Waalaikum salam Fajri, alhamdulillah lai sehat sehat sajo. Sungguah pun Fajri mangirim email japri ka ambo, tapi ambo ka manyorak an ka palanta kalau ambo ka mamakan randang baluik beko malam. Iko bukti nyato salah satu manpaaik/ nikmat nan ambo dapek salamo duduak mancikutuik ( salang istilah Mak Ngah dulu ) disuduik lapau. Dunsanak batambah, rasaki batambah pulo. Alhamdulillah babarapo aggota palanta nan dari Batam lah ampia basuo kasado nyo. Namun si tukang dendang Sanak Andiko, iyo alun sampai basuo lai. Karano nampaknyo sanak ko agak panjang sayok nyo. Jadi agak jauah tabang nyo. Baitu juo Mamanda Ajo Duta saro Mak Datuak Arif, nan lah singgah dan sangajo maluangkan wakatu untuak basuo jo kami di rantau ampiang ko. Namun sayang katiko Bundo Nismah tibo sarato Bapak Prof Suhaimi manyubarang ka pulau kekek ko , ambo indak saleso untuak basuo. Antah kok Rina atau sanak nan lain lai ko bakasampatan untuak basuo jo Baliau. Mohon maklum kapado Bundo Sarato Pak Prof. Suhaimi, karano kami ko baparak diparak urang...
Mambaco judul email ko RANDANG BALUIK, lidah ambo langsuang tasentak. Manggarayok , raso lah dibibia tapi cawan tu ( mukasuik ambo randang baluik tu ). Randang baluik ko adolah makanan nan alah cukuik lamo ambo danga dari carito kawan kawan nan barasa dari luhak tanah data sarato jo luhak limo puluah. Dikampuang ambo nan babandera sirah kurang acok mandanga iko. Antah kok di Agam tuo kok lai ka ado randang baluik ko. Kalo didanga carito dari kawan kawan atau pun dendang kuliner daripado dunsanak di palanta apo lai kalo di bungkuih dek Da Jepe, yo sabana taraso lamak manih nyo. Namuah mandaguik daguik sajo sambia mambaco. Kini ko dapek pulo tawaran oleh oleh dari kampuang dari Fajri nan babaliak dari pulang ka kampuang untuak ma hadiri alek perkawainan adiak baliau. Alhamdulillah juo ambo ucapkan karano acara alek lah salasai. Nan diniaik alah sampai nan diama alah pacah. Kini lah sampai pulo dengan salamaik di Batam ko. Jadilah Fajri, dari pado ambo penasaran, beko sambia pulang karajo ambo semba randang baluik ko dirumah Fajri. Kok putuih urek malu ko nak putuih lah dulu. Nan pantiang salero lai barubek... Rina, Gusdi, Rudi, Sanak Andiko....kok taragak datang lah beko karumah Fajri. Kok habih punyo Fajri, nan kajatah ambo sajo kito pagatok... Salam, Tamudo,btm _________________________________________________________________________________________________________ Assalamualaikum... ba'a kaba da lai sihat2 sajo.... da lah tibo wak patang jam satangah limo di rumah.... acara lai lancar2 jo di kampuang... datang lah ka rumah beko da ,ado oleh2...ado randang baliuk,..... Cheers, Fajri Mardi Nippon Steel Batam Offshore Service | E & I ENGINEERING DEPT. | (+62-778-391509 ext-449 [email protected] -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
