Koto marapak ba ujuang pandan Parau ba cadiak di pasienyo Dado kupak, jantuang taban Rindu ka adiak sungguah manyeso
Sanak Palanta Lintuah hati mamandang bakeh terminal lintas, bangkalai nan tagak maninggakan tanyo. Tangiang tadi supir ta kali ciek bacurito, indak ado lai terminal antar kota di Kota Padang. Nan banamo Ayia Pacah, iyo jauah dari nan di cinto. Dek tangguang tukang balabiah kayu, rumah sudah tokok babunyi. Indak ado nan nio pai kasinan, barubah fungsi manjadi tampek kir oto. jikoklah sanak manjajak Padang, handak malangkah ka kota kabupaten, indak bisa pai ka satu tampek, karena oto batampek sorang-sorang. itupun alah baganti jo travel, atau oto bus ketek tigo parampek, nan banamo taranex. Antah kama kadicari dagang pasisie, amanah jo oto yanti, apo lai ANS-NPM, baitu pulo APB jo Sago, alah almarhum bantuaknyo. Basusun pulo kawan jo pastra, lalu ciek-ciek harmonis, antah dima Pastra jo Afmomen, antahlah sanak. Tapi bialah, baitu pulo kandaknyo zaman. Kini diurak langkah ka kadai kapau Sutan Mudo, ba adoan jo Taman Makam Pahlawan, Lolong urang imbauan. Sahampia dari simpang STM 2. Dari jauah cahayo pajangan maimbau, balirik dendeang kariang jo baluik goreang, basusun tamusu jo gulai tunjang, batingkah sambalado taruang jo pucuak ubi, indak lupo randang dagiang jo ubi ba papek, manyarato si ikan baka. Tapi nan takana sanak, yo gulai tempe. Tempe dililih taba tangguang, ampia saleba tapak tangan. Basusun baliau di balango, batimba jo talua abuih. Gulai tempe jo talua tapeknyo. Kuniang gulai kuniang tangguang, raso kuniang gadih jolong gadang. Minyak nan indak banyak bana, sadang elok pulo sagalo pamasak. Yo lamak tonggoknyo diateh nasi. Yo manitiak ayia salero. Baitu bana sanak, malam bakaja di Kota Padang, rinai malakik labek indak baranti. Gabak dilangik indak pupuih, baguncang-guncang kapa ka maraok. Dilandasan, hujan mananti pulo. Sakian dulu sanak Salam Andiko Sutan Mancayo Kota bingkuang Nan sadang lintuah -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
