ka meja makan "En tolong amankan tunjang nan tatapak ko" sambia manandokan jo sanduak samba (lah manggarumeh paruik urang nan tagak dibalakang ambo "ola..la..la..lah dulu pulo apak ko, tahu sajo we e jo tunjang nan lamak bin zserohh") Iko mode tunjang tatapak nan ambo santuang makan siang tadi di lapau si En urang lintau, caliaklah fotonyo dek sanak, ingek tunjang nan tatapak, yo ingek ambo jo Prof Suheimi, dima lah Liau kini ko lah sampaikah di Bogor, tu Da Zultan lah batanyo ka ambo Wass-Jepe Tunjang nan tatapak lapau nasi si En urang Lintau The above message is for the intended recipient only and may contain confidential information and/or may be subject to legal privilege. If you are not the intended recipient, you are hereby notified that any dissemination, distribution, or copying of this message, or any attachment, is strictly prohibited. If it has reached you in error please inform us immediately by reply e-mail or telephone, reversing the charge if necessary. Please delete the message and the reply (if it contains the original message) thereafter. Thank you. -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
<<image001.jpg>>
