Waalaikumsallam wr wb Pak Iqbal yang berbahagia
Anta dari ma la ka ambo mulai mambaleh carito nan seru main bola tarkam jadul di kampuang Pak Iqbal nan sabana seru, mengasyikan, penuh warna, bertdenyut ambo sabana dapek marasokannyo ba situasi katiko tu, solanyo ambopun suko bana malala puta2 di kampuang di kota padang, ka naggalo, kurau, kampuang kalawai, koto marapak, sawahan, simpang haru,tabiang kota tangah,balakang tangsi, berok, alang laweh, aia manih, taluak bayua sampai ka batang kabuang tamasuak kampuang Pak Iqbal Palinggam Ambo waktu ketek dan remaja adolah fans fanatik dan ikuik manjadi anak gawang kampuang ambo tingga sajak awal 70 an di aia tawa kini bekas kampuang aia tawa asli tu adolah FKT dan FPOK UNP d/h IKIP Salah satu pemainnyo tapiliah jadi pemain PSP anak kampuang aia tawa nan rumah mandenyo di muko rumah ambo bana yaitu ambo panggia Da Cap, liau kini dek pandai main bola diangkek jadi pegawai IKIP Jadi ambo kama PSAT main tarkam pasti ambo ikuik, biasonyo IKIP manfasilitasi pai jo oto roburnyo nan sopirnyo Da Udin urang aia tawa juo sirokornya banamo Da Kunin itu panggilannyo dek ambo Baa carito Pak Iqbal kajadian2 tu acok kito tamui di main bola tarkam, urang2 ketek tageh dan lincah bantuak kawan Pak Iqbal si Tas tu pasti ado sajo, apolai kok bek nan pamaneh pantang kanai goreang dek ulah tipikal main mode si Tas ko memang masuak sakali main si garagai ko Pak, main simpai, tekel horor,malapia tulang kariang Dan persis juo ado lucu2nyo instruksi pelatih "lindungi si Tas dari pemain nan main si garagai" biasonyo yo nan badang badagok kue fisik yo sarupo Pak Iqbal Kalau dek kami (PSAT) nan tugas co itu banamo "Mak Itam" Lalu kalau ambo sendiri main bola yo penggembira sajo, labiah gadang sorak sajo, untuak maangek2an dendang raun sabalik ikuik latihan sajo, tapi ambo adolah pendukung kalau istilah italai Tifosi Ultras PSAT, kalau main di iman bonjol nan masuak ba karcis yo ambo rela mambaokan sipatu bola Da Cap untuak sekedar code sajo ka petugas bahwasanya ambo tamasuak official PSAT ha ha ha Memang seru dan mengasyikan yo Pak suasana main bola tarkam jadul amuah parang gai antyar kamopuang deknyo, kok kalah ado kasam ndak lapeh, diulang bilo2 liak batandiang Nan "main daram, main sigaragai, main pagai, main patang/sore tambah ciek lai main karek kayu" iko selalu hadir dalam main bola antar kampuang Kalau lah gaya main co itu adolah beberapa vektor yang saling "menguatkan" makao resultannyo adolah Lego Pagai Nah bia resultan vektor ko nol (ndak lego pagai) kalau dilapangan IKIP tu batandiang mako paralu duo vektor nan batulak balakang bia resultannyo nol (aman dan terkendali) dan itu adolah Polisi Padang Utara jo pasukan tantara Rindam di subarang jalan (kini Yonif) nan mambaok rotan Batambah ciek lai ruponyo dek Pak Iqbal gaya main kasa dalam bola walau ambo lahg familiar juo jo istilah ko " Main si Garagai" Batua kecek Pak taufik tu jiko ndak ado kepekeaan aparat lai dalam menegakan hulum setegak-tegaknya seadil-adilnya apobleh buek caro2 ormas nan kareh sarupo FPI tu yo paralu lai turun tangan untuak "main pagai, main daram, main sore,main sigaragai" dalam arti tentu membasmi ke bathilan Cubolah kito bayangan triliunan penguasa dan petinggi dan oknum pejabat pemerintah ko Pak Mandaram kepeang, sabana edan.edan. Ditangah susahnyo iduik rakyat banyak, baa ndak ka main si garagai masyarakat lai menggugatnyo kalau hukum lah indak jadi panglima lai Lah panjang Pak Iqbal, pastinyo kito nikmati duo lago nan tasiso di Piala Dunia ko sia se nan juara nan pantiang awak hepi dan sehat manonton main "fair play" nan ditunjukan oleh timnas nan masuak final Wass-Jepe Sent from my AXIS Worry Free BlackBerry® smartphone -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
