Dunsanak yth. Walaupun ambo bukan menjadi anggota aktif atau pengurus LKAAM, dan indak ado nan kenal jo pengurus LKAAM kini ko, namun tertarik dengan info nan disampaikan Ajo Duta. Karono hadok info itu adolah ka LKAAM, padahal indak ado pengurus LKAAM nan manjadi anggota aktif di RN iko. Supayo indak manjadi fitnah, mungkin dalam kasus iko ambo tagak sabanta kok buliah mewakili pandangan LKAAM. Satantang maksiat nan dijumpai Ajo Duta di Padang, alah taraso ado unsur pidananyo manuruik hukum positif (undang-undang negara). Kok disilau jo hukum Islam, mudah-mudahan ado nan maagiah tahu baa caro hukum acaronyo. Kok disilau jo hukum adat, harus memenuhi unsur 'basurieh bak sipasin, bajajak bak manggari'. Jadi harus tahu sia nan babuek, apokoh talala jo takajah, tacacang atau tabureh, tararau atau taciak, dst. Jadi kalau manampekkan ABSSBK sabagai hukum operasional, jo caro apo hukum nan kabapakai? Kalau tuduah disampaikan ka LKAAM, mangko ABSSBK bapakai jo hukum adat. Kok itu, apo aturan nan mambanakan legal-formalnyo? Karono, LKAAM sajak awal memang dibuek antah duduak legal-formalnyo dalam kerangka NKRI. Batanyo awak ka urang-urang dulu nan alah mambantuak sarupo itu. Dalam kaputusan LKAAM 5 tahun lalu nan ambo baco, memang disabuikkan kalau LKAAM membina ABSSBK. Namun indak taruih dalam keputusan operasionalnyo. Antah kok keputusan nan tahun 2010 iko. Jadi keputusan operasional mambutuahkan unsur limbago nan operasional, dan kudian anggaran operasional. Nan masalah, apokoh LKAAM dipabuliahkan operasional? Kok baiyo bana dalam masalah itu, bueklah aturan nan mandukung hal itu antaro lain melalui KKM, dan sadioan anggaran untuak itu. Nan salamo iko operasionalisasi ABSSBK adolah tangguang jawab banyak pihak, sasuai jo peran dan fungsinyo, baruang-ruang bak durian banabu-nabu bak cubadak. Untuak penegakan hukum, dek karono itu, basarah awak ka institusi penegak hukum nan saharusnyo alah diatur dalam NKRI kini. Kok ado nan patuik LKAAM ka turun tangan, tantu basasuaikan dengan peran, fungsi, dan kemampuan nan ado. Jadi paralu awak timbang satiok permasalahan nan tumbuah dalam masyarakat, indak sajo sacaro idealitas, tapi juo jo realitas. Kok memang ado, disasuaikan bana jo peran, fungsi, dan tangguang jawab masiang-masiang. Indak paralu saling manunjuak atau saliang manunggu, kok tahawai jo diri surang, buliah ditagakkan jo tangan sendiri, atau jo kato-kato, atau hanok di dalam hati. Baitu kiro-kiro nan ambo pahami, antah nan sabatuanyo dari LKAAM sandiri. Talabiah takurang mohon dimaafkan. Wassalam, -datuk endang
--- On Mon, 7/12/10, ajo duta <[email protected]> wrote: Assalaamu'alaikum ww, Pagi tadi kaki mambao bajalan jalan. Tak tahunyo tapasek ka pasa tradisionil nan talatak indak jauah dari tapi lauik. Jarak nan cukuik jauah cukuik mambuek paluah bacucuran diudara nan angek di kota Padang. Baliak ka hotel angkot dipiliah. Begitu masuak talingo takajuik dek musik kareh dari speaker gadang ber-db tinngi. Mato takajuik pulo diateh speaker ado boto miras impor bajejer 3 buah. Pemandangan aneh di ranah yang ber ABS-SBK ko langsung ambo abadikan dg BB langsung ambo kirim ka FB (cari "dutamardin"). Tapikia dalam hati seakan di Padang indak ado ulama dan pemangku adat memprotes prilaku jahiliah ko. Artinyo LKAAM beserta tungku sajarangan lain betul betul basipakak jo keadaan ko. Baa menuruik sanakko? -- Sent from my mobile device Wassalaamu'alaikum Dutamardin Umar (aka. Ajo Duta), gelar Bagindo, suku Mandahiliang, lahir 17 Agustus 1947. Nagari Gasan Gadang, Kab. Pariaman. rantau: Deli, Jakarta, sekarang Sterling, Virginia-USA ------------------------------------------------------------ "menjadi bagian dari sapu lidi, akan lebih bermanfaat dari pada menjadi sebatang lidi" -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
