Nah Angku Taufiq, ruponyo ado duo perbedaan ucapan di Ampek Angkek. Di Mudiak (Biaro jo Balaigurah) memang nan biaso tadanga dan kami sabuik saroman verifikasi Angku Lembang, iyo "Mangindo". Tampaknyo di Ilia (panamopuang) disabuik Bulan Gindo (saketek beda ucapan). Baa di Lambah mungkin samo jo Panampuang mudahan dapek kito verificaksi nanti.
Tapi sebagai nan Angku Taufiq tarangkan tu "Bulan Gindo" (di Panampuang) manandokan ado urang mati baramuak, di Biaro Balaigurah namonyo "Banta". Mangindo ko malangkuang panjang di langik bawarno tujuah saroman gerbang gadang. Tapi, kalau "Banta" ko bawarno samo, cuma sabagian ketek sajo dari Mangindo tu mancelak di langik saroman banta, atau tampaknyo sagadang banta nan untuak lalok di awak. Kalau tampak "Banta" tu di langik, baru ado urang bakomentar: Aah tando ado urang (ka)mati baramuak." Kalau tampak "Mangindo", indak ado komentar saroman itu kecuali saroman nan dikecekan urang gadang (dewasa) ka anak-anak atau anak-anak ka kawan-kawannyo: "Jan ditunjuak!" (Rasonyo ado tambahannyo, kok ditunjuak, busuak tunjuak awak bikoh). Nah, kapado adidunsanak di daerah Riau atau dima sajo di Indonesia, adokoh tadanga istilah "Mengindra" tasabuik-sabuik bahubuangan jo "Mangindo" ko? "Indra" adolah Dewa nan manguasai Angkasa jadi istilah "mengindra" menyerupai atau menjelma menjadi Indra. Tibo di Ampek angkek manjadi "Mangindo". Atau "Mangindo" ko istilah asli Amoek angkek. Antahlah, itu agak-agak MakNgah dan disabuik-sabuik juo sacaro indak langsuang dek Inyiak Thaib (kamus Minangkabau). Salam, --MakNgah --- In [email protected], taufiqras...@... wrote: > > Kalau dikami namo bukan Mangindo. Tapi Bulan Gindo > > Kehadirannyo disertai nilai mistis : Ado urang mati baramuak/ pembunuhan. Itu > kecek urang tuo saisuak > > Salam > TR -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
