Angku TR St Rajoameh dan Dunsanak di palanta lapau RN nan dimuliakan Allah .
Tasambuang carito awak komah, mudah2an disuatu waktu Tuhan mampatamukan awak . Ambo basyukur, dapek sato mandanga kucikak nan mudo2 di palanta ko, banyak palajaran nan ambo sauak . Cuma ambo acok gagal dan error maope rasikan alat2 komunikasiko . Kini masono generasi Rajoameh nan kamambimbiang nan mudo2, kok generasi ambo komah buliah dikatokan gagal . Generasi ambo dilaiekan dan dibesarkan dalam kondisi nan sangat prihatin, jadi kami bajuang mati2an dlm pandidikan anak2, masaalah sosial ala Minangkabau agak talupokan . Kini dapek kito liek hasilno lai manggumbirakan ; ratusan urang Minangkabau mancapai Profesor, Doctor, ribuan S2 dan S1, ratusan nan barasil sebagai wiraswasta/pe ngusaha besar, iko adolah potensi nan maha dahsad . Tapi kurang dalam kebersamaan ; saciok bak ayam - sadaciang bak basi, singkek uleh mauleh-kurang tukuak manukuak, malu satuntuik-hutang sabaie, Pantangan buruang dipapek sayok-pantangan manusie dipapek paham, nan malu tampak-nan sakik kato dst.., kalau nilai2 tu dipahami dan dietrapkan dalam kehidupan insyaallah Minangkabau akan manjadi tulang pungguang NKRI dimaso ka datang . Ambo berharap ka Rajoameh dan kawan2 sagenerasi, bangunlah Minangkabau baru nan moderen dengan dasar nilai2 nan takandung dalam Adat Minangkabau nan murni, manfaatkan ilpengtek dan segala potensi nan ado, jaringan Rantau Net, Ranah Minang, Cimbualk Net, Taragak Basuo Net , Gebu Minang, BK3AM, Yayasan2, DAMI, dll . Rumuskan dan lahirkan aturan2 norma2 kehidupan bermasyarakat baru nan sasuai jo kabutuhan zaman , tapi jan lupo manggunokan rambu2 tolok ukur nan ampek : RASO-PARESO-ALUA dan PATUIK . Kok kabakisa duduak - bakisa dilapiak nan sahalai , kok kabakisa tagak - bakisa ditanah nan sabingkah , baitu pitaruah niniak muyang kito . Maaf, lah tacoroh emosi Nyiak Lako , kok lah ampie nan kamanjapuik agakno . Ambiak nan kabaguno, lupokan nan tak masuak di aka ,memang ambo lah agak pikun , banyak nan sasek jo lupo , maafkan ambo di Sutan . Wassalam dari : Inyiak Malako Nan Putiah L - 74 , asa dari Baso, Agam Kini sadang manyilau jajak lamo di Malang , Jatim . Sent from my BlackBerry® powered by Sinyal Kuat INDOSAT -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
