Angku Abraham Ilyas sarato dunsanak di palanta nan ambo hormati . Mari kito cari basamo-samo nan kajawabno jo pangatahuan masing2 .
Diadatkan di Minangkabau struktur masyarakat disusun manuruik garis ibu namono Suku dengan mancontoh dan baguru ka alam takambang . Untuak mampajaleh dibueklah Ranji , supayo pawarisan pusako tinggi indak manyimpang . Wakatu Adat dibuek , milik nan jadi sumber kahidupan masyarakat adolah tanah nan dipadapek tanpa mambali, diwarihkan kabawah menuruik garih ibu, indak buliah dipajua balikan . Hubungan anak jo bapak dan kaum bapak diatur dalam Adat Minangkabau nan disabuik adat babako-babaki . Kalau suku marupokan Sistem Matrilinial mako ado sub sistemno nan banamo Sis Pewarisan Pusako Tinggi, Sis Babako babaki dan Sis Kekerabatan . Itu mangko kito labiah mandalam tahu katurunan garih ibu dari pado garih bapak . Bagi nan mancubo mamakai sistem Patrilinial atau parental dizaman moderen sarupo kini , Indak paralu dimasaalahkan, bialah mailie bak aie , hukum alam akan balaku . Sasudah masuak Agamo Islam nan maajakan , alam takambang adolah ayat-ayat Allah bagi umatno nan baiman, sarugo dibawah tapak kaki Ibu, hormat kaibu tigo kali labiah tinggi dari ka bapak , dan indak diharamkan dalam Alqur'an manyusun masyarakat dengan garis ibu mako Adat Minangkabau indak habih dengan masuaknyo Islam, bahkan jadi labiah kuat , falsafah adat disamparonokan manjadi ABSSBK . Alqur'an maajakan pancaharian bapak diwariskan ka anak manuruik hukum Faraid , bapak berhak manikahkan anakno sabagai Nasab , dipakai oleh Adat Minangkabau ( Syarak mangato - Adat mamakai ). Indak ado partantangan antaro Adat Minangkabau jo Agamo Islam . Nan mampartentangkan adolah orang-orang nan alun mandalami ajaran Adat Minangkabau nan asli, cuma maliek nan tajadi maso kini dilingkungan nan tabatas. Adat Minangkabau indak mamisahkan anak dengan bapak atau bakono, tapi diatur dengan rapi hak dan kawajiban masiang2 pihak, nan mambuek silsilah dengan garis bapak indak dilarang , cuma sisytem Patrinial itu indak ado subsistemno sarupo sis Matrilinial nan kito warisi . Kini kito dapek maliek, namaa nan labaih banyak manfaatno untuak kesejaryeraan dan kastuan masyarakat ? Nah sakitu uraian ringkas tanggapan ambo ateh partanyaan angku Abraham, mudah2an ado tambahan dari nan lain . ( Ref : Buku Mambangkik Batang Tarandam ) Nan jadi kato kunci : duluan mana laieno adat Minangkabau dengan masuakno Islam ka ranah Minang ? Wassalam dan maaf dari : Inyiak Lako , L - 74 , suku Malayu , asa dari Baso, Agam. Kini dalam pjalanan di Blora . Sent from my BlackBerry® powered by Sinyal Kuat INDOSAT -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
