Guguk Cino? Adokoh asausuanyo namo Guguak Cino ko? Rasonyo dalam bacoan MakNgah lamo, maso saisuak ado Utusan dari Karajaan Cino nandatang ka Saruaso. Antah bilo, anath dima sumbernyo, Makngah lupo. Kok ado nan dapek manalusua asa namo Guguak Cino tu rancak tu.
Katu MakNgah baranti di Tanjuang Brulak patang ko, singgah ka Lapau Nasi, pantun MakNgah lamo dibelokkannyuo saketek mampasilakan MakNgah masuak ka Lapau tu sambia galak: Padang Gantiang Tanjuang Barulak Katigo jo Saruaso, Bakato Aia dalam Luak Kok 'ndak ka mambali maago sajo ... Sanang ati mandanga caronyo mampabahasoan tu. MakNgah nansangajo mancari kadai nasi lokal, memang indak mancaliak maago-ago sajo MakNgah doh, bahampai nasi angek jo gulai-gulai nan tahidang, langkok jo patai baabuih bagai, iyobana sampai patai-patai salero kalamaakan. Bidaso makan sambia maota jo Urang Lapau tu. Salam, --MakNgah --- In [email protected], jupardi...@... wrote: > > Andiko > > Jadi bana bana kalau lado kapalo karuang ko he he he ado2 sajo istilah..tapi > iyo lo mah lado nan talatak di kapalo karuang tu yo nan rancak2 segar > nampaknyo ka jadi pamanih galeh kali yo > > Baliak ka rumah makan guguak cino kampuang ambo tu, pas bana ambo paliang > suko bana jo ayam goreang kampuangnyo > > Yo padek "susah manangkoknyo" iko kok ambo terjemahkan yo ayam kampuang nan > lia aratinyo makannyo alami di alam dan baragam tantu rasonyo manih, kamek > dagiangnyo apolai bagian nan kasayok tu > > Kalau ayam taranak haa..kok awak manangkoknyo yo diputa sajo lagu dang dut > "pasrah" he he co itu bana ayam ras ko "ongok raya" dek makan basuok taruih, > lah gapuak baraia ndak bakatantuan sajo badan :-) > > Nampaknyo lai batanang dan syhadu Sutan makan disinan sambia manikmati sawah > ladang jo bukik2 disekitar guguak cino, sempat rami urang buru disinan yo > ndak kadapek suok nan lamak duduak batanang > > Iko lah tabedo kito kalau cinto jo kasiah sajak ketek jo kampuang ko lah > manyatu apolai tibo ka makan nan takana samba-samba buruak juo, disinan badan > diri raso barubek dek damam rindu dirantau mangana kampuang si bundo kanduang > jo tapian mandi > > Lewakanlah taruih dendang kuliner samba-samba buruak ranah minang tu > > Wass-Jepe > > Sent from my AXIS Worry Free BlackBerry® smartphone > > -----Original Message----- > From: andi ko <andi.ko...@...> > Sender: [email protected] > Date: Wed, 14 Jul 2010 18:52:17 > To: RantauNet<[email protected]>; <[email protected]> > Reply-To: [email protected] > Subject: [...@ntau-net] Ayam Kampuang Goreng Guguak Cino > > Sanak Palanta > > Guguak Cino namo tampeknyo, sasimpang ka Padang Gantiang, jatuah manajun ka > Sawah Lunto. Nan ciek luruihlah jalan, taruih manuju ka nagari Atar, beko di > pangkeh dek simpang Sitangkai. Disinan sanak, di Guguak Cino sabalah kida > dari arah Barulak Bapintu Rayo, disinan tagak rumah makan sederhana. Nan > menunyo sanak, kok ikan gulai kuniang, ikan baranang di tabek nan di > tangkok, jaleh bana segarnyo. Kalau ayamnyo, ayam kampuang dikandang induak > bako nan ba cakau, susah dapeknyo, itu nan bagoreng. Kok sambaladonyo ba > maco tarubuak, lamak di palik jo pucuak ubi. Lado nan kapalo karuang, mamak > kanduang bana nan baladang lado, nan pucuak ubinyo, pucuak ubi pakarangan, > iyo jauah dari sagalo paik. > > Makan nasi angek dari bareh baru, makan sambia mamandang sawah lapeh, angin > dingin mahampia dari salo pokok karambia. Iyo raso indak ka babaliak ka > parantauan sanak. Kok sanak taragak kasinan, dari Batusangka, puta stiur > bendi arah Bukik Gombak, taruih manuju labuah luruih, dari Saruaso ka Koto > Tangah, takan gas oto manuju Tanjuang Barulak, disinan mangko Guguak Cino. > > Di bawah fotonyo sanak > > http://www.facebook.com/album.php?aid=70986&id=1378658278&l=1b21283ea8 > > Salam > > andiko sutan mancayo -- . Posting yang berasal dari Palanta RantauNet ini, jika dipublikasikan di tempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini dan kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur dan Lokasi pada setiap posting - Hapus footer dan seluruh bagian tidak perlu dalam melakukan reply - Untuk topik/subjek baru buat e-mail baru, tidak me-reply e-mail lama dan mengganti subjeknya. =========================================================== Berhenti, bergabung kembali serta ingin mengubah konfigurasi/setting-an keanggotaan di: http://groups.google.com/group/RantauNet/subscribe.
